SAMUEL ATUGHIU 17:47 - Sumi Naga CL (Re-edited) Bible (BSI)

⁴⁷ eno hile kumqope akemi kümtsü no Ampeu ye azütakikihi ngo angupa vecheo xalu chemoe pi ithi penie. Kughengu aghüshi ye Ampeuw ke, eno Pa no o pesü ningu u lo sütsü nani.”

BAIBEL (BSI)

⁴⁷ eno hilehi kuami kumtsu pelono AMPEU ye azutakihi momu anguno pawu timiqo xalunike avehupu shi chemoe pi ithilu peni. Paye aghushiqalo tokuluuke eno pano nongu kumtsu pesu niulo suvetsu nani.”

SAMUEL ATUGHIU 17:47 Iomraidhean Croise

KUKAMI AKINIU 5:15

Tileno pa no paw timi kümtsü sasü Alhou timi lau ideighi no pa zülo puthugho no pi, “Julo, I no ithivae, Israel lo kumo aye, ayeghi kümtsü lo Alhou kühae; tighenguno itehi kimiyeno agho hipau o qeu launo ikhilu tsülo.”

YEKIKITHI AKINIU 14:11

Asa no Ampeu pa Lhou lau ighamku inikhu, “O Ampeu, akumtomi ngo miqemlei kemi dolo kuphu tsüni keu O toike khumu kühae. Ni kuphu tsülo, kughengu ningu ye O shou pükhü ani, eno O je lono ningu ye aqokitikhi sasü kumjoni ke ighi ani. O Ampeu, No ye ni Lhou ke, khuu pelomu ni theqhivepe kevilo.”

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

HOSIYA 1:7

Ikemu I no Judah shiaye küpüqhiyi nani, eno Ni Ampeu panoqo Lhou no panongu xalu nani. Ni ye shexilika, azütakikihi, aghükishi, khurshi momu khurshimi vecheo xalumo nani.”

ZEKHARIA 4:6

Ikehu pa no I vilo pi, “Hi ye Zerubbabel tsükeu Ampeu tsa ke: Akumto no kumo, momu aküka nomu kumoe, ikemu I Ghungu vecheo noe, ipi aqokitikhi Mpeu no pi.

Rommi 8:31

Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?

Rommi 8:37

Moe, Khuu no ningu kimiye cheni keno Pa vecheo ningu ye hi kümtsü lo aghütomi nguno alau tokulupu ani.

JOSHUA 10:8

Ampeu no Joshua vilo pi, “Panongu msa kevilo, I no panoqo pesü o u lo süve tsüae. Panongu lakhimu o zülo puthugho lumo nani.”

SAMUEL ATUGHIU 14:6

Jonathan no apumi pa ghünanu kupuu vilo pi, “Ighilo, nikujo aphighüyiko ghamo kemi lau ikuni. Ampeu no nikujo ghenguno akümla shitsü peni, kughengu Ampeu no xaluni keu ye kutomo vecheo shi aghina aghulo vecheo shi aghi namu lakha chile mlae.”

SAMUEL ATUGHIU 18:17

Tithiu Saul no David vilo pi, “I nga akichiu Merab hile ani. I no li pesü o nipu shi penike o tsüni. I ghenguno amlo kumto shino Ampeu ghüshi shilo.” Kughengu Saul no ishi kümsü, “Pa shou I u süqhe moni, ikemu Philistiami u no pa shou ikughi peni.”