SAMUEL ATUGHIU 17:26 - Sumi Naga CL (Re-edited) Bible (BSI)

²⁶ David no pa phivilo akemi vilo pi, “Philistiami hipau pithive no Israelmi launo thokügha ikhive tsükeu lau kiu shitsü nani pi kea? Kughengu aphighü ghamo kemi Philistiami hipau ye khuue pi aküxüpu Lhou ghüshimi khüni kea?”

BAIBEL (BSI)

²⁶ David no pa phivilo ngo akemi vilo iniju, “Filistiyami heqhiveno Israilmi thaigha akeu lono khaqhi phevetsuni kelo timi tipauye kiu ithulu nani kya? Hi ayekumthau Filistiyami pa khuukeno xukuau Lhou ghushimi shiptha shikukujo anikya?”

SAMUEL ATUGHIU 17:26 Iomraidhean Croise

KUKAMI AKINIU 19:4

Ampeu o Lhou ye Rabshakeh, khuu Assyria kükau no xüakeu Lhou thaigha peniye puwu keno, pa no pikeu tsaqo kümtsü chiluve aghi nani, eno Ampeu o Lhou ye tipa tsaqo chilu no alomipi nani keniae; tighenguno ghükulumi ghenguno inikhu tsülo.”

YEKIKITHI AKINIU 32:17

Pa no Ampeu Israel Lhou thogha niye yesü ye eno pa shou pipuku, “Shiye kütami lhou khunono I u lono pano timiqo xaphemlave keno, tipaqo toi Hezekiah Lhou ghi I u lono Paw timiqo xaphe mlave nani.”

NEHEMIA 5:9

Ikehu I no pi, “Nongu no kiu shi ani keno küqü ani. Ni ghümi no ni thaigha pemoni ke nongu ye ni Lhou sükümsa lono chekepue.

LESHELE 44:13

Nono ni kisüghümi pelo ni jukünatha peke, ni sükümxa lo akemi küthakügha eno thokügha shive peke.

LESHELE 74:18

O Ampeu, aghümi no kishi O junu ani, eno mbomzümi no O je thaigha ani keno kümsülu lo.

LESHELE 79:12

Ni cheaxümi no O shou O cheqhi akeu ghenguno aghime ghuthu tsüni kutolo tsülo, O Ampeu!

ISAIAH 37:23

“No ye khuu phimo eno thaighave akea? Khuu shou o sütsa süqhepe eno o nhethi xukidepe jupuku kea? Israelmiw Akimtheu shou ke!

JEREMIYA 10:10

Ikemu Ampeu ye kuchou Lhou; Pa ye aküxüpu Lhou eno lhokta Kükau. Pa loghu lono ayeghi itha cheni, eno Pa no amloide kelo shiyeqo ye puqhelu chemoe.

JEREMIYA 9:25

“Julo, atsala ye cheni, ipi Ampeu no asheshu, khunono ashi lono aphighüyiko gha keno pano ghime nani

JEREMIYA 9:26

Egypt, Judah, Edom, Ammon nuliqo, Moab, asayeqha lo xüküami, acheku lo asa amqo lakhi tsache keqo, shiye hi kümtsü aphighüyiko ghamo keqo, eno Israel kibolomi pano mlo lono aphighüyiko ghamo keqo kümtsü ghime nani.”

EZEKEL 28:10

No ye inaghami aphighüyiko ghamo kemi u lono thive nani; kughengu I no piqhivae ipi Ampeu Alhou no asheshu.”

DANIEL 5:23

ikemu kungugha lo Ampeu shou no ampi süqheke. Eno Pa kilo abohuqo o zülo süghipe eno no ngo o qholo ampemi, o nipuqo eno o nipu amishiuqo no tipaqo lono aji shomzüe. Nono ghükayi, ameshoyi, alazayi, ayi, asü-atu lhou, khunoqo ithulu chemo, chilu chemo, momu ithi chemo keno panoqo sheqheke, ikemu Alhou khuu u lo o tuthu ani, eno khuu no o laghi keno, nono gihu movae.

DANIEL 6:27

Khuu no abongshuuqo küka lono Daniel xaphelu keno, Pa no xaphe eno hakho cheni; Pa no atsütsü eno ayeghi lo amchipu eno akümzapu mla chenie.”

DANIEL 9:16

“O Ampeu, O mikucho kümla kiqi lono Jerusalem, Ow mishighüna, O kimthe toghi lono O mlokighide eno O loghu tsüghüve tsülo, ni xine eno ni puasüqo kipimi ghenguno Jerusalem eno Ow timiqo ye ningu sühope akemiqo kümtsü zülo küthakügha shivae.

JOYIL 2:19

Ampeu no Paw timiqo khochile no pi, “Julo, I no nongu lau athi, atsaizü, eno thazü puwu tsü ani, nongu no aghakiqi shilu nani; eno Ni ye nongu pesü shiyeqo zülo atichepu shive pemoae.

ZAKINIU 5:26

Kughengu aküxüpu Lhou no ami lono pütsa keu chilu kelo, timi khuana xülu püani keshea?

1 Thes. 1:9

Kughengu nino nongu lau ighi kelo kishi nongu no ningu ikhilu, ajulho launo tsüghüsü aküxüpu eno kuchou Lhou qenike ighi,

JOSHUA 3:10

Joshua no pi, “Aküxüpu Lhou no nongu gholo ani kepi hileno ithi nani, ti ye Pa no nongu zülono Canaanmi, Hittimi, Hivimi, Perizimi, Girgashimi, Amorimi eno Jebusimi hapheve tsü nani.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

SAMUEL ATUGHIU 11:2

Ikemu Ammonmi Nahash no panongu vilo pi, “Aghola hipau lono I no nongu sasü visho shini, ti ye I no nongu kümtsü nhethi ajeu lejove tsüni, eno tipau no Israelmi kümtsü lau küthakügha shitsüni.”

SAMUEL ATUGHIU 14:6

Jonathan no apumi pa ghünanu kupuu vilo pi, “Ighilo, nikujo aphighüyiko ghamo kemi lau ikuni. Ampeu no nikujo ghenguno akümla shitsü peni, kughengu Ampeu no xaluni keu ye kutomo vecheo shi aghina aghulo vecheo shi aghi namu lakha chile mlae.”

SAMUEL ATUGHIU 17:10

Pa no pi, “I no ishi tsala lo Israelmi kichi-iti khü ani. Timi lakhi I tsülo, nikujo kümtsa kichighi junie.”

SAMUEL ATUGHIU 17:30

Pa no tsüghüve no kütami vilo athoshi pi, eno timiqo no itaghi azüu toi pa khochile.

SAMUEL ATUGHIU 17:36

O qeu ye abongshuu ngo avaqo ghi heqhi pithi püani, eno aphighü ghamo kemi Philistiami hipau ghi titoi shivetsü nani, kughengu pa no aküxüpu Lhou ghüshimi khü anie.”

SAMUEL ATUGHIU 31:4

Ikehu Saul no pa ghünanu kupuu vilo pi, “O zütakikihi pesü I jiqhive lo, tikumo aye aphighüyiko ghamo kemi no ighi no I kijipüsa no pithive nosae.” Ikemu pa ghünanu kupuu no tishi moe, kughengu pa ye shishe msave. Tighenguno Saul no pa zütakikihi ikhilu no tipau shou ikiqi iku thive.