SAMUEL ATUGHIU 17:25 - Sumi Naga CL (Re-edited) Bible (BSI)

²⁵ Israelmi no pi, “Timi khuu ipeghi ani keno nongu ye pa ithulu anima? Mtsüqheino pa ye Israelmi khünike ipeghi ani. Khuu no pa heqhi luni keno akükau no asaxü kije tsüno pa nga ghi timi tipau tsüniye ani, eno pa pu kibo ye Israel lo zame tsüpe moni keu shi ani.”

BAIBEL (BSI)

²⁵ Panongu dolo pikile “Pa julepi oe! ‘ Pano ni khu akeu sutsa inijulepi! Akukau Saul no timi khukhumu Goliat heqhiluve keuye ighono agho kije lakhi tsunikeu shi eno tinguno alaughi akukauno pa nga pesu timi tipau kilo kulapuwoni keu shi eno timi tipau papuye kumu chhighame tsupemo nikeu shi tushoqhi puanie.’ ”

SAMUEL ATUGHIU 17:25 Iomraidhean Croise

EZRA 7:24

Ningu no highi nongu lau pithi puwu akeu ye achinemi, Levimi, alephemi, ahukikha khemi, achineki lo aqemi, momu Alhou ki hipau lo aqemi kütami lau zame eno asüqha benikeu ye achipi kumoe.

MATTHEW 17:26

“Inami launoe,” ipi Peter no khochile kelo Jisü no pa vilo pi, “Imaye aghakhumi ye tsümo kepuke.

JOSHUA 15:16

Caleb no pi, “Khuu no Kiriath-sepher leluni keno I no I nga Achsah pa kilo puwoni.”

Piyeküsü 2:17

Khuu no akini ani keno Aghungu no akukuhouqo lau piakeu chilulo. Khuu no theqhi luni keno I no küsü püakeu manna hami tsüni, eno atu kimiye lo aje kithe yepuku pe pa tsüni, ti ye khuu no ithuluni keno pa no kumo aye khunomu ti ithimo nani.’

Piyeküsü 2:7

Khuu no akini ani keno Aghungu no akukuhouqo lau piakeu chilulo. Khuu no theqhi luni keno Alhou ghutu lo aküxüpu sübo akeu xathi chulu penike I no puloza tsüni.’

Piyeküsü 3:12

Khuu no theqhi luni keno, I no pa pesü I Lhou chineki lo atsükucho lakhi shitsüni. Pa ye khilemu tipau lono ipevemo nani, eno I no pa shou I Lhou je eno I Lhou phughi Jerusalem kitheu khikhi kungugha lo I Lhou launo iqighi keno, tipau je eno I je kithe, ishi yepuku nani.

Piyeküsü 3:21

Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.

Piyeküsü 3:5

Khuu no theqhi luni keno hitoi aphimini kimiye pepipe nani, eno Ni ye khilemu aküxüpu kaku lono pa je nuxave tsümo nani. I no I Pu eno Paw kungumi zülono pa je piphetsü nani.

SAMUEL ATUGHIU 17:24

Kughou Israelmi no timi hu ithulu keno, kümtsü no pokhave eno shishe msave.

SAMUEL ATUGHIU 17:27

Timiqo no titoi pa khochile, “Khuu no pa pithiluni keno titoi pa lau shitsü nani.”