SAMUEL ATUGHIU 17:20 - Sumi Naga CL (Re-edited) Bible (BSI)

²⁰ Jesse no azah tsüke toi David no inaqhe itheno ithu ambeqo pesü hekujuu gholo qhive no achuqupu pesü wuve. Pa no aghazü lo ighi kelo aqokitikhi ye aghüshiqa lo aghüleku cheghive.

BAIBEL (BSI)

²⁰ Thanau David ye itheno ithuve no timi khami pelo bheri khe aghipeni keu kulhuqhive tsuno ilhuve puzu papu Jese no pa vilo piketoi wuve. Pano chesu aghazu toluke ghulokilo Israilmi ye aghu shiwunike ghenguno ajo shi hekutsupe aghuleku aghi.

SAMUEL ATUGHIU 17:20 Iomraidhean Croise

Luke 19:43

Kughengu o ghümi no o bothape aliwo shive no o khasüpe no ako kümtsü lono le iloghini keu tsala ighi nani.

JOSHUA 3:1

Thanau inaqhe Joshua ngo Israelmi no ithughi no Shittim lono chesü Jordan lo ighi eno katha ikumphi lo tilehi aghazü shia.

SAMUEL ATUGHIU 15:12

Samuel no Saul sasü kusho nike itheno ithuve. Samuel vilo ishi pi, “Saul ye Carmel lo wuvae, eno pa ye pa sala athigho shiqheve no Gilgal lo wuvae.”

SAMUEL ATUGHIU 17:19

Saul ngo Israelmi kümtsü Elah Khila lono Philistiami sasü aghü shiae.

SAMUEL ATUGHIU 17:21

Israelmi ngo Philistiami no aghü shiniye ghüshimi no ghüshimi kithepe ngove.

SAMUEL ATUGHIU 17:28

David no timiqo pütsa akeu pa mu anoghiu Eliab no chilu kelo, pa ye David ju amlo ideve no pi, “No ye kushiye hilau ighi ani kea? Eno yenguyi ke-a lo ambe aghulo akeu ye khuu gholo qhive akea? Ow kümsükuju eno o mlo lo alhoksa akeu I no ithi ani, kughengu no ye aghüshi juniye ighi ani.”

SAMUEL ATUGHIU 26:5

Pa no mtazü Saul no khile aghazü shi akeno, tile ighi kelo Saul ngo Ner nu Abner, ghüshimi zatsüu, pama no akulhoqhi ke-a ithuluve. Saul ye aghazü mta lo ihozü ae eno ghüshimi no pa sühope kheae.

SAMUEL ATUGHIU 26:7

Ikehu David ngo Abishai pama no putho lono ghüshimi lau iqi. Saul ye aghazü mta lo züaghi, pa ngupa no akütsü phivilo süsüve no Abner ngo ghüshimi no pa vehope züaghi.