SAMUEL ATUGHIU 17:11 - Sumi Naga CL (Re-edited) Bible (BSI)

¹¹ Kughou Saul ngo Israelmi kümtsü no Philistiami hupau tsaqo chilu keno, panongu ye aghüthi süve eno shishe msave.

BAIBEL (BSI)

¹¹ Saul eno pawu timiqono tipau chilu kelau ye kichimamaive.

SAMUEL ATUGHIU 17:11 Iomraidhean Croise

LESHELE 118:6

Ampeu ye I küdau ani; ni ye msamoe; timi no I lau kiu shikulupu kea?

LESHELE 27:1

Ampeu no I küvü eno I xakuluu; ni ye khuu msaighüni kea? Ampeu no I küxü lo sükusho-a ke; ni ye khuu msani kea?

AHOLE 28:1

Kixikilami ye khunomu pa hamo keghi pove cheni, ikemu kuchomi ye abongshuu toi amlo kumto shicheni.

ISAIAH 57:11

Nongu ye khuu ju püzü msave keno, I lau miki, I kümsümave, eno amlo lo qhimove kea? I no ado kushuo inaqhoi kutuu pesü ngove keghi, nongu ye I msa mono anike kumo?

ZAKINIU 31:8

Ampeu no o züu chenani. Pa ye o gholo chenani eno o phevemo momu qhivemo nani. Msa momu amlo hauve kevilo.”

JOSHUA 1:9

Akumto shilo eno amlo kuloghi shilopi azah o tsüve ake kumo keshea? Msa kevi momu amlo tülalo kevilo kughengu ni Ampeu o Lhou ye nono khilekhile chemu, o gholo che nani.”

SAMUEL ATUGHIU 13:7

eno Hebrewmi khami ye Jordan kathasü Gad eno Gilead yeghi lo wuve. Saul ye Gilgal lo ae, eno kümtsü no khokhoshi pa pape.

SAMUEL ATUGHIU 17:10

Pa no pi, “I no ishi tsala lo Israelmi kichi-iti khü ani. Timi lakhi I tsülo, nikujo kümtsa kichighi junie.”

SAMUEL ATUGHIU 17:12

David ye Bethlehem, Judah lo Ephrath laghami Jesse nu. Jesse ye anuli tache ache. Saul ghuloki lo Jesse ye ampe no kutomo shive kehu layemi shive.

SAMUEL ATUGHIU 21:13

Ikehu pa no pano zülo pa ghilisüqe kilive no küghüzümi toi amqü shi, eno khagho lashe lo inapügha jeli kixi puku no pa mtsazü no akichimhi lo iji iqighipe.

SAMUEL ATUGHIU 7:7

Tipa ghuloki lo kughou Philistiami no Israelmi ye Mizpah lo hekütsü luvae pi chulu keno, ampemi ghi Israel mjoni ye ighi.