SAMUEL ATUGHIU 16:7 - Sumi Naga CL (Re-edited) Bible (BSI)

⁷ Ikemu Ampeu no Samuel vilo pi, “Pa ju akoghe momu pa thethu ju kevilo, Ni ye pa milivae. Kughengu Ampeu ye timi no ithulu aketoi ju chemoe: timi ye ashou aju akoghe jucheni ikemu Ampeu ye amlo jucheni.”

BAIBEL (BSI)

⁷ Ikemu AMPEU no pa vilo pi, “Pano kishi qhemghai eno ajukivi shi aghinamu tiye jukevilo. Niye pa milivae, kughengu niye timino kughathabe ketoi kughathabe chemoe. Timiye ashou jukivi phucheni, ikemu niye timi mlo likhi jucheni.”

SAMUEL ATUGHIU 16:7 Iomraidhean Croise

BOTHUBO 4:5

ikemu Cain ngo pa kümllagho ye Pa no amlo kiqishi move. Ikehu Cain ye ighono amloideve, eno pa gi pishiqho luve.

SAMUEL AKINIU 14:25

Tipa ghuloki lo Israel lo timi khumu pa ju kivi ghenguno Absalom toi akishe ithulu keu kühae. Pa pukhu lono akütsü kutolo pa ye tukutiye kühae.

SAMUEL AKINIU 7:20

David ye O vilo itaghi kiu piluni kea? Kughengu Nono O qeu David ithi ani, O Ampeu Alhou!

KUKAMI ATUGHIU 8:39

O kungo-a kungugha lono ini tsüno akipimi qhitsü lo eno pütüta mlo Nono ithi akeu kiqi lono panongu lau mla tsülo (kughengu O likhi no timi kümtsü mlo ithi anie),

YEKIKITHI ATUGHIU 17:18

Nono O qeu David gihuve keu lo hinguno alau O vilo kiu pikulupu ani kea? Kughengu Nono O qeu ithi anie.

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

YEKIKITHI AKINIU 16:9

Khunono Ampeu lau tukutiye küha no acheni keno Pa ye akumtoshi tipaqo kuphuni ke ayeghiqha kümtsü thebei jukuto acheni. No ye hipau lo anikha shivae, tighenguno hinguno hilau no ye aghüshi cheniae.”

YEKIKITHI AKINIU 6:30

O kungo-a kungugha lono, ini tsüno akipimi qhitsülo, eno pütüta mlo Nono ithi akeu kiqi lono, panongu lau mla tsülo kughengu O likhi no timi kümtsü mlo ithi anike,

JOB 10:4

No ye ashi nhethi ani keshea? No ye timi no ithulu chekeu gholau no ithulu cheni keo?

JOB 35:5

Atsütsü lo khüngküsü khikhi o nguno qhemghai ani keno julo.

LESHELE 139:2

Kughou I no iqa eno I no ithughi keno Nono ithi ani; Nono putou no I kükümsü jupililu ani.

LESHELE 7:9

O amikucho Lhou, khuu akükümsü eno amlo lheju cheni keno, kixikilami kümla lhoksa kishekhave tsülo, eno amikuchomi xaqhe tsülo.

AHOLE 15:11

Kithigha ngo Kithimi yeghi ye Ampeu zülo khaqhi püani aye timi mlo ye kishi Pa zülo pekiphe shi acheni kelae!

AHOLE 16:2

Khami ye pau no achipie pi pa lolo kümsü acheni, ikemu Ampeu no pa kükümsü huju cheni.

AHOLE 24:12

“Ningu ye hipa vehu mthae,” ipi nongu no pi aghi namu, amlo huju chekeu huye pimhelu anike kumo? O küxü jukuto chekeu no ithi ani eno Pa no timi lakhi kümla kiqi lono tsüchile nanike kumo?

AHOLE 31:30

Puyelei keu ye pishikiqhi, eno ajukivi ye amekühae ikemu totimi khuu no Ampeu sümsa cheni keno akishe tsüküzüe.

JEREMIYA 11:20

Ikemu, aqokitikhi MPEU, amikucho xaküthau, amlo eno akükümsü peju chekeu, panongu shou O mkhükulu I pelo ithulu pelo, kughengu ni ye O lau I vehu kulhuqhivae.

JEREMIYA 17:10

“Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

JEREMIYA 20:12

O aqokitikhi MPEU, khuu no amikuchomi peju cheni, amlo akükümsü ithulu cheni keno, I pelo Nono panongu shou amkhü lukeu ithulu pelo, kughengu ni ampi pesü O lau kulhuqhivae.

Luke 16:15

Jisü no panongu vilo pi, “Timi zülo achipiue pi pükha chekeqo ye nongu kene, ikemu Alhou no nongu mlo ithi ani. Kughengu timi müzülo kiu no ajuaje ipi cheni keno Alhou nhethe loye aphikümqhüpue.

John 7:24

Agi juno küghatha kevilo, ikemu achipiu küghakütha pesü küghatha lo.”

John 8:15

Nongu ye ashi lono küghatha cheni; ni ye khuu shoumu küghatha chemoe.

Apostolmi 1:24

Panongu no inikhu no pi, “O Ampeu, nono timi kümtsü mlo ithi anike ningu piye tsülo, hi pama dolo Nono khikhiu kishepe

2 Kor. 10:10

Kughengu khami no picheni, “Paw yesüqo ye mishishei eno mkamghai, ikemu pa ampi ye qeinai eno pa tsapi ye kiumu avehu kühae.”

2 Kor. 10:7

Nongu zülo kiu ani keno julo. Nongu gholo khuana no pa ye Khristow kepi thebei aghi aye, pa no Khristow kehutoi ningu ghi kepi pa ampi no pa ghutulu pelo.

IBRIMI 4:13

Alhou no lhosü keu kiumu pesü küsüve mlae, ikemu ningu no khuu lau kihikülai tsümasa nani keno, Pa nhethe loye kümtsü lhaphepe eno pekipheshi ani.

1 Peter 2:4

Timi no kileqhive kemu Alhou nhethe loye kishekiphe eno akughupu shive aghikeu aküxüpu tuqu lau nongu no ighi kelo,

1 Peter 3:4

ikemu nonguw jukivi ye alolo nongu mpi kuchou akeu huno shilo, tino akümtsha eno iqünhei keu ghunguw shipüsa kümlapu jukivi, Alhou zülo ighono akughupu ke.

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.

SAMUEL ATUGHIU 2:3

Aqheküza shi atsa pi akevilo, nongu kichi lo akumchho tsa ipeghipe kevilo; kughengu Ampeu ye akighithi Lhou ke, Pa vecheo akümla kümtsü huju cheni.

SAMUEL ATUGHIU 9:2

Pa ye anu lakhi apumi ajukivi Saul ipikeu ache. Israel lo pa nguno ajukivi kütami ye khumu kühae. Kümtsü pa bighi qhou likhike.