SAMUEL ATUGHIU 16:14 - Sumi Naga CL (Re-edited) Bible (BSI)

¹⁴ Ampeu Ghungu ye Saul launo wuve, eno Pa launo aghawu lhoksa no pa shikughuju thuve.

BAIBEL (BSI)

¹⁴ AMPEU ghunguye Saul qhive, tileno aghungu lhoksa AMPEU no puwukeu huno pa shikighime thuve.

SAMUEL ATUGHIU 16:14 Iomraidhean Croise

SAMUEL AKINIU 7:15

ikemu I no pa zülono Saul launo Iw iqemokeu kikimiye süwuve keshi Ni ye pa launo süwuve monani.

KUKAMI ATUGHIU 22:19

Eno Micaiah no pi, “Tighenguno Ampeu tsa inilo: Ampeu no Pa kükalakhü lo iqa akeu, eno Paw kungumi no Pa u piyiu ngo ajeu puthugho akeu I no ithulu,

KUKAMI ATUGHIU 22:22

Ampeu no pa vilo pi, ‘Kishi no shini kea?’ Aghawu no pi, ‘I no wuno paw tungkupmi kümtsü kichi lo akimki ghungu süve tsüni.’ Pa no pi, ‘No ye pa züiza no tolu nani ke wulo.’

LESHELE 51:11

O launo I hapupove kevilo, eno I launo O Ghungu Kimthe süwuve tsü kevilo.

HOSIYA 9:12

Panongu no atianuli saputhu namu I no pano mlo ghujushi pithikhave tsü nani. Kughou I no panongu qhiveni keno panongu ye ahasapue!

XAKUTHAMI 16:20

Li no pi, “Samson, Philistiami ye o lau cheae!” Pa no idathughi no pi, “Thosülo toi I no khalau ipe no ni ampi kuqhoveni.” Ikemu Ampeu no pa phevae pi pa ye mthano ae.

XAKUTHAMI 16:29

Tishino Samson no aki tsükucho amtau küma, khikhi no aki choqhepe akeno, ti küma mtuluve. Pa u ajeu no lakhi eno piyiu no lakhiu mtuluve.

XAKUTHAMI 9:23

Tithiu Alhou no Abimelek ngo Shechem lo sakiphemi dolo mithekumo ghungu puwu no Shechem lo sakiphemi no Abimelek hebide ipeghi pe,

SAMUEL ATUGHIU 11:6

Kughou pa no atsa hipaqo chilu keno, Alhou Ghungu no Saul shou ikughi, eno pa xukighide kije shikitheve.

SAMUEL ATUGHIU 16:15

Saul qemi no pa vilo pi, “Alhou launo aghawu lhoksa no o shikughuju ani.

SAMUEL ATUGHIU 16:16

Ni mpeu no pa qemi hile pa zülo akeqo azah tsüno timi lakhi aheo pekithimi phuwu pelo, kughou Alhou launo aghawu lhoksa o shou ikughini keno, pa no ti küigha kelo no ye alove nani.”

SAMUEL ATUGHIU 16:23

Kughou Alhou launo aghawu lhoksa Saul shou ikughi keno, David no aheo ikhipe pa u lono küigha. Tishiaye Saul ye aghüthi püxü luve no akivi shiveche eno aghawu lhoksa ye pa launo wuveche.

SAMUEL ATUGHIU 18:10

Thoghiu Alhou launo aghawu lhoksa no Saul shou ikughive no pa ye pa kilo atsa pi küghüzü ae, eno David no tsala kipetsü shiche ketoi aheo küigha ae. Saul no pa u lo angupa pesü ngoa.

SAMUEL ATUGHIU 18:12

Saul ye David msave kughengu Ampeu no pa qhive no David gholo auveke.

SAMUEL ATUGHIU 28:15

Tile Samuel no Saul vilo pi, “No ye kushiye I saghi no I pünaqhi ani kea?” Saul no khochile, “Ni ye ighono avesa ani, kughengu Philistiami no I sasü küpüghü ani, eno Alhou no I launo tsüghüve no asamo momu tungkupu vecheo nomu I khochile movae. Tighenguno ni ye kiu shikepu keno pitsü peniye I no o kusaghi anie.”