SAMUEL ATUGHIU 16:13 - Sumi Naga CL (Re-edited) Bible (BSI)

¹³ Ikehu Samuel no pa kibo lono thazü ikhiphe no amunoqo küa lono pa nukisheve. Tileno Ampeu Ghungu no tipa tsala lono David shou ikughive. Tishino Samuel ye Ramah lo idewove.

BAIBEL (BSI)

¹³ Tileno Samuel no oliv teli ikhipheno pamunoqo kua lono David nukisheluve. Paikhavi lono AMPEU ghunguno David shou ikughive puzu tipa tsalanino pa sasu ngouve. Tishiveno Samuel ye Rama lo idewove.

SAMUEL ATUGHIU 16:13 Iomraidhean Croise

SAMUEL AKINIU 12:7

Nathan no David vilo pi, “Timi huye noke! Ampeu, Israel Lhou no ishi piani, ‘Israel kükau shipeniye I no o nukishe, eno Saul u lono I no o xaphelu.

SAMUEL AKINIU 2:4

Judah timi no ighi eno tilau panongu no David pesü Judah shiaye shou akükau shi nukisheve. Kughou panongu no David vilo, “Jabesh-gilead lo timiqo no Saul kumo shiqhovae,” ipi keno,

SAMUEL AKINIU 23:1

Hi no Davidw ashekha tsake: Jesse nu Davidw müzüküsü tsa, khuu pesü qhemghai süqhe keno paw müzüküsü tsa, Jacob Lhou no nukishe keu, Israel züküvüpu leshetou:

SAMUEL AKINIU 5:3

Tighenguno Israel lo layemi kümtsü Hebron lo akükau lau ighi, eno David no Ampeu zülono panongu sasü puloshoqhi lakhi Hebron lono shi, eno panongu no Israel kükau shi David nukishe luve.

KUKAMI AKINIU 9:6

Ikehu pa no ithu no aki lo ilove. Alhotheu no thazü pesü pa kütsü lo lepuku tsüno pi, “Ampeu, Israel Lhou no ishi piani, I no o pesü AMPEUw timi, Israelmi shou akükau shi nukishe ani.

YEKIKITHI ATUGHIU 11:3

Ikehu Israelmi layemi kümtsü no Hebron lo akükau lau ighi, eno David no tileno panongu sasü Ampeu zülono puloshoqhi shi. Panongu no Ampeu tsa Samuel vecheo tsükeu kiqi lono pa nukishepe Israelmi kükau shive.

LESHELE 89:20

I no I qeu David ithulue; thazü kimthe pesü I no pa nukishevae,

LESHELE 89:21

I u pesü pa iqhikumto nani; I küka no pa shikumto nani,

AKIKIHI 11:17

I no iqighi no tileno o sasü küptsani, eno o tsüpüakeu nguagha hami pesü panoqo shou puku tsüni, tishianguno o likhino kumono panongu ghi o gholono timiqo makho pupeni.

AKIKIHI 27:18

Ikehu Ampeu no Moses vilo pi, “Nun nu Joshua khuu lolo aghungu ani keno, pa sasü ighi no pa shou o u betsülo.

John 3:34

Alhou no khuu puwu keno pa no Alhou tsa pesü pike, kughengu Alhou no Pa Ghungu kupukuno shi pa tsüe.

Apostolmi 13:22

Pa no Saul ikhive kethiu David pesü akükau shipenike süqhe, eno ishi pa shepe shitsü, ‘I pulou kümtsü shitsüni keu, I mlo kuchuu I no Jesse nu David phuluvae.’

IBRIMI 1:9

Nono achipiu mikucho kimiye eno küsakügha mithike ghenguno O Lhou, Alhou, no alopivitsü chekeu thazü pesü O küsami züuno O nukishelu ke.”

IBRIMI 11:32

Hinguno alau ni ye kiu pinia? Gideon, Barak, Samson, Jephthah, David, Samuel, eno tungkupmiqo ghili pinike ni ye ado kühae,

XAKUTHAMI 11:29

Tile Ampeu Ghungu no Jephthah shou ikughi, eno pa no Gilead ngo Manasseh kathasü Gilead Mizpah lono Ammonmi lau wu.

XAKUTHAMI 13:25

Pa no Zorah ngo Eshtaol küma dolo Mahaneh-dan lo ake lono Ampeu küka no pa xukutho thuve.

XAKUTHAMI 14:6

Paikhavi Ampeu Ghungu no pa lolo iloghive, eno pa no au kümsano aneti lakhi süla akeshi abongshuu sülatha pinyive. Ikemu pa no kiu shive keno tipau ghili pa puaza vilomu pimoe.

XAKUTHAMI 3:10

Ampeu Ghungu no pa shou ikughi eno pa no Israelmi shou xaküthau shive. Pa no aghüshi lo wukelo, Ampeu no Cushan-rishathaim, Mesopotamia kükau pesü pa u lo süvetsü. Pa no Cushan-rishathaim shou toluve.

SAMUEL ATUGHIU 1:19

Panongu no inaqhe itheno ithuve no Ampeu mllave; tithiu panoqo ye Ramah lo pano kilo idewove. Eno Elkanah no pa nipu Hannah ithive, eno Ampeu no li kümsülu.

SAMUEL ATUGHIU 10:1

Tithiu Samuel no thazü bohu ikhiphepe Saul kütsü lo lepuku no pa müma eno pi, “Ampeu no Paw timi Israelmi shou yepeu shi penike o nukisheve ake kumo keshea? Nono Ampeuw timiqo shou ayepe nani eno aghümi pano homxape akemi launo panongu xalu nani. Ampeu no o pelo Pa mheghi shou sakipheu shi penike o nukishe keu michipu hino shinani.

SAMUEL ATUGHIU 10:6

Tileno Ampeu Ghungu no o shou ikughi no no ye panoqo gholo tungkuptsa pi nani eno timi kütami toive nani.

SAMUEL ATUGHIU 11:6

Kughou pa no atsa hipaqo chilu keno, Alhou Ghungu no Saul shou ikughi, eno pa xukighide kije shikitheve.

SAMUEL ATUGHIU 16:18

Apumi lakhi no khochile, “Julo, Bethlehemmi Jesse nu lakhi khuu akivishi küigha ithi ani keno I no ithulu püani, pa ye amlo kumtomi, aghütomi, atsapi lo lotsü-loghü, aghili aye kivimi, eno Ampeu no pa gholo ani.”

SAMUEL ATUGHIU 18:12

Saul ye David msave kughengu Ampeu no pa qhive no David gholo auveke.

SAMUEL ATUGHIU 2:35

Eno I no I ghenguno pükhükulupu chineu lakhi puthu nani, pa no I mlo lo eno I kükümsü lo kiu ani keno tipau kiqi lono mla nani. I no pa ghenguno aki lakhi shiqhe nani pütsa, eno pa no Iw nukishe luve keu zülo pülhapuju ipe-ilo nani.