SAMUEL ATUGHIU 14:6 - Sumi Naga CL (Re-edited) Bible (BSI)

⁶ Jonathan no apumi pa ghünanu kupuu vilo pi, “Ighilo, nikujo aphighüyiko ghamo kemi lau ikuni. Ampeu no nikujo ghenguno akümla shitsü peni, kughengu Ampeu no xaluni keu ye kutomo vecheo shi aghina aghulo vecheo shi aghi namu lakha chile mlae.”

BAIBEL (BSI)

⁶ Jonathan no apuu vilo pi, “Nikujo ye ayiko ghamokemi Filistiyami ghazu heche ilonie. AMPEU no nikujo kuphu tsu aye, kiu lonomu nikujoye tomlavekeu shimo nani, AMPEU zuloye kutomo kitila kumu kiyequ keu shimo nani.”

SAMUEL ATUGHIU 14:6 Iomraidhean Croise

SAMUEL AKINIU 1:20

Gath lo hipau pi kevilo, Ashkelon laghila lo hipau asheshu kevilo, tikumo aye Philistiami ilimi no alovi aphighüyiko ghamo kemi no alokivi shilu nosae.

SAMUEL AKINIU 16:12

I lau akumou shive keu Ampeu no ithulu tsüno ishi paw ghukusho theli lo akivi pesü I tsüchile penie.”

KUKAMI AKINIU 19:4

Ampeu o Lhou ye Rabshakeh, khuu Assyria kükau no xüakeu Lhou thaigha peniye puwu keno, pa no pikeu tsaqo kümtsü chiluve aghi nani, eno Ampeu o Lhou ye tipa tsaqo chilu no alomipi nani keniae; tighenguno ghükulumi ghenguno inikhu tsülo.”

YEKIKITHI AKINIU 14:10

Asa no pa mjonike wuno Mareshah lo Zephathah Khila lo kithepe ngoluve.

YEKIKITHI AKINIU 14:11

Asa no Ampeu pa Lhou lau ighamku inikhu, “O Ampeu, akumtomi ngo miqemlei kemi dolo kuphu tsüni keu O toike khumu kühae. Ni kuphu tsülo, kughengu ningu ye O shou pükhü ani, eno O je lono ningu ye aqokitikhi sasü kumjoni ke ighi ani. O Ampeu, No ye ni Lhou ke, khuu pelomu ni theqhivepe kevilo.”

LESHELE 135:6

Atsütsü lo eno ayeghi lo, azüghi lo eno akuthoku lo Ampeu no kiu pulo keno Pa no shi cheni.

JEREMIYA 9:23

Ampeu no ishi piani: “Alokütsümi pelo pa lokütsü lo qhezape kevilo, akumtomi pelo pa kumto lo qhezape kevilo, kinimi pelo pa küakini lo qhezape kevilo,

JEREMIYA 9:25

“Julo, atsala ye cheni, ipi Ampeu no asheshu, khunono ashi lono aphighüyiko gha keno pano ghime nani

JEREMIYA 9:26

Egypt, Judah, Edom, Ammon nuliqo, Moab, asayeqha lo xüküami, acheku lo asa amqo lakhi tsache keqo, shiye hi kümtsü aphighüyiko ghamo keqo, eno Israel kibolomi pano mlo lono aphighüyiko ghamo keqo kümtsü ghime nani.”

AMUS 5:15

Alhoksa mithi eno akivi kimiyelo, khagho lo achipiu xakütha puthuphelo; tishi aye Ampeu, aqokitikhi Lhou no Joseph lagha lo ghükulumi kimiyeqhiyi lunani.

ZEFANIA 2:3

Ampeu phulo, nongu ayeghi lo aqhokighemi, Pa chipiu zakütsü peche kemi; achipiu-mikucho; akümtsha shilo; Ampeu xukighide tsala lo o pesü küghütshüve luvi ke.

ZEKHARIA 4:6

Ikehu pa no I vilo pi, “Hi ye Zerubbabel tsükeu Ampeu tsa ke: Akumto no kumo, momu aküka nomu kumoe, ikemu I Ghungu vecheo noe, ipi aqokitikhi Mpeu no pi.

AKIKIHI 10:32

Nono ni gholo wu aye, Ampeu no akivi kiu kiumu ni lau mlatsü keu nino athoshi o lau shini.”

AKIKIHI 31:4

Ashiaye lakhi lo ghüshimi qhethonhe lakhikhi puwulo.”

MATTHEW 19:26

Jisü no panoqo jupüzü pi, “Timi ghengu ye kushokütsüpu kemu Alhou ghengu ye thokha kümtsü shilu nani.”

Rommi 8:31

Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?

ZAKINIU 32:30

Ampeu no panongu phevemo aye eno pano Tuqu no pano jepuwu moaye, kishino milakhi no qhethonhe halelu, eno mikini no qhethonhe chighi hale luni kea?

FILIPIAMI 3:3

Kughengu ningu khunoqo Aghungu lono mlla eno ashi shou pükhübemo no Khristo Jisü lau akijivile cheni keno ninguu no aphighüyiko ghakemi ke,

JOSHUA 14:12

Tishiaye itehi, tipa tsalani Ampeu no piqhikeu yeghi hu I tsülo, kughengu Anakimi no kishi aliwo kumto no mishighüna bothasü keu lo ache keno, tipa tsalani no ghi chilue. Ikemu Ampeu no I gholo ngono I no hupaqo haphe luve nanie pike.”

XAKUTHAMI 15:18

Samson ye ighono tüghüthive, ikehu pa no Ampeu vilo pi, “Nono xakulu kije hipau pesü o qeu tsüe, ikemu itehi ni ye atüghü no thive cheake aphighüyiko ghamo kemi Philistiami u lo iloveni keshea?”

SAMUEL ATUGHIU 14:5

Anhepho lakhi no ahuu Michmash zülo eno lakhiu no apeu Geba zülo ae.

SAMUEL ATUGHIU 14:7

Pa ghünanu kupuu no pa vilo pi, “O mlo lo kiu ani keno kümtsü shilo. Nono pulo akeu shilo, I mlo eno I ngulho ye o gholo ani.”

SAMUEL ATUGHIU 17:26

David no pa phivilo akemi vilo pi, “Philistiami hipau pithive no Israelmi launo thokügha ikhive tsükeu lau kiu shitsü nani pi kea? Kughengu aphighü ghamo kemi Philistiami hipau ye khuue pi aküxüpu Lhou ghüshimi khüni kea?”

SAMUEL ATUGHIU 17:36

O qeu ye abongshuu ngo avaqo ghi heqhi pithi püani, eno aphighü ghamo kemi Philistiami hipau ghi titoi shivetsü nani, kughengu pa no aküxüpu Lhou ghüshimi khü anie.”

SAMUEL ATUGHIU 17:46

Ishi tsala lono Ampeu no o pesü I u lo süvetsü nani, eno I no o ghiqhive no o kütsü micheve tsü nani. I no Philistiami aqokitikhi sükumoqo pesü aghau ngo tüghashiqo tsüve nani, tishikeu lono ayeghiqha no Israel lo Alhou anie pi ithi peni,

SAMUEL ATUGHIU 17:47

eno hile kumqope akemi kümtsü no Ampeu ye azütakikihi ngo angupa vecheo xalu chemoe pi ithi penie. Kughengu aghüshi ye Ampeuw ke, eno Pa no o pesü ningu u lo sütsü nani.”

SAMUEL ATUGHIU 31:4

Ikehu Saul no pa ghünanu kupuu vilo pi, “O zütakikihi pesü I jiqhive lo, tikumo aye aphighüyiko ghamo kemi no ighi no I kijipüsa no pithive nosae.” Ikemu pa ghünanu kupuu no tishi moe, kughengu pa ye shishe msave. Tighenguno Saul no pa zütakikihi ikhilu no tipau shou ikiqi iku thive.