SAMUEL ATUGHIU 13:13 - Sumi Naga CL (Re-edited) Bible (BSI)

¹³ Samuel no Saul vilo pi, “No ye mbomzü kümla shivae. No ye Ampeu o Lhou no azah o tsükeu pemovae. Kughengu Ampeu ye alholo o kükaqha pesü Israel kümtsü shou iqhikumto tsüniye ake.

BAIBEL (BSI)

¹³ Samuel no pi, “Tiye ighono nikhanigha kumla shivae, Noye AMPEU oLhou no ahza otsukeu gho lumovae. Tsala nono pa gholukepi aye opelono eno olagha qo pelono alhokuthu Israilmi shou kalupeni cheke.

SAMUEL ATUGHIU 13:13 Iomraidhean Croise

BOTHUBO 31:28

Eno kushiye I pelo I tilimiqo müma no kinipuwo pemo kea? No ye mbomzü shivae.

SAMUEL AKINIU 24:10

Ikemu timi kikihi luve kethiu David lolo alokughuno kühave. Eno pa no Ampeu vilo pi, “I no kiu shive akeno ti ye axine kije shivae. Ikemu O Ampeu, itehi kimiyeno O qeu kipimi peve tsülo, kughengu I no ighono mbomzü shivae.”

KUKAMI ATUGHIU 18:18

Pa no khochile, “Ni ye Israel küpüna püamoe, ikemu nou no eno o lagha no küpüna cheni, kughengu nono Ampeu zakütsüqo pheve no Baal mllauve ke.

KUKAMI ATUGHIU 21:20

Ahab no Elijah vilo pi, “I ghümi, no ye I phuluve akea?” Elijah no khochile, “Iyei, I no o phuluvae kughengu no ye Ampeu zülo kiu no achipi kumo keno shinike o jesüvae.

YEKIKITHI ATUGHIU 10:13

Saul ye Ampeu lau pükhübe move kehu thive. Pa ye Ampeu lau pa küpülü kubove no Ampeu no azah tsükeu pemove, eno alaghi kichetsü peniye tuumi lau wuve.

YEKIKITHI AKINIU 16:9

Khunono Ampeu lau tukutiye küha no acheni keno Pa ye akumtoshi tipaqo kuphuni ke ayeghiqha kümtsü thebei jukuto acheni. No ye hipau lo anikha shivae, tighenguno hinguno hilau no ye aghüshi cheniae.”

YEKIKITHI AKINIU 19:2

Ikemu Hanani nu tungkupu Jehu no akükau sasü kushoni ye ighi no pi, “No ye kixikilami kuphu eno Ampeu mithi chekemi kimiye masave keshea? Hi ghenguno Ampeu loghu o shou ighivae.

JOB 34:18

Pa no ayeghi lo kükami vilo, ‘Amekükühau,’ eno kijemi vilo, ‘Kixikilau’ ipi cheni,

AHOLE 12:8

Milakhi no akükümsü kivi akeu vecheo akishe ithulu cheni, ikemu ihoghülai keu mlo xapu chekemi ye thogha cheni.

AHOLE 19:3

Kughou mbomzümi no pa nikha lono shiküpsapu sholuveni keno Ampeu ju axuide cheni.

ISAIAH 39:5

Tile Isaiah no pa vilo pi, “Aqokitikhi MPEU tsa inilo:

JEREMIYA 18:10

tipau no I zülo alhoksa kümla shino I tsa lumove aye, akivi shinipi kughu akeu lono I kükümsü kilive nani.

SAMUEL ATUGHIU 1:22

Ikemu Hannah ye wumove kughengu li no li kimi vilo pi, “Anu no asatheve kethiu no I no pa sawuni, tishianguno no pa ye Ampeu zülo wuno pülhapuju tilau acheuve peni.

SAMUEL ATUGHIU 13:12

I no pi, ‘Philistiami no Gilgal lo I leniye ani eno ni ye Ampeu lopu shimphi.’ Ikehu I no anguka no akipti kümllagho tsüve.”

SAMUEL ATUGHIU 15:11

“I no Saul pesü akükau shiveke I mlo kili ani, kughengu pa ye I papemo no tsüghüvae eno I zakütsüqo shimovae.” Samuel ye amloideve no puthotsü Ampeu qhüiniju.

SAMUEL ATUGHIU 15:22

Ikemu Samuel no pi, “Ampeu ye Pa tsa gholu keu lo alokiqi kije aketoi akipti kümllagho eno aghakishi lo Pa züküvü acheni keshea? Julo, agholu keu no aghakishi nguno akiviue, eno Pa tsa ini keu no ambe tha nguno akiviue.

SAMUEL ATUGHIU 15:28

Samuel no pa vilo pi, “Ishi no Ampeu no Israel kükaqha o launo kubove tsüae eno Pa no tipau pesü o kisüghüu lakhi o nguno akiviu tsüvae.

SAMUEL ATUGHIU 16:1

Ampeu no Samuel vilo pi, “Israel shou akükau shipemo niye I no Saul milive ake no ye khitohi pa ghenguno amlo ijuni kea? O kibo lo thazü lesüpe wulo. Bethlehemmi Jesse lau I no o puwuni, kughengu I no pa nuli dolo lakhi pesü akükau shipenike kutope qhivae.”

SAMUEL ATUGHIU 26:21

Tile Saul no pi, “I no axine shivae. Ideighi lo, I nu David, ni ye o ghime moae, kughengu nono ishi I küxü akughupu shi kihitsüe. Julo, I no mbomzü shivae, eno akumou kümla kije shivae.”