SAMUEL ATUGHIU 12:3 - Sumi Naga CL (Re-edited) Bible (BSI)

³ Ni ye hile ani; Ampeu zülo eno Paw nukikishe zülo I lachile kepu aghi aye thopi shijulo. Khuu mishitsü momu khurha I no luvetsü kea? I no khuu pishiqhi chuve momu khuu qhasüve kea? Momu khuu u lono I no külügho luve no tino I nhethi miyi luve kea? I lachile ghi thopi shijulo eno I no tipaqo nongu lochileveni.”

BAIBEL (BSI)

³ Ino hile aphi lono tsalatsa ino kiwala kuqupimi puaghi aye itehino AMPEU eno pano kishephetsu keu akukau zulono ingukulu velo. Ino khuwala wu amshi momu gadaha lupuaghi aye, ino pishi piyi puaghi aye momu khuala qodaneda keu shipuaghi aye, ino khuala lau kulugho lupuaghi aye, ino thime hipaqo mlapuaghi aye, tipau thelilo lochileveni.”

SAMUEL ATUGHIU 12:3 Iomraidhean Croise

SAMUEL AKINIU 22:22

Kughengu I no Ampeu pape eno kixikila shi I Lhou launo putosüve moe.

NEHEMIA 5:11

Ishi tsala lono pano lu, atsailu, Olive ghutu, eno aki tsüchileve lo, eno panongu launo pisa, athi, atsaizü, eno thazü lo akighishe lupüa keqo tsüchileve lo.”

LESHELE 15:5

khunono akighishe lono paw pisa püna chemo eno pimihami lau külügho luchemo keno; hitoi shiche kemi ye khilemu süküghüthave mla nani.

IPEKULU 20:17

“No ye o kisüghüu ki jumine moni; no ye o kisüghüu nipu, momu pa qemi kiptimi totimi, momu pa mishitsü, khurgha, momu kiu kiumu paw shi aghikeu jumine moni.”

IPEKULU 22:4

Tsala püka luve keu lhoxü thimo no pa gholo pighi aghi aye, amshitsü, khurha momu ambe shi aghi namu, pa ye tipau theli lo kini pesü lochileni.

IPEKULU 23:8

No ye külügho lumoni, kughengu külügho no mtsümishei ithulu chekemi nhethi kighicheve tsü cheni eno khunono achipiu küdau ani keno panoqo chipiu süchighive tsü cheni.

AHOLE 15:27

Achipikumo kini mine keu ye pa kibo lo aküküpna xusü ani ikemu külügho mithi kemi no xülu nani.

ACHINE 6:4

pa no pa xine eno akipimi kümsüchilelu aye, pa no kiu pükave, süxaluve, qhitsü lopi kelo mqümgha shive, momu pühave keu pa no qhiluve keno pesü tsüchileveni,

ACHINE 6:5

eno pa no akimki shoqhi shipüa keu kipimi kümsü luke tsalani no thime tipau ye khuuw keno atho tsüchileveni, eno tipau gholo pa no pungu lo saje lakhi qhemi süküqha no tsüni.

AKIKIHI 16:15

Moses ye agha ideve eno Ampeu vilo pi, “Timi hipaqo kümllagho ikhilutsü kevilo. Ni ye panoqow khurha lakhimu lumphie momu lakhimu ghüza mphie.”

MATTHEW 22:21

Jisü no panoqo vilo pi, “Tishiaye Caesarw no Caesar tsülo, eno Alhouw no Alhou tsülo.”

Luke 19:8

Zacchaeus no müzüchoi ngove no Ampeu vilo pi, “Julo, Ampeu, I no akeu küakini tüxa ye kumlhomi tsüve niae. Eno I no kiuala pesü khuana pishiqhi püaghi aye, ghuthu bidi no küghüsüpe athoputho tsüni.”

Apostolmi 20:33

Ni ye khuuw ameshoyi, ghükayi, aphimini mu mine püamoe.

2 Kor. 12:14

Hi ghuthu aküthüu ni ye nongu lau ighini ke kutope ani. Eno ni ye nongu ghimemo nani, kughengu ni ye nongu küakini kumono nonguu phucheni. Kughengu apuaza no atianuli ghenguno kiketsü cheni kethono atianuli no apuaza ghenguno kiketsü chemoe.

ZAKINIU 16:19

Nongu ye kuchou xakütha tuchighi moni, agiju moni, eno külügho lumoni, kughengu külügho no alokütsümi nhethi kighicheve tsücheni eno amikuchomi chipiu lakhave tsücheni.

1 Thes. 2:10

Ningu khuaye no kishi nongu küpülümi lau akimthe, amikucho eno tukutiye küha keno nongu no eno Alhou ghi thopike.

1 Thes. 2:5

Nongu no ithi anike ningu ye khilemu alatsa pisü ighimoe, momu alakimne no küzü pusü ighimoe—Alhou no thopike.

1 Peter 5:2

Alhou mbeloji nongu gholo akeu khekuto lo, tsüikhomo pike ghenguno kumono Alhou no nongu pelo shipenishi keu gholau no puloniqhiyi shilo; ala shiluni ke ghenguno kumo ikemu azükini shi qeni keu mlo xapulo;

SAMUEL ATUGHIU 10:1

Tithiu Samuel no thazü bohu ikhiphepe Saul kütsü lo lepuku no pa müma eno pi, “Ampeu no Paw timi Israelmi shou yepeu shi penike o nukisheve ake kumo keshea? Nono Ampeuw timiqo shou ayepe nani eno aghümi pano homxape akemi launo panongu xalu nani. Ampeu no o pelo Pa mheghi shou sakipheu shi penike o nukishe keu michipu hino shinani.

SAMUEL ATUGHIU 12:4

Panongu no pi, “No ye ningu pishiqhi chu momu qhasü püamoe, khuu u lomu kiumu lupe püamoe.”

SAMUEL ATUGHIU 12:5

Pa no panoqo vilo pi, “Ampeu no thopi ke eno ishi Paw nukikishe no thopi ke, nongu ye I lau akipimi kiumu ithulumoe.” Eno panongu no pi, “Pa no thopi ke.”

SAMUEL ATUGHIU 2:35

Eno I no I ghenguno pükhükulupu chineu lakhi puthu nani, pa no I mlo lo eno I kükümsü lo kiu ani keno tipau kiqi lono mla nani. I no pa ghenguno aki lakhi shiqhe nani pütsa, eno pa no Iw nukishe luve keu zülo pülhapuju ipe-ilo nani.

SAMUEL ATUGHIU 24:11

Julo, I pu, ow chijeboike phishe I u lo ani. I no mtsüqhei o phishe gholuve tsüno o heqhi move keu ye I lolo akipimi momu pishikiqhi kühae pi o pelo ithi eno ithulu peniye ke. Nono I küxü luve tsüniye phucheni kemu ni ye o lau axine shi püamoe.

SAMUEL ATUGHIU 24:6

Pa no paw timiqo vilo pi, “Pa ye Ampeuw nukikishe kepi ithi apülaghi I no I mpeu shou hitoi I u süqheni keu ye Ampeu msa nolae.”

SAMUEL ATUGHIU 24:7

Ikehu David no atsa hipaqo pesü paw timiqo pütsa qhive no Saul ghüzani keu azah tsümove. Tithiu Saul no ithughi no atuki qhive püzü pa lalo cheve.

SAMUEL ATUGHIU 26:11

Mthamini ni ye khilemu Ampeuw nukikishe shou I u bemo nani. Ikemu pa kütsü phivilo angupa ngo azübohu akeu luve lo, eno nikujo ye wuveni.”

SAMUEL ATUGHIU 26:9

Ikemu David no pi, “Pa kütsa kevilo, kughengu khuu no Ampeuw nukikishe shou au süqhe no akipimi shimoni kea?