SAMUEL ATUGHIU 12:21 - Sumi Naga CL (Re-edited) Bible (BSI)

²¹ Eno abokümsa thime kiumu ala küha eno xamlani keu pape kevilo, kughengu tipaqo ye abokümsa ke.

BAIBEL (BSI)

²¹ Kichileu lhouqo pape wukevilo; panonguye nongu kuphuluni chemo momu nongu xaluni chemoe, kughengu tipaqoye kuchou kumoke.

SAMUEL ATUGHIU 12:21 Iomraidhean Croise

KUKAMI AKINIU 17:15

Panongu no Pa khuayeqo eno puloshoqhi khikhi pano puasüqo sasü shi keno, ti thaighae. Panongu no kichile julhoqo pape eno sükümxa lo Ampeu no shiye khunoqo toi shi kevilo pi azah tsü keno, tipaqo pape ke.

ISAIAH 41:29

Julo, panongu kümtsü adoue; pano kümlaqo ye kiumu kumoe, pano julhoqo ye amülhü kümsae.

ISAIAH 45:20

“Nongu hekumqope ighilo, shiye lo nongu ghükulumi, kümtsa kupunu ighilo! Ajulho pesü kulobide chekemi ye akighithi alokütsü mu kühae, panongu ye xamlani keu lhou lau inikhu cheni.

ISAIAH 46:7

Panongu no abighi lo tipau ikhiqhepe xapu cheni; panongu no a-a lakhi lo ti ghope qhive cheni; ti ye tipa-a lono ithauve mlae. Milakhi no tipau lau ighamku namu, ti ye khochile chemo momu pa küküpna lono xaphelu chemoe.

JEREMIYA 10:15

Tipaqo ye ame küha, atichepu; aghime ghuloki lo pühave nani.

JEREMIYA 10:8

Panongu ye anikha eno mbomzüe; ajulhoqo kükütsütsa ye asü paphie!

JEREMIYA 14:22

Shiyeqow kichile lhouqo no tsütsüghu süghilu nani keshea? Momu atsütsü no ghuqhitsü nani kea? O Ampeu ni Lhou, Nono Pake kumo? Niw lajupu O shou be ani, kughengu Nono hi kümtsü shike.

JEREMIYA 16:19

O Ampeu, I kumto eno I liwo, I veküsa tsala lo I kicheqho, ayeghi shekhau no shiyeqo no O lau ighi no pi nani: “Ni puasüqo ye akimki, ala küha keu ameküküha thimeqo kumo aye kiumu ighilu moe.

JEREMIYA 2:13

kughengu Iw timiqo ye axine kini shivae: panongu ye Ni aküxü züpuki phevae, eno pano sala azü tughuko, azü mighemla keu akughupo zütughuko mlake.

JEREMIYA 2:5

Ampeu no ishi piani: “O puasüqo ye I lau achipikumo kiu ithulue pi panongu ye I launo putosü lo wuve, eno ameküküha pape wuve no ame kühave kea?

JONAH 2:8

Khunono adou julho gihu cheni keno pano ye iqemokeu kikimiye lajupu phevae.

JONAH 2:9

Ikemu I no shikimthikütsü sütsa pesü O lau aghakishi shini; I no kiu tushoqhive akeno ti tsüni. Xakulupu ye AMPEUw ke!”

HABAKUK 2:18

“Ayi julho kiyiqiu no akoghe mlaphe keu, pishikiqhi shika chekeu huye kiu ala ani kea? Kughengu atsa pikümla julho mla kelo akümlau ye pa no mlaphe keu pükhübe cheni!

Apostolmi 14:15

“Timiqo, nongu ye kushiye hipaqo shi ani kea? Nikujo ghi nongu toi timi, eno nongu lau atsakiviu süghi ani, tishianguno nongu pelo hi adou thime lono tsüghüsü aküxüpu Lhou khuu atsütsü, ayeghi, azüghi eno tile akeu kümtsü lho keno, Pa lau ighi peniye ke.

1 Kor. 8:4

Ikehu, achuqupu pesü ajulho mllakeu tsa loye, ningu no ithi anike “ajulho ye kuchocho aküxü anike kumoe,” eno “Alhou ye lakhi likhi ani.”

ZAKINIU 11:16

Nongu mlo pishiqhive nosa, eno tsüghüsü kütau lhouqo mlla eno qeuve nosake kutokupui lo;

ZAKINIU 30:17

Ikemu nongu no hebide eno initsü mono kütau lhouqo mlla nike tsüghüve aye,

ZAKINIU 32:21

Panongu no alhou kumo keu pesü I pelo anheshupe; panongu no ajulho pesü I mlo shikighide tsüe. Ikehu I no pano pelo kiumu kumo kemi jupe anheshu peni; mbomzü shiye sawo pano mlo shikighide tsüni.