SAMUEL ATUGHIU 12:17 - Sumi Naga CL (Re-edited) Bible (BSI)

¹⁷ Ishi ye ashothi ghile ghuloki ke kumo keshea? I no Ampeu kuni, tishino Pa no pasapagha eno tsütsüghu puwu tsü peni. Nongu no nongu ghenguno akükau khu keu lono now küsakügha kije shive akepi nongu no ithi eno ithulu nani.”

BAIBEL (BSI)

¹⁷ Hiye qhaikeu tusho ke, tishie ma? Ikemu ino inikhu aye AMPEU no tsutsu kusu tsutsughu puwutsu nani. Kughouno hi shikeu sholu nikeno nonguno AMPEU lau axine kije mlavekeu eno nonguno pa vilo akukau lakhi tsulepi khukeuye kuquve kenapi kumsukidelu nani.”

SAMUEL ATUGHIU 12:17 Iomraidhean Croise

LESHELE 99:6

Moses ngo Aaron ye Pa chinemi ke, Samuel ghi Pa je ku inikhu chekemi dolo lakhi ke. Panongu no Ampeu je ku, eno Pa no panoqo khochile.

IPEKULU 32:30

Thoghiu Moses no timiqo vilo pi, “Nongu ye axine kije shivae. Itehi I no Ampeu lau iqhoni; ishiake I no nongu xine pevetsü luvike.”

AHOLE 26:1

Mütsü tusho lono avütsa qike toi, ghile lono tsüghu ighike toi mbomzümi ghenguno agigihu ye aküzüqhiyi moe.

JEREMIYA 15:1

Ampeu no I vilo pi, “Moses ngo Samuel pama no I zülo puthugho püaghi namu, I mlo ye timi hipaqo lau tsüghü ighimo nani. I zülono panongu hapheve no puwuve lo!

JOSHUA 10:12

Ampeu no Amorimi shou tokulu pe Israelmi tsüke tsala lo Joshua no Israelmi nhethe lono Ampeu pütsae, “Khetsünhe, no ye Gibeon shou ngolo, eno aqhi no Aijalon khila shou ngolo.”

SAMUEL ATUGHIU 12:13

Itehi akükau khuu nongu no kishe, eno khu akeno pa julo, Ampeu no nongu shou akükau süsüvae.

SAMUEL ATUGHIU 12:19

Timi kümtsü no Samuel vilo pi, “O qemiqo ghenguno Ampeu o Lhou lau inikhu tsülo, tishianguno ningu ye thimo nani, kughengu ningu no akükau khu keu lono nino ni xine shou küsakügha hipau küphavae.”

SAMUEL ATUGHIU 2:10

Ampeu ghümi ye mukhumuno shive nani; Pa no atsütsü lono tsütsüsü panoqo mjo nani. Ampeu no ayeghi shekichi kutolo xaküthau shi nani; Pa no akumto pesü Pa kükau tsü nani eno Pa no nukishelu keu kibo süqhe nani.”

SAMUEL ATUGHIU 7:5

Tithiu Samuel no pi, “Israelmi kümtsü Mizpah lo hekütsülo, eno I no nongu ghenguno Ampeu lau inikhuni.”

SAMUEL ATUGHIU 8:6

Ikemu kughou panongu no, “Ningu shou xaküthau shi penike akükau ni tsülo” ipi keno, Samuel ye amlo qimlave. Pa no Ampeu vilo inikhu.

SAMUEL ATUGHIU 8:7

Ampeu no Samuel vilo pi, “Panongu no o vilo pi akeqo tsa kümtsü inilo, kughengu panongu ye o milive amoe, ikemu I no pano shou akükau shi akeu milive ani.