SAMUEL ATUGHIU 11:13 - Sumi Naga CL (Re-edited) Bible (BSI)

¹³ Ikemu Saul no pi, “Ishi tsala lo timi lakhi mu pithi moni, kughengu ishi ye Ampeu no Israel lau xakulupu shitsüe.”

BAIBEL (BSI)

¹³ Ikemu Saul no pi, “Ishiye timi khumu pithive mlae, kughengu hipa tsalanino AMPEU no Israilmiqo kuqhophelue.”

SAMUEL ATUGHIU 11:13 Iomraidhean Croise

SAMUEL AKINIU 19:22

Ikemu David no pi, “Zeruiah nuliqo, ni ye nongu lau kiu shive pi ishi tsala lo I külami shi ani kea? Ishi tsala lo ghi Israel lo khuana pithive kepu keshea? Ni ye Israel kükau ipi ithi move ani keshea?”

SAMUEL AKINIU 19:23

Eno akükau no Shimei vilo, “No ye thimo nani” ipi ashoqhi shive.

SAMUEL AKINIU 23:10

Pa no ithu au qeive moke kutolo Philistiami ghiqhia no pa u azütakikihi lo meluve. Tipani Ampeu no tokulu kije tsü. Eno pa no ghiqhive keqo launo thime lunike ghengu likhino timiqo ye ighi.

IPEKULU 14:13

Moses no timiqo vilo pi, “Msa kevilo, mtotoi puthugho lo, eno Ampeuw xakulu, khikhi Pa no nongu ghenguno ishi tsala lo mla nani keno ti julo. Kughengu Egyptmi khunoqo nongu no ishi ithulu ani keno, nongu ye panoqo khilemu ithulu kithemae.

IPEKULU 14:30

Ikehu tipa tsalani Ampeu no Egyptmi u lono Israelmi xaluve, eno Israelmi no azüghi mkülo Egyptmi thive keu ithulue.

ISAIAH 59:16

Pa no ju kelaye milakhi mu alakishi shitsüni keu ithumlae; tileno Pa u no xaphelue, eno Pa chipiu-mikucho no Pa süqheke.

1 Kor. 15:10

Ikemu I no kiu keno, ti ye Alhouw küpükini vecheo ke, eno Paw küpükini I tsükeu ye adou shivemoe. Tishike kumono apostolmi kütami nguno alau I no mlache, kuchou no I no shiluke kumono I gholo akeu Alhouw küpükini noke.

SAMUEL ATUGHIU 10:27

Ikemu ameküküha timi khami no pi, “Timi hipau ye kishino ningu xaluni kea?” Eno panongu no pa thogha no agho kiumu pa lau peighimo. Ikemu pa ye inaqhoive.

SAMUEL ATUGHIU 14:45

Timiqo no Saul vilo pi, “Jonathan vecheo Israel lo xakulu kije süghi keghi pa pithiveni keshea? Tishi mlae! Ampeu xü anike, pa kütsü lo asa lothi lakhimu ayeghi lo ikiqimo nani, kughengu ishi pa ye Alhou gholono akümla shivae.” Ikehu timiqo no Jonathan xaphe luve, eno pa pithi move.

SAMUEL ATUGHIU 19:5

Kughengu pa no aküxü tsüno Goliath heqhive, eno Ampeu no Israelmi kümtsü ghenguno xakulu kümla kije shitsüe. No ghi tipau ithulu no alovive. Imaye kushiye no ye David heqhive no akipimi küha kemi ji peleni kea?”