SAMUEL ATUGHIU 10:1 - Sumi Naga CL (Re-edited) Bible (BSI)

¹ Tithiu Samuel no thazü bohu ikhiphepe Saul kütsü lo lepuku no pa müma eno pi, “Ampeu no Paw timi Israelmi shou yepeu shi penike o nukisheve ake kumo keshea? Nono Ampeuw timiqo shou ayepe nani eno aghümi pano homxape akemi launo panongu xalu nani. Ampeu no o pelo Pa mheghi shou sakipheu shi penike o nukishe keu michipu hino shinani.

BAIBEL (BSI)

¹ Tishino Samuel no oliv teli supuchekeu bohu lono Saul tsuqolo lepuku tsuno pa muma eno ishi pi, “AMPEU no pawu timi Israilmi shou ayehkipeu shipenike okisheluvae. Nono pawu timiqo shou ayehpeni eno panongu ghumi launo sushoniae. Hi shi akeuno AMPEU no opelo pawu timiqo ayehkipeu shipeniye akeu michipu shi anike:

SAMUEL ATUGHIU 10:1 Iomraidhean Croise

SAMUEL AKINIU 1:14

David no pa vilo pi, “Kushiye no ye Ampeu no nukisheve keu shou o u beni keu msa move kea?”

SAMUEL AKINIU 19:39

Tithiu timi kümtsü no Jordan kathasü wuve, eno akükau ghi cheve. Pa no Barzillai müma no pa kümghatsü, eno pa ye pa kilo idewove.

SAMUEL AKINIU 20:19

Israel lo iqüghai eno pükhükulu gholo nighi lakhi ke. Israel lo aza lakhi shi ache keu mishighüna nono kütsaveni ye phucheni. Kushiye no ye Ampeu mheghi shipühave tsüniye ani kea?”

SAMUEL AKINIU 5:2

Wovekeu lo, Saul no ningu shou akükau shi akelo ghi, nono Israel ghüshiqo lo saphe ighike. Eno Ampeu no o vilo pi, ‘Nono Iw timi Israelmi kheu shi nani, eno nono panongu yepeu shi nani.’”

KUKAMI ATUGHIU 1:34

Achineu Zadok ngo tungkupu Nathan pama pelo pa pesü Israel kükau shi nukishe pelo. Tishino afuko igha no pilo, ‘Akükau Solomon axüpushu peniu!’

KUKAMI ATUGHIU 19:18

Ikeghi Ni ye Israel lo khuno khonhe no Baal zülo qhoqhünhe mphi eno Baal müma mphi keno, timi 7,000 püxü püanie.”

KUKAMI AKINIU 20:5

“Ideilo lo eno Iw timiqo sakipheu Hezekiah vilo pilo, Ampeu O sü David Lhou no ishi piani: I no o kighini chiluvae; I no o nhezü kipiji ithuluvae. Julo, I no o shipivi tsüni. Atsala aküthüu lo no ye Ampeu kilo wu nani,

KUKAMI AKINIU 9:1

Elisha no tungkupmi loji lo lakhi kuno pa vilo pi, “Aphimini akivishi pepusü thazü külabo hipau pesü Ramoth-gilead lo wulo.

KUKAMI AKINIU 9:12

Panongu no pi, “Ti ye kuchou kumoe, itehi ningu vilo pilo.” Pa no pi, “Hitoi pa no I vilo pi, ‘Ampeu no ishi piani, I no o pesü Israel kükau shi nukishe ani.’”

LESHELE 135:4

Kughengu Ampeu no Pa salashi Jacob kisheluke, Israel pesü Pa mheghi shike.

LESHELE 2:12

Anu müma lo, tikumo aye pa no amloide kelo nongu ye pühave nani, kughengu pa loghu ye paikhavi iqü ipeghive cheni. Khunono pa launo sükusho lucheni keno akümghapue.

LESHELE 78:71

ambequ ati pape cheke lono Pa no pa pelo Jacob, Paw timi, Israel, Pa mheghi khekuto peniye saghike.

IPEKULU 30:23

“Tsüngqüikeu ta akivi hipaqo lulo: müsüghüta ahu tsügho, aküsa ahu küthü, akhoyi tsüngqüi keu ahu küthü,

JEREMIYA 10:16

Khuu no Jacob Lhou keno Pa ye hipaqo toi moe, kughengu Pa no thime kümtsü kughulho ke, Israel shiaye ye Pa mheghi ke; aqokitikhi MPEU no Pa jeke.

EZEKEL 16:13

Ikehu no ye ameshoyi ngo ghükayi no ananu shipuve, phepheike phi akivi, müdüniyike phi eno aye shisükeu phi no o phimini shike. No ye ashomkhu, akhingozü eno thazü akivi chue. No ye shishe ajukivi shi ipeghive eno kükaliu shive.

HOSIYA 13:2

Eno itehi ye panoqo no alau eno alau axine shino pano sala ayi julho mla ani, panow ghükayi no kütshakügha shi ajulho mla ani, ti kümtsü kütshakügha kümla kishimi noke. Panoqo ghili ishi picheni, “Timi heqhipe mlla chekemi no amshitsü mümae!”

Apostolmi 13:21

Tile panongu no akükau khue, eno Alhou no ampe lhobidi kutolo Benjamin lagha lono Kish nu Saul pesü tsüe.

ZAKINIU 32:9

Ikemu Ampeu saje ye Paw timiqo ke, Jacob no Pa mheghi saje shilue.

1 Thes. 5:26

Akimthe kümma pesü kümtsü sasü petha shilo.

IBRIMI 2:10

Kughengu pa ghime vecheo anuli kutomo ajuküvüpu lo süghilu keu lo Alhou khuu vecheo thime kümtsü acheni keno Pa no Jisü pelo xakulupu la lo amiheu shilupe keu ye achipilo ke.

Piyeküsü 5:8

Kughou Pa no ti ikhilu keno, aküxüküa lhoxü bidi eno layemi muku bidi no Pa zülo itsaqi, panongu lakhikhi no akighi lebo eno ameshoyi kiptibo lo müsüghüta chhitoi süpeae, ti ye küpülümi kukhu kighini ke.

SAMUEL ATUGHIU 12:3

Ni ye hile ani; Ampeu zülo eno Paw nukikishe zülo I lachile kepu aghi aye thopi shijulo. Khuu mishitsü momu khurha I no luvetsü kea? I no khuu pishiqhi chuve momu khuu qhasüve kea? Momu khuu u lono I no külügho luve no tino I nhethi miyi luve kea? I lachile ghi thopi shijulo eno I no tipaqo nongu lochileveni.”

SAMUEL ATUGHIU 13:14

Ikemu itehi o kükaqha ye pekibe womae. Ampeu ye Pa mlo kuchuu timi lakhi phuluvae, eno Paw timi sakipheu shi penike Ampeu no azah pa tsüvae, kughengu Ampeu no azah kiu o tsü keno nono pape movae.”

SAMUEL ATUGHIU 15:1

Samuel no Saul vilo pi, “O nukishepe Israel shou akükau shipeni ye Ampeu no I puwue; tighenguno itehi Ampeu tsa inilo.

SAMUEL ATUGHIU 15:17

Samuel no pi, “O müzülo no ye aghulo kepi aghimu no ye Israel shiaye kümtsü kütsüke kumo keshea? Ampeu no o nukishepe Israel kükau shike.

SAMUEL ATUGHIU 16:1

Ampeu no Samuel vilo pi, “Israel shou akükau shipemo niye I no Saul milive ake no ye khitohi pa ghenguno amlo ijuni kea? O kibo lo thazü lesüpe wulo. Bethlehemmi Jesse lau I no o puwuni, kughengu I no pa nuli dolo lakhi pesü akükau shipenike kutope qhivae.”

SAMUEL ATUGHIU 16:13

Ikehu Samuel no pa kibo lono thazü ikhiphe no amunoqo küa lono pa nukisheve. Tileno Ampeu Ghungu no tipa tsala lono David shou ikughive. Tishino Samuel ye Ramah lo idewove.

SAMUEL ATUGHIU 2:10

Ampeu ghümi ye mukhumuno shive nani; Pa no atsütsü lono tsütsüsü panoqo mjo nani. Ampeu no ayeghi shekichi kutolo xaküthau shi nani; Pa no akumto pesü Pa kükau tsü nani eno Pa no nukishelu keu kibo süqhe nani.”

SAMUEL ATUGHIU 24:6

Pa no paw timiqo vilo pi, “Pa ye Ampeuw nukikishe kepi ithi apülaghi I no I mpeu shou hitoi I u süqheni keu ye Ampeu msa nolae.”

SAMUEL ATUGHIU 26:11

Mthamini ni ye khilemu Ampeuw nukikishe shou I u bemo nani. Ikemu pa kütsü phivilo angupa ngo azübohu akeu luve lo, eno nikujo ye wuveni.”

SAMUEL ATUGHIU 26:9

Ikemu David no pi, “Pa kütsa kevilo, kughengu khuu no Ampeuw nukikishe shou au süqhe no akipimi shimoni kea?

SAMUEL ATUGHIU 8:19

Ikemu timiqo no Samuel tsa milive no agholu move. Panongu no pi, “Moe! Akükau lakhi ningu shou anani,

SAMUEL ATUGHIU 8:9

Tighenguno itehi, panongu tsa inilo; no ye akumto shi panongu ghutuke likhi shilo eno kükami khuu panoqo shou ayepe nani keno tipaqo laghi panongu kichepiye lo.”

SAMUEL ATUGHIU 9:16

“Thoghiu hipa ghuloki lo I no Benjamin yeghi lono timi lakhi o lau puwu nani, eno pa pelo Israel lo Iw timiqo shou sakipheu shi penike nono pa nukishe lo. Pa no Philistiami u lono Iw timiqo xalu nani. I no Iw timiqo ithuluvae, kughengu panoqo ghügha ye I lau ighivae.”

SAMUEL ATUGHIU 9:27

Pama no mishighüna khalau ipeche kelo, Samuel no Saul vilo pi, “Aqeu vilo nikujo züu shi cheghilo pilo, eno kughou pa no hechesü wuveni keno, ado kitila hile ngovelo, tishianguno I no Alhou tsa o lau kilethi tsüni.”