SAMUEL ATUGHIU 1:19 - Sumi Naga CL (Re-edited) Bible (BSI)

¹⁹ Panongu no inaqhe itheno ithuve no Ampeu mllave; tithiu panoqo ye Ramah lo pano kilo idewove. Eno Elkanah no pa nipu Hannah ithive, eno Ampeu no li kümsülu.

BAIBEL (BSI)

¹⁹ Thoghiu Elkana eno pa bolomi inaqhe itheno ithughino AMPEU mllave kethiu Rama lo pano kilo idewove. Elkana no pa nipu Hanna sasu kushove eno AMPEU no li kighini khochile tsu.

SAMUEL ATUGHIU 1:19 Iomraidhean Croise

BOTHUBO 21:1

Ampeu no piqhi ketoi, Pa no Sarah xuju, eno Pa no ashoqhi shi ketoi Sarah lau mlatsüe.

BOTHUBO 30:22

Tishino Alhou no Rachel kümsülu, eno Alhou no li sütsa chilu tsüno li tita khaqhive tsü.

BOTHUBO 4:1

Adam no pa nipu Eve ithive kethiu li ye mishive no Cain punu, eno pi, “Ampeu kukuphu vecheo ni ye anu ithuluvae.”

BOTHUBO 8:1

Ikemu Alhou no Noah, tüghashi tikishi eno lhoxü jeli ashuka lo pa gholo akemi kümtsü kümsülue. Eno Alhou no ayeghi shou amülhü mülhü ighipe, eno azü iqü ilovepe.

KUKAMI AKINIU 4:17

Ikemu Elisha no pi ketoi, tokuu tipa ghuloki lo li ye kiptimi lakhi punuve.

LESHELE 119:147

Tsütho mphi lono I no ithu no kuphu peniye ighamku; I no O tsa lo lajube ani.

LESHELE 136:23

Ningu no anguküsa sholu kelo Pa no ni kümsülue, kughengu Paw iqemokeu kikimiye ye alholo acheni;

LESHELE 25:7

I lhothe lo xine eno hekibide kümsülu tsü kevilo; Ow Iqemokeu kikimiye vecheo, eno O je kivi vecheo I kümsüchile tsülo, O Ampeu!

LESHELE 5:3

O Ampeu, Nono inaqhe I sütsa chilutsü cheni; I no inaqhe O ghenguno aghakishi kutope jukutoe.

LESHELE 55:17

Avela, inaqhe eno puchomghü lo I no muchho eno aghuju shi igha, eno Pa no I sütsa chilu tsüe.

Mark 1:35

Thanau tsükutho lau Jisü no itheno ithuve no züghüi aphi lono yenguyi ke-a lo wuve, eno tilauno inikhue.

Luke 23:42

Pa no hi ghi pi, “Jisü, kughou nono o yekipe lo iloni keno I kümsülu lo.”

JOSHUA 18:25

Gibeon, Ramah, Beeroth,

SAMUEL ATUGHIU 1:1

Ephraim toghi lo Ramathaim-Zophim ipikeu phu lo timi lakhi ache, pa je ye Elkanah. Pa ye Jeroham nu, Elihu nu, Tohu nu, Zuph nu, Ephrathami lakhi ke.

SAMUEL ATUGHIU 1:11

Li no ashoqhi lakhi shino pi, “O aqokitikhi Mpeu, tsala Nono o qeliu ghime jutsü eno o qeliu kümsümave tsümo no anu lakhi pesü o qeliu tsü aye, I no pa pesü aküxü kupuju ghenguno Ampeu lau tsüveni eno aqe pesü pa kütsü lo bemoni.”

SAMUEL ATUGHIU 15:34

Tithiu Samuel ye Ramah lo wove eno Saul ghi Gibeah lo pa kilo wove.

SAMUEL ATUGHIU 16:13

Ikehu Samuel no pa kibo lono thazü ikhiphe no amunoqo küa lono pa nukisheve. Tileno Ampeu Ghungu no tipa tsala lono David shou ikughive. Tishino Samuel ye Ramah lo idewove.

SAMUEL ATUGHIU 19:18

David ye pove no itshüuve, eno pa no Ramah lo Samuel lau ighi no pa vilo Saul no pa lau kiu shikeno pi. Samuel ngo pama Naioth lo wuno tilau ngove.

SAMUEL ATUGHIU 2:11

Tithiu Elkanah ye Ramah lo pa kilo wove. Eno anu ye achineu Eli zülono Ampeu qeuve.

SAMUEL ATUGHIU 25:1

Samuel ye thive, eno Israelmi kümtsü no hekütsüpe pa ghenguno mloqa, eno panongu no Ramah lo pa kilo shiqhove. Tithiu David ye Paran sayeqha lo iqive.

SAMUEL ATUGHIU 7:17

Tishino pa no Ramah lo pa kilo idewove che, eno tilau ghi pa no Israelmi shou xathatsü che. Pa no tile Ampeu ghenguno akümlla-khache shiqhe pukue.

SAMUEL ATUGHIU 8:4

Ikehu Israel lo layemi kümtsü hekütsü no Ramah lo Samuel lau ighi

SAMUEL ATUGHIU 9:26

Tishino tsükutholau Samuel no aki kütsüqa lono Saul ku, “Ithulo, eno I no jupuwo veni.” Ikehu Saul no ithughive, eno pa ngo Samuel pama alaghila küdau chesü wuve.