SAMUEL ATUGHIU 1:15 - Sumi Naga CL (Re-edited) Bible (BSI)

¹⁵ Ikemu Hannah no khochile, “Moe, I mpeu, ni ye aghungu lono ime akemi topumi lakhi ke. Ni ye khilemu atsaizü momu aji kümka yeju mphie, ikemu ni ye Ampeu zülo I ngulho süghi ani.

BAIBEL (BSI)

¹⁵ Ikemu Hanna no khochile, “Akijeu niye shomzu amoe, ikemu niye ighono amlo ghujumi topumi lakhie; niye khilemu aji shochemo momu shomzuve kepumu yechemoe, ikemu AMPEU lau imlo ghime kumtsu kuqho leqhi piphe ake.

SAMUEL ATUGHIU 1:15 Iomraidhean Croise

JOB 30:16

“Itehi I lolo aküxüpu akeu ye puquleve keshivae; shiluküsa tsala no I tsüqü luvae.

LESHELE 143:6

I no O lau I u sükho ke; qhaike yeghi toi I ngulho no tüghüthi O phu cheni.

LESHELE 42:4

I no I mlo lheju kelo, kishi aqokitikhi gholo wuno panoqo saphesü Alhou kilo tiqhetini pini akeu lo shekujo wuno alovi igha eno shekiqhe le pheche keno thime hipaqo I no kümsülue.

LESHELE 62:8

O timiqo, ado kümtsü lo Pa pükhü lo; Pa zülo nongu mlo lheqhi lo; Alhou ye niw sükusho ke.

LESHELE 62:9

Akuchunimi ye atuthu kishedo lakhie; qhemghai xü chekemi küxü ye pishikiqhi ke; pama no ahu kimghi lo ikujue; pama kümtsa mighiju kelo atuthu kishe nguno akümthüue.

AHOLE 14:10

Alolo kukhukimji akeu ye amlo no ithi ani eno khunomu tipau pesü küsajelu chemoe.

AHOLE 15:1

Mtshaminhei khochile keu no aloghu ikhive tsücheni, ikemu atsa kümka no amlo kighide xukutho cheni.

AHOLE 25:15

Kutuokutuu keu no yepemi züiza luve cheni, eno amili kümtsha no aghi kümka ghi hepholu nani.

AKUMLO 2:19

“Putho hikuju kikili dolo, eno putho lo ithu ighamku lo! Ampeu zülo azü lephe ketoi o mlo lhephe lo! O tianuli khunoqo akhüava shi alaghila kümtsü lo thiqhi thiqhi ani keno, panongu küxü ghenguno Pa lau o u süqhelo.”

SAMUEL ATUGHIU 1:16

O qeliu ye ameküküha totimi kepi kihitsü kevilo, kughengu I kütakihi keu eno amlokighishi lono ni ye itehi kutolo atsa pi aphike.”

SAMUEL ATUGHIU 7:6

Ikehu panongu no Mizpah lo hekütsü no azü shophe eno tipau pesü Ampeu zülo leqhi no tipani kümvü eno tileno pi, “Ningu no Ampeu zülo axine shivae.” Eno Samuel no Mizpah lono Israelmi shou xaküthau shie.