SAMUEL AKINIU 9:3 - Sumi Naga CL (Re-edited) Bible (BSI)

³ Akükau no pi, “Saul lagha lo itaghi khuana I no Alhouw kikimiye piyelu kepu ani kema?” Ziba no akükau vilo pi, “Jonathan nu lakhi ani; pa ye apukhu kinitavae.”

BAIBEL (BSI)

³ Akukauno pa iniju, “Saul bolomi khuala anikeo kuha kya? Ino Alhou vilo tushoqhi puakeu kiqi lono pa lau kupu kimiye keu kumla pephe piyenike ghenguno.” Ziba no khochile pi, “Jonathan nu lakhi aphie. Paye apukhu kighichemi ke.”

SAMUEL AKINIU 9:3 Iomraidhean Croise

SAMUEL AKINIU 19:26

Pa no khochile, “I mpeu, O akükau, I qeu no I pishiqhive, kughengu o qeu no pa vilo pi, ‘I no I sala khurha kutoni, tishino tipau shou no I no akükau gholo wuni.’ Kughengu o qeu ye apukhu kinitave kemi ke.

SAMUEL AKINIU 19:27

Pa no I mpeu akükau lau o qeu pipüthave. Ikemu I mpeu akükau ye Alhouw kungumi toike; tighenguno kiu no o ghenguno akivi keno tishilo.

SAMUEL AKINIU 4:4

Saul nu Jonathan ye anu lakhi apukhu kinitave keu ache. Jezreel lono Saul ngo Jonathan pama sütsa ighikeu chiluke ghuloki lo pa ye ampe pungu shia, eno pa tuchomjo chekeu no pa saluve no pove, eno li no mighimghai pocheke lono, pa ye veqhive eno aphiau kinitave. Pa je Mephibosheth ke.

SAMUEL AKINIU 9:13

Ikehu Mephibosheth ye Jerusalem lo xüache, kughengu pa ye alhokuthu akükau ghulhu lüpa lono chu acheke. Pa ye apukhu kinikujo kinitave kemi.

SAMUEL AKINIU 9:7

David no pi, “Msa kevilo, kughengu o pu Jonathan ghenguno I no kikimiye o piyeni, eno I no o sü Saul yeghi kümtsü o tsüchileveni, no ye alhokuthu I ghulhu lüpa lono chuni.”

Luke 6:36

Nongu Papu no kimiyekini no chhitoi ketoi nongu ghi kimiyeqhiyi lo.

ZAKINIU 10:15

Ikeghi ashiaye kümtsü dolono Ampeu no nongu puasü eno pano polo kughukomi qhuivü, eno ishi kutolo tishi aphie.

ZAKINIU 4:37

Pa no nongu puasüqo kimiye kehu pano polo kughukomi kishelu no Pa küka kije lono Pa ampi no Egypt lono nongu saipeghi.