SAMUEL AKINIU 7:13 - Sumi Naga CL (Re-edited) Bible (BSI)

¹³ Pa no I je lono aki shiqhe nani, eno I no alhokupuju pa kükalakhü iqhikumto tsü nani.

BAIBEL (BSI)

¹³ Tipau huno ighenguno achineki shitsu nani eno pa lagha ye alhokuthulo ishokibe wopenike mutsumishei shitsu nani.

SAMUEL AKINIU 7:13 Iomraidhean Croise

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

SAMUEL AKINIU 22:51

Pa no xakulu kije Pa kükau tsüe, eno alholo iqemokeu kikimiye pe Paw nukikishe David eno pa kughukomi lau piyeke.”

SAMUEL AKINIU 7:16

O lagha eno o kükaqha ye alholo I zülo mtsüqhei anani. O kükalakhü ye alholo ghenguno shosüve nani.’”

SAMUEL AKINIU 7:27

Kughengu No, aqokitikhi Mpeu Israel Lhou, no piyeküsü hipau O qeu lau piye no pike, ‘I no o ki shitsü nani.’ Ikehu O qeu ye akighini hipau O lau inikhuni ke amlo mtolue.

KUKAMI ATUGHIU 2:24

Tighenguno xüküau Ampeu, khuu no I pesü I pu David kükalakhü lo I qhipüani, eno Pa no tushoqhi püake toi I kükaqha hipau shikumto tsü keno, Pa je lono piqhi anike ishi tsala lono Adonijah pithiveni.”

KUKAMI ATUGHIU 2:4

eno Ampeu no I ghenguno pikeu tsa shikupulu nani, ‘O nuli no pano kümla lo kutokupui shino I zülo amlo kümtsü, angulho kümtsü süno cheche aye, no ye Israel kükalakhü lo iqani keu timi püqümo nani.’

KUKAMI ATUGHIU 2:45

Ikemu Akükau Solomon ye akümghau, eno David kükalakhü ye alholo Ampeu zülo iqhikumto tsü nani.”

KUKAMI ATUGHIU 5:5

Ikehu Ampeu no I pu David vilo, ‘O nu khuu I no kükalakhü lo o thisülu peni keno, pa no I je ghenguno achineki shi nani,’ ipi püake toi ni ye Ampeu I Lhou chineki shinike kuto ani.

KUKAMI ATUGHIU 6:12

“Nono aki hipau mla akeu vehu lo, nono I yezah lo cheche, I khuaye lo gholu, eno I zakütsü kümtsü pelu aye, I no o pu David lau piqhi püakeu, o vecheo shikupu tsüni.

KUKAMI ATUGHIU 8:13

O pelo alholo ache penike I no O ghenguno akighiche ki shive tsüae.”

KUKAMI ATUGHIU 8:15

Pa no pi, “Israel Lhou Ampeu sheqhelo! Pa no I pu David lau tushoqhi püakeu, Pa u no ti shikupuvae; Pa no hitoi piqhi püake,

KUKAMI ATUGHIU 8:19

Tishimu aki ye nono kumono o nu o polo kiyighi no I je lono mla nani.’

KUKAMI AKINIU 21:4

Ampeu ki, khile Ampeu no “Jerusalem lo I no I je qhini,” ipi keno, tile pa no akümlla-khacheqo mlave.

KUKAMI AKINIU 21:7

Pa no Asherah julho mlape Ampeu chineki lo qhi, tipa chineki vehulo Ampeu no David ngo pa nu Solomon vilo pi: “Israel shiaye kümtsü gholono I no kishelu keu ki hipau lo eno Jerusalem lo, I no alholo ghenguno I je qhinani.

KUKAMI AKINIU 8:19

Ikeghi Pa qeu David ghenguno Ampeu no Judah kütsaveni shimoe, kughengu Pa no alholo ghenguno akulu pesü David ngo pa nuliqo tsünike tushoqhi ke.

YEKIKITHI ATUGHIU 28:10

Itehi tsaqütsalei shilo, kughengu o pelo akimthe chineki mla penike Ampeu no o kisheluvae; ikehu akumto shino mla thulo.”

YEKIKITHI AKINIU 33:4

Ampeu ki khile Pa no, “I je ye alholo Jerusalem lo anani,” ipi keno, tilehi Manasseh no akümlla-khacheqo mlave.

YEKIKITHI AKINIU 6:16

Tighenguno itehi, O Israel Lhou, Nono O qeu I pu David lau hitoi piqhi püakeu shikupu tsülo, ‘Nono I zülo cheche ketoi o nuliqo no tsaqütsalei xü, eno I yezah pelu aye, no ye Israel kükalakhü lo iqani keu timi püqümo nani.’

JOB 36:7

Pa ye amikuchomi launo Pa nhethi sükiqeve chemoe, ikemu alhokupuju ghenguno Pa no panoqo süsü no kükami gholo iqa no ayepe eno sheqhe achenipe.

LESHELE 72:17

Alholo pa je ye kümsümave mono ache pelo, atsütsü lo khetsünhe ake kutolo pa jekipi apelo! Pa vecheo timiqo no müghalu pelo, shiye kümtsü no kükümghau ipi pa ku pelo!

LESHELE 89:21

I u pesü pa iqhikumto nani; I küka no pa shikumto nani,

LESHELE 89:29

I no alhokupuju pa tikughuko süsü nani eno pa kükalakhü ye kungugha tsala toi shitsü nani.

LESHELE 89:4

‘I no alholo o laghami iqhikumto tsüni, eno alholo o kükalakhü shiqhe tsüni.’”

ISAIAH 49:8

Ampeu no ishi piani: “I no ado achipi lono nongu khochile tsüke; xakulupu tsalani I no nongu kuphuke; I no nongu khe eno süsho nani, nongu vecheo timi kümtsü sasü puloshoqhi shinani; eno pighive keu yeghi pesü amheghi shi tsüchile nani.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

JEREMIYA 33:17

“Kughengu Ampeu no ishi piani: David laghami ye Israel kükalakhü lo iqani keu kühave monani,

EZEKEL 37:25

I no I qeu Jacob tsükeu yeghi, khile nongu puasüqo no xüche keno nongu no tile küghüna nani. Panongu eno pano tianuli ngo atilimi no tilehi alholo küghüna acheuve nani, eno I qeu David no alholo panow kükapuu shive nani.

DANIEL 2:44

Eno kükami tipaqo ghuloki lono kungugha Lhou no kükaqha lakhi shiqhe nani, ti ye khilemu kütsave monani momu timi kütami lau phesüve monani. Tino kükaqha hipaqo kümtsü kubopinyive nani eno kishekhave tsü nani, eno ti ye alholo puthugho nani,

ZEKHARIA 6:12

Eno pa vilo pilo, ‘Aqokitikhi Mpeu no ishi piani, “Khuu je no Aloka keno, julo: pa ye pa-a lono aloka qüpuwu nani, eno pa no Ampeu chineki shiqhe nani.

ZEKHARIA 6:13

Ampeu chineki shiqheni keu, ayekipe gigihu xapu eno kükalakhü lo iqa no ayepeni keu ye pa ke. Pa kükalakhü lo achinemi lakhi anani, eno külakishi no pama dolo anani.”’

MATTHEW 16:18

I no o vilo piani, no ye Peter, eno atuqu hipau shou no I no I kukuhou shipukuni, eno Kithigha khagho ye tipau shou tomla nani.

IBRIMI 3:3

Aki kishiu no aki nguno alau agigihu ithulu ketoi Jisü ye Moses nguno alau ameküapu gigihu ithulue.

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.