SAMUEL AKINIU 6:19 - Sumi Naga CL (Re-edited) Bible (BSI)

¹⁹ eno Israelmi aqokitikhi, kiptimi totimi kümtsü lau asho, ashi eno atsaikipki sho lakhikhi tsü. Tithiu timi kümtsü no pütüta kilo idewove.

BAIBEL (BSI)

¹⁹ eno achuqupu pesu timi kumtsu kije tsulu. Pano Israil lo kiptimi totimi kumtsu lau ashopa lakhi khi eno ashi kusave keu aleqhi lakhi khi pesu kijetsulu, eno atsayithi akipki ghi tipau gholo suno tsulu. Tishive kethiu kumtsuno pututa kilo wokhave.

SAMUEL AKINIU 6:19 Iomraidhean Croise

SAMUEL AKINIU 6:18

David no akipti kümllagho ngo külakishi kümllagho tsüve kethiu, pa no aqokitikhi MPEU je lono timiqo kümghatsü,

SAMUEL AKINIU 6:20

David no pa kibolomi kümgha tsüniye ighi. Ikemu Saul nga Michal no David sholu niye ighi no pi, “Ishi Israel kükau ye kishi pa ampi gihu kela, pa ghinimi qelimi nhethe lono ghaghumi toi kujomo mithe pa phimini xake!”

KUKAMI ATUGHIU 8:66

Atsala akütacheni Solomon no timiqo pütüta kilo puwove, eno panongu no akükau kümgha tsüno Ampeu no Pa qeu David ngo Paw timi Israelmi lau akivi kümla shikeu ghenguno shishe alokivi shi pütüta kilo wove.

YEKIKITHI ATUGHIU 16:3

no asho, ashi, eno atsaikipki sho pesü Israelmi kiptimi totimi kümtsü aküphashi kijetsü.

YEKIKITHI ATUGHIU 16:43

Tithiu timi kümtsü pütüta kilo wove, eno David ghi pa kibolomi kümgha tsünike aki lo wove.

YEKIKITHI AKINIU 30:24

Judah kükau Hezekiah no akümllagho ghenguno ahohomi amshitsü 1,000 eno ambe 7,000 tsü, eno hiyampemi no amshitsü 1,000 eno ambe 10,000 tsü. Achinemi kutomo no pano kishekimthelu.

YEKIKITHI AKINIU 7:10

Aqhi akütsüniu, atsala muku aküthüu lo pa no timiqo pütüta kilo puwove, Ampeu no David ngo Solomon eno Paw timi Israelmi kinikülü tsükeu ghenguno shishe alokivi shi wokhave.

NEHEMIA 8:10

Pa no timiqo vilo pi, “Idewolo, achuqupu kivi chulo, akungo tsaizü yelo, eno küha kemi sasü küsaje lo, kughengu atsala hipau ye ni Mpeu lau akimthe shikeu tsala ke. Amloiju kevilo kughengu Ampeu lokivi no nongu kükakumto ke.”

ALE KIMCHI 2:5

Atsaikipki ngo apple pesü I ghüthi püxü no I shikumto tsülo; kughengu ni ye kikimiye küsü no thiqhi anie.

EZEKEL 45:17

Israel laghamiw tiqhetini ghulhu kümtsü lo Sabbath, aqhi kithe eno aghulhu lo akipti kümllagho, athi kümllagho, atsaizü kümllagho kutope qhitsüni keu ye kükapuu kümlapu ke. Pa no axine kümllagho, athi kümllagho, akipti kümllagho, külakishi kümllagho, eno Israel laghami kümtsü züqhushi axine pevetsü penike akümllagho tsü chekeu ye pa no ikhiphetsü masae.

HOSIYA 3:1

Ampeu no I vilo pi, “Israel tianuliqo no kütau lhouqo lau tsüghüsü wuve eno atsaikipki sho kimiyeuve namu Ampeu no panongu kimiye aketoi itaghi wulo, totimi khuu kütami no kimiye ani eno küsalhami shi acheni keno li kimiyelo.”

Apostolmi 20:35

I no thokha lo nongu piyeve ake ningu ye ichheime mlano miqemlei kemi kuphu, eno Ampeu Jisü ampi no pikeu tsa kümsülu masae, ‘Tsükeu no lukeu nguno akümghapue.’”

Ephesiami 4:8

Ikehu ishi picheni, “Kughou Pa no kunguu iku keno Pa no akughumi kütsasa sawu, eno agho pesü timiqo tsüe.”

JOSHUA 22:6

Joshua no panongu kümgha tsüno puwove eno panongu no pano pusho lo idewove.