SAMUEL AKINIU 5:7 - Sumi Naga CL (Re-edited) Bible (BSI)

⁷ Tishimu David no Zion sükusho-a leluve, ti ye David phughi.

BAIBEL (BSI)

⁷ (Ikemu David no ighino panongu Zion tupikiye levetsu ikehu tinguno tilauye “David Phughi” ipi aje kuluve.)

SAMUEL AKINIU 5:7 Iomraidhean Croise

SAMUEL AKINIU 5:8

Eno tipani David no pi, “Khukhumu Jebusimi leni keu ye azüla kathasü ‘aphiau kinitave kemi ngo anhethi kighichemi’ lelu nani, hipaqo ye David ghümiqo ke.” Tighenguno ishi picheni, “Anhethi kighichemi ngo aphiau kinitave kemi ye kükaki lo iloghimla nani.”

SAMUEL AKINIU 5:9

David no sükusho-a lo ngoluve eno tipau pesü Davidw mishighüna ipi kuvetsü. Pa no Millo kümtsü homxa mishighüna shiqhe pukuve.

SAMUEL AKINIU 6:10

Ikehu David ye AMPEUw puloshoqhi bohu pesü David phughi lo ighini keu pulo move. Eno pa no Gathmi Obed-edom kilo qhive.

SAMUEL AKINIU 6:12

“Alhouw puloshoqhi bohu ghenguno Ampeu no Obed-edom kibolomi eno pa no aghikeu kümtsü kümghave tsüae” ipi akükau David vilo pive. Ikehu David no Obed-edom kilo wuno alokivi shi Alhouw puloshoqhi bohu pesü David phughi lo ighive.

SAMUEL AKINIU 6:16

Ampeuw puloshoqhi bohu pesü David phughi lo iloghi kelo, Saul nonga Michal no alashe lono jupipe, eno Akükau David no Ampeu zülo ilhe cheghi keu ithulu, ikelo li no amlo lono pa jukünathave.

KUKAMI ATUGHIU 2:10

Tishino David ye pa puasüqo gholo zühuve eno David phughi lo shiqhove.

KUKAMI ATUGHIU 3:1

Solomon no Egypt kükau Pharaoh nga sasü külano pa sasü kütshükime luve. Pa no pa kungo ki ngo Ampeu ki eno Jerusalem homxa atupi yelu moke kutolo li sasü David phughi lo ache.

KUKAMI ATUGHIU 8:1

Tithiu Solomon no Israel sakiphemi, ashiaye eno ali kümtsü lo akütsüqo, pa lau Jerusalem lo saghi, ti ye Ampeuw Puloshoqhi bohu David phughi Zion lono achineki lo qhini kehue.

KUKAMI ATUGHIU 9:24

Pharaoh nga no David phughi lono kiqhesü Solomon no li sala mlatsü keu kilo iqhove kethiu Solomon no Millo mlae.

YEKIKITHI ATUGHIU 11:7

David no sükusho-a lo ngoluve, tighenguno tipa-a pesü “David Phughi” ipi kuve.

YEKIKITHI AKINIU 24:16

Panongu no David phughi lo kükami kumoki lo pa qhove, kughengu pa no Israelmi lau, Alhou lau, eno achineki ghenguno akümla kivi mlake.

YEKIKITHI AKINIU 5:2

Tithiu Solomon no Israel lo sakiphemi ngo ashiaye lo akütsüqo eno alitomi ishi Jerusalem lo kusü, ti ye David phughi lo, Zion lono Ampeuw Puloshoqhi Bohu pesü ighi nike kuto.

NEHEMIA 3:15

Col-hozeh nu Shallum, Mizpah cheaxü lo yepeu no Azüpuki Khagho mla kitheve. Pa no ti shiqhe kithe no khonhave, piphi boqhasü qhave eno ahukikhaqo ngo tipau vüdayi ngo akhaduqo mla süve. Pa no akükau ghutu lo Shelah Zükikhe kupuwu mlave, eno David phughi lo iqicheke laghi kutolo mlave.

LESHELE 132:13

Kughengu Ampeu no Zion kisheluvae; Pa no tipa-a pesü Pa kungo-a shinikeu puloluve:

LESHELE 2:6

“I kimthe toghi Zion lo I no I ghenguno Akükau süsüvae.”

LESHELE 48:12

Zion homxa alachelo, li vehomxa lo, aliwo kihiju lo,

LESHELE 48:3

Liw aliwo dolo Alhou no Pa likhi Pa ye ijekulu aliwo lakhi kepi pephe piyevae.

LESHELE 51:18

O lokiqipu shi Zion lo akivi mla tsülo; Jerusalem liwo shiqhe tsülo;

LESHELE 87:2

Ampeu no Israel lo a-a kümtsü nguno alau Jerusalem khagho kimiye cheni.

LESHELE 9:11

Ampeu, Zion lo kükalakhü lo iqa akeu lau shekiqhe le phelo! Ashiayeqo vilo Pa kümla pilo!

ISAIAH 12:6

Alovi igha ale phelo, O Zion lo küami, kughengu Israelmiw Akimthe Lhou nongu gholo akeu ye kijeke.”

ISAIAH 59:20

Ampeu no piani, “Xachilekuluu ye Zion lo, Jacob limi khunoqo axine lono ideighive akeno, tipaqo lau ighi nani.”

JEREMIYA 21:13

“Julo, O akhila eno aqa lo atuqu lo küxümiqo, Ni ye nongu mjochile ani, ipi Ampeu no asheshu; nongu no picheni, ‘Khuu no iqighi no ni mjochile eno ni kungo-a lo iloghini kea?’

MICAH 4:2

eno shiye kutomo no ighi no pi nani: “Ighilo, ningu AMPEUw naghuto lo wuni, Jacob Lhou kilo wuni nolo, tishino Pa laghiqo ni shika peni eno nino Pa laghi lo pülanie.” Kughengu Zion lono Pa yezah eno Jerusalem lono Ampeu tsa ighi nani.

Rommi 9:33

ti ye ishi yepüake toi, “Julo, I no Zion lo apukhu küpsüpu, küpxa kepu tuqu sho püani; ikemu khukhumu Pa pülübe keu ye shikukujo monani.”

IBRIMI 12:22

Ikemu nongu ye Zion Toghi, aküxüpu Lhou phughi kungugha lo Jerusalem akeu lo, eno kungumi kihikhakümla no alovi kuho akeu lo ighivae.

Piyeküsü 14:1

Tithiu I no pishipuwo jukelo Ambeti no Zion naghuto lo puthugho aghi, eno julo, Pa gholo timi khunono akishe lo Ambeti je eno Papu je yepuku püa keno pano lakh lakhi qhethonhe lhobidi bidi aghi.