SAMUEL AKINIU 5:6 - Sumi Naga CL (Re-edited) Bible (BSI)

⁶ Akükau eno paw timiqo no Jebusimi mjochile niye Jerusalem lo wu, panongu ye tile küxümi, panongu no David vilo pi, “No ye hile iloghimo nani, anhethi kighichemi eno aphiau kinitave kemi no o lakha nani”—panongu no ishi kümsü, “David ye hile iloghi mla nani.”

BAIBEL (BSI)

⁶ Akukau David eno pawu timiqono Jerusalem lekepu do ighive. Tipa ghulokilo Jebusimi khunoqo tile akeno panonguno kumsukeuno David ye khilemu aphughi tipau leluve nani pi kumsumono ae, ikehu panonguno pa vilo pi, “Noye khilemu hilehi iloghimlae; anhethi kighichemi aphiau kighichemi nomu ohaphe puwuluve nani.”

SAMUEL AKINIU 5:6 Iomraidhean Croise

BOTHUBO 14:18

Eno Salem kükau Melchizedek no asho eno atsaizü peighi. (Pa ye Shishe Akiqheu Lhou chineu ke.)

SAMUEL AKINIU 22:30

Kughengu O vecheo I no ghüshimi loji mjochilelu nani, eno I Lhou vecheo I no aliwo ilhe kachelu nanie.

AHOLE 21:22

Alokütsümi no aghütomi phughi mghoiku pano no pükhü chekeu liwo kumto ghi xalevetsü cheni.

JEREMIYA 21:13

“Julo, O akhila eno aqa lo atuqu lo küxümiqo, Ni ye nongu mjochile ani, ipi Ampeu no asheshu; nongu no picheni, ‘Khuu no iqighi no ni mjochile eno ni kungo-a lo iloghini kea?’

JEREMIYA 37:10

Nongu no Chaldeami ghüshimi no sasü aghüshi akemi qhoi leluve no izave kemi likhi aphiki lo qhive namu, panongu no ithughi no ami pesü mishighüna hipau pitive tsü nani.’”

IBRIMI 7:1

Kughengu Salem kükau, Akiqheu Lhou chineu Melchizedek hipau no Abraham no aghüla wuno kükami ghiqhi püzü woche kelo pa sasü kusholu no kümghatsü,

JOSHUA 10:3

Tighenguno akükau Adoni-zedek no hitoi yesü yepe Hebron kükau Hoham, Jarmuth kükau Piram, Lachish kükau Japhia, eno Eglon kükau Debir lau puwu.

JOSHUA 15:63

Ikemu Judah timiqo ye Jerusalem lo küghüna akemi Jebusimi haphe mlave. Tighenguno Jebusimi ye ishi kutolo Jerusalem lo Judah sasü küghüna küqha acheni.

JOSHUA 18:28

Zela, Haeleph, Jebus (ti ye Jerusalem), Gibeah eno Kiriath-jearim—mishighüna chighibidi eno tipaqo gholo aphuqo. Hi no ali kiqi lono Benjamin shiaye yeghi saje.

XAKUTHAMI 1:21

Ikemu Benjaminmi ye Jebusimi Jerusalem lo küghüna akemi haphe move, ikehu Jebusimi ye Benjaminmi sasü ishi kutolo kümtsa xü cheni.

XAKUTHAMI 1:8

Judah timiqo no Jerusalem leluve eno azütakikihi pesü tile küami heqhive no mishighüna lo ami süvetsü.