SAMUEL AKINIU 24:17 - Sumi Naga CL (Re-edited) Bible (BSI)

¹⁷ Kughou David no timi ghiqhi akeu kungumi ithulu keno, pa no Ampeu vilo pi, “Julo, I no axine shivae, eno I no küsakügha kümla shivae. Ikemu ambe hipaqo ye kiu shive kea? Kimiyeno O u I shou eno I laghami shou pukuve tsülo.”

BAIBEL (BSI)

¹⁷ David no kungumi khuno timiqo heqhi pithi akeno tipau ithulu puzu AMPEU vilo pi, “Kuquvekeu inoke, mla itha pimivekeu huye nike. Ikemu timi hipaqoye kiu shivetsu kya? Noye ni eno isholokumiqou ghime masake.”

SAMUEL AKINIU 24:17 Iomraidhean Croise

BOTHUBO 18:23

Abraham no kupunu ighi no pi, “No ye mtsüqheino kixikilami gholono amikuchomi joleveni keshea?

BOTHUBO 44:33

Tighenguno itehi kimiyeno apu züqhulo o qeu pelo I mpeu qeu shi ngove pelo, eno apu pelo pa mu noqo gholono idewove pelo.

SAMUEL AKINIU 12:13

David no Nathan vilo pi, “Ampeu zülo I no axine shivae.” Nathan no pa vilo pi, “Ampeu no o xine peve tsüae; no ye thimo nani.

SAMUEL AKINIU 24:10

Ikemu timi kikihi luve kethiu David lolo alokughuno kühave. Eno pa no Ampeu vilo pi, “I no kiu shive akeno ti ye axine kije shivae. Ikemu O Ampeu, itehi kimiyeno O qeu kipimi peve tsülo, kughengu I no ighono mbomzü shivae.”

SAMUEL AKINIU 7:8

Ikehu, itehi no ye I qeu David vilo pilo, ‘Aqokitikhi Mpeu no ishi piani, Atsüni kümtsha-a lo ambe pape cheke lono I no no ikhiphepe o pelo Iw timi Israelmi shou sakipheu shipe.

KUKAMI ATUGHIU 22:17

Pa no pi, “Israel ghüshimi kümtsü akheu küha keu mbe toi apanagha naghuto lo chekeu I no ithulue. Eno Ampeu no pi, ‘Hipaqo ye ampeu kühae; panongu pelo iqüghai aki lo wove pelo.’”

JOB 42:6

tighenguno I no ni ampi ju aghaide ani eno ayevu amkhu shi xaideghi anie.”

JOB 7:20

Timi hikujuu, I no pimive aye ni ye O lau kiu shilopi kea? Kushiye I küghape Ow vemijipu shi ani kea? Ni ye kishino O ghenguno amakho shive aghi kea?

LESHELE 32:5

I no I xine O lau pipheve eno I kipimi küsümoe; I no pi, “I kipimi Ampeu lau pipheni,” eno Nono I xine kipimi qhivetsü.

LESHELE 44:11

Nono ningu pesü ghiqhive niye akeu ambe toivepe eno shiyeqo gholo kutholeve.

LESHELE 74:1

O Alhou, No ye kushiye alholo ni hapupove ani kea? Kushiye O tsüni kümtsha-a lo ambeqo shou amloide ani kea?

LESHELE 78:71

ambequ ati pape cheke lono Pa no pa pelo Jacob, Paw timi, Israel, Pa mheghi khekuto peniye saghike.

IPEKULU 10:16

Tileno Pharaoh no mtazü Moses ngo Aaron kuno pi, “Ampeu, nongu Lhou shou eno nongu shou I no axine shivae.

ISAIAH 6:5

Tileno I no pi, “I hasapuae! Ni ye pühavae; kughengu ni ye akichi mithemo kemi, eno mithekumomi gholo xüacheni; ikeghi I nhethi no aqokitikhi MPEU, Akükau ithuluvae!”

JONAH 1:12

Pa no pi, “I küghape azüghi lo vesüvelo; tishiaye azü ye iqüve nani, kughengu I no ithi anike I ghenguno pasapagha kije hipau nongu shou ighi ani.”

ZEKHARIA 13:7

“O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

AKIKIHI 16:22

Ikemu pama no ayeghi lo pishiqho ghi itsaqi no pi, “O Alhou, timi ghungu kümtsü shou Alhou, timi lakhi xine ghenguno no ye ahohomi kuchopu shou agha ideni keshea?”