SAMUEL AKINIU 24:14 - Sumi Naga CL (Re-edited) Bible (BSI)

¹⁴ David no Gad vilo pi, “Ni ye ighono avesavae. Ningu Ampeu u lo ikiqiveni, kughengu Paw kikimiye ye kije ke; ikemu I pelo timi u lo ikiqi ilovepe kevilo.”

BAIBEL (BSI)

¹⁴ David no khochile pi, “Niye ighono aveksa dolo ngovae! Ikemu niye timi pelono aghime itsu penishi amoe. Tighenguno AMPEU pelouno ningu ghimekeu shipelo, kughengu paye kupukiniuke.”

SAMUEL AKINIU 24:14 Iomraidhean Croise

SAMUEL AKINIU 9:8

Pa no agigihu tsüno pi, “O qeu ye kiue pi, atsü kithi lakhi toike I lau agigihu piye ani kea?”

KUKAMI AKINIU 6:15

Thanau inaqhe Alhou timi qeu no ithu khalau ipeghi kelo ghüshimi no khurshi ngo khurkuluqo sasü mishighüna bope aghikeu ithulu. Pa no pi, “Aha, I mpeu! Ningu ye kishiveni kea?”

YEKIKITHI ATUGHIU 21:13

Tile David no Gad vilo pi, “Ni ye shishe avesavae. Ikemu ni ye timi u lo kumono Ampeu u lomu ikiqi iloni, kughengu Paw kimiyekini ye ighono kije ke.”

LESHELE 119:156

Ow kimiyekini ye kije ke, O Ampeu; O shoqhi kiqi lono I püxü tsülo.

LESHELE 130:4

Ikemu O lau ye akipimi qhikütsü ani, tishino O sümsa peniye ke.

LESHELE 130:7

O Israel, Ampeu laju lo! Kughengu Ampeu gholo iqemokeu kikimiye ani, eno Pa gholo qhüchilekulu kupukuno shi ani.

LESHELE 145:9

Ampeu ye kümtsü lau aloe, Paw kimiyekini ye Pa no lhokeu kümtsü shou ani.

LESHELE 51:1

O Alhou, Ow iqemokeu kikimiye vecheo I kimiyekütü tsülo; Ow kikimiye kupukuno shi akeu vecheo I hekibideqo nuxave tsülo.

LESHELE 86:15

Ikemu O Ampeu, No ye kimiyekini eno küpükini Lhou, amloideni keu lo asheshi, iqemokeu kikimiye eno pükhükulu no chhitoi ke.

LESHELE 86:5

O Ampeu, No ye aloe eno akipimi qhitsü cheni, O ku chekemi kümtsü lau iqemokeu kikimiye piye cheni.

AHOLE 12:10

Akivimi ye paw pichepighi ghi küpü cheni ikemu kixikilamiw kimiyekini ye ayiküsae.

ISAIAH 47:6

Ni ye Iw timi shou amloideve; I no I mheghi shikitiqeve ke; I no panoqo pesü o u lo süvetsüe, nono pano kipimi qhitsü moe; nono kitemi mghachhoi peithae.

ISAIAH 55:7

Kixikilami pelo pa küxü ghola pheve pelo, eno achipi kumomi pelo pa kükümsü kilive pelo; pa pelo Ampeu lau ideighive pelo tishianguno Ampeu no pa shou kimiyekini apenike, eno ni Lhou lau ideighi pelo kughengu Pa ye akipimi qhivetsü nani.

JEREMIYA 39:17

Ikemu tipau tsala lo I no o xaphelu nani, ipi Ampeu no sheshu ani, o pesü nono msa akemi u lo süvetsü monani.

AKUMLO 3:22

AMPEUw iqemokeu kikimiye ye khilemu tave chemoe; Paw küpükini ye khilemu kishekhave chemoe;

DANIEL 9:9

Kikimiye eno akipimi qhikütsü ye Ampeu ni Lhouw ke, kughengu ningu no Pa hebideve

JONAH 4:2

Pa no Ampeu lau inikhu no pi, “O Ampeu, hi ye I no I ghakhu lo aphi lono pi akeuke kumo keshea? Tighenguno ni ye mtazü Tarshish lo pove niye shike; kughengu I no ithi ake No ye kimiyekini eno küpükini, amloideni keu lo asheshi eno iqemokeu kikimiye no chhitoi, eno amhekiqi lono süchileve chekeu Lhou ke.

MICAH 7:18

Amheghi shi ghüluve kemi kipimi qhitsüno axine juzüve chekeu Lhou O toike khuu ania? Pa ye pülhapuju amloide auve chemoe, kughengu Pa züküvü ye iqemokeu kikimiye lo acheni ke.

MICAH 7:19

Pa ye itaghi ningu lau küpüqhiyi keu anani; Pa no ni xine nedave tsü nani. Nono ni xine kümtsü azüghi kutho lo vesüve tsü nani.

ZEKHARIA 1:15

Eno Ni ye ililai akeqo shiye jupe shishe amloide ani; Ni ye kitila likhi amloide akemu panongu no ihulo ghimeve ake.

John 12:27

“Itehi I ngulho no kütakihi auvae. Ni ye kiu pini kea? ‘Apu, hipa tüqhüdo lono I xalulo’ ipini keo? Ikemu hipau kimji ghenguno ni ye aghime tüqhüdo hipau lo ighivae.

FILIPIAMI 1:23

Ni ye hi küma dolo I tsakibipe ani: hipa yeghi qhive no Ampeu gholo auve keu pavi keke tiuno I pulou shi ani;

SAMUEL ATUGHIU 13:6

Kughou Israelmi no panongu ye aküpüna lo ilove akepi ithi keno (kughengu aghümi no mkamihi ighive ke), timiqo no atuki, akuthoku, akighipe, akumoki, eno azü tughuko lo itshü khave,