SAMUEL AKINIU 24:10 - Sumi Naga CL (Re-edited) Bible (BSI)

¹⁰ Ikemu timi kikihi luve kethiu David lolo alokughuno kühave. Eno pa no Ampeu vilo pi, “I no kiu shive akeno ti ye axine kije shivae. Ikemu O Ampeu, itehi kimiyeno O qeu kipimi peve tsülo, kughengu I no ighono mbomzü shivae.”

BAIBEL (BSI)

¹⁰ Ikemu David ye timi lhoxu kihi tavekethiu, pa lolo alokughuno kuhave, tileno pano AMPEU vilo pi, “Ino hishi mlavekeu huno axine lhoksa kije mla kuquvae! Ikimiyeno ikipimi qhivetsulo. Niye aghuzu anikha kumla mlavae.”

SAMUEL AKINIU 24:10 Iomraidhean Croise

SAMUEL AKINIU 12:13

David no Nathan vilo pi, “Ampeu zülo I no axine shivae.” Nathan no pa vilo pi, “Ampeu no o xine peve tsüae; no ye thimo nani.

SAMUEL AKINIU 24:17

Kughou David no timi ghiqhi akeu kungumi ithulu keno, pa no Ampeu vilo pi, “Julo, I no axine shivae, eno I no küsakügha kümla shivae. Ikemu ambe hipaqo ye kiu shive kea? Kimiyeno O u I shou eno I laghami shou pukuve tsülo.”

KUKAMI ATUGHIU 8:35

“Ow timiqo no O zülo axine shive kehu atsütsü lakhave tsüno tsüghu move aye, eno panongu no axine lono ideighi no a-a hipau küdau juno inikhu no O je kulu aye,

YEKIKITHI ATUGHIU 21:7

Alhou no hipau jupe alokiqi kühave no Israel ghimeve.

YEKIKITHI ATUGHIU 21:8

David no Alhou vilo pi, “I no hipau shikeu lono axine kije shivae. Ikemu itehi ye kimiyeno O qeu kutokumo peve tsülo, kughengu ni ye ighono mbomzü kümla shivae.”

YEKIKITHI AKINIU 16:9

Khunono Ampeu lau tukutiye küha no acheni keno Pa ye akumtoshi tipaqo kuphuni ke ayeghiqha kümtsü thebei jukuto acheni. No ye hipau lo anikha shivae, tighenguno hinguno hilau no ye aghüshi cheniae.”

YEKIKITHI AKINIU 32:26

Ikemu Hezekiah ngo Jerusalem lo küami no pano qheküza lono xaide luve, tishikeu lono Hezekiah ghuloki loye Ampeu loghu panongu shou ikughi move.

JOB 7:21

No ye kushiye I kutokumo eno I kipimi qhive tsümla kea? Kughengu itehi ni ye ayeghi lo züuve niae, nono I phuche namu ni ye aghi moae.

LESHELE 32:5

I no I xine O lau pipheve eno I kipimi küsümoe; I no pi, “I kipimi Ampeu lau pipheni,” eno Nono I xine kipimi qhivetsü.

IPEKULU 10:16

Tileno Pharaoh no mtazü Moses ngo Aaron kuno pi, “Ampeu, nongu Lhou shou eno nongu shou I no axine shivae.

AHOLE 28:13

Axine peküsü chekemi ye aküxü lo ikoishe lumo nani, ikemu ti piphe no qhive aye kimiyeqhiyi keu ithulu nani.

HOSIYA 14:2

Atsa pesü Ampeu lau idewo eno Pa vilo pilo, “Axine kümtsü ikhive tsülo; kiu no alo keno ikhilu tsülo, eno ni kichi lono tushoqhi ketoi nino amshitsü pesü tsüni.

JOYIL 2:12

Ampeu no pi, “Itehi nomu nongu mlo tsüqhiyi shino kümvü keu, aküqa eno akumlo lono I lau xaide ighilo;

AKIKIHI 12:11

Pa no Moses vilo pi, “O, I mpeu, nino mbomzü shi axine shiveke ghenguno ni ghime kevilo.

Mark 7:22

alakimne, kixikila, pishikiqhi, ashi ghakiqipu, anhekushu, küthakügha, aqheküza, eno mbomzü.

John 1:29

Tishiwo thoghiu John no Jisü pa küdau cheghi keu ithulu püzü pi, “Alhouw Ambeti khuu ayeghiqha xine pevetsü keno, julo!

John 8:9

Ikemu kughou panongu no hipa tsa chilu keno panongu gholo kichimi no atüghü shino lakhikhi no wokhave, eno Jisü likhi atotiu no pa zülo puthughope aghive.

ZAKINIU 32:6

Nongu mbomzü eno akükümsü küha keqo, hitoi Ampeu lochileni keshea? Pa ye nongu Papu, Pulhoküsüu, nongu iqhikumto tsüke kumo?

Titus 3:3

Kughengu ghuthu lakhi lo ningu ampi ghi mbomzü, aghelumo kemi, pishikiqhimi, eno ashiaji lo kimne jeli qemi shiche, eno timi kiphikumo, anhekushu lono kütami kimthipu eno lakhi no lakhi mithi keu lono ningu do puwovae.

1 John 1:9

Ikemu ningu no ni xine pipheve aye, Pa ye pükhükulupu eno achipiu kehu ni xineqo qhivetsü no alhoksa kümla kümtsü launo ningu shikimthelu nani.

SAMUEL ATUGHIU 13:13

Samuel no Saul vilo pi, “No ye mbomzü kümla shivae. No ye Ampeu o Lhou no azah o tsükeu pemovae. Kughengu Ampeu ye alholo o kükaqha pesü Israel kümtsü shou iqhikumto tsüniye ake.

SAMUEL ATUGHIU 24:5

Ikemu pa no Saulw chijeboike phishe gholuve tsüke ghenguno pa ye amlo pünave.

SAMUEL ATUGHIU 24:6

Pa no paw timiqo vilo pi, “Pa ye Ampeuw nukikishe kepi ithi apülaghi I no I mpeu shou hitoi I u süqheni keu ye Ampeu msa nolae.”

SAMUEL ATUGHIU 26:21

Tile Saul no pi, “I no axine shivae. Ideighi lo, I nu David, ni ye o ghime moae, kughengu nono ishi I küxü akughupu shi kihitsüe. Julo, I no mbomzü shivae, eno akumou kümla kije shivae.”