SAMUEL AKINIU 23:4 - Sumi Naga CL (Re-edited) Bible (BSI)

⁴ panoqo shou pa no inaqhe küvü toi vüipeghi cheni, khüngküsü küküha inaqhe lo khetsünhe vüipeghi ketoi, tsütsüghu no atsüni mini ipeghi peke toi chenie.

BAIBEL (BSI)

⁴ Paye tsukinheno khungkusu kukuha inaqhe tsalalo phuphuyi ye aketoike, tsughu tave kethiu tsukinhe no atsaneghu qolo yebide pesu mlapui ithulu aketoike.

SAMUEL AKINIU 23:4 Iomraidhean Croise

LESHELE 110:3

O küka tsala lo ow timiqo no akimthe phimini pepusü lüthü kupulo lono pano küxü ikhiphe tsü nani, inaqhe tsüzü toi ow lhothemiqo no o lau ighi nani.

LESHELE 72:6

Pa pelo atsüni kümtsha lo tsütsüghu ghuqhi aketoi eno ayeghi shou ghuqhi aketoi pelo!

LESHELE 89:36

Pa tikughuko ye alholo ache nani khetsünhe ake tivilo pa kükalakhü ye I zülo anani.

AHOLE 4:18

Ikemu amikuchomi laghi ye tsükutho küvü ipeche ketoi, puchomghü shimoke kutolo vüqai eno vüqai kithe acheni.

ISAIAH 18:4

Kughengu Ampeu no I vilo pi: “Ghile ghuloki lo akimhi tsüzü toi, tsütsüni lo ghaqhi keu külü toi, I kungo-a lono I no asheshino jupiqi nani.”

ISAIAH 4:2

Tipa tsala lo Ampeu pishe-amzü ye jukivipu eno ajuküvüpu shi nani, eno ayeghi lo axathi ipeghi keu no Israelmi ghükulumi kijivile eno agigihupu shilu nani.

ISAIAH 60:1

Ithu no yepüvü lo, kughengu o küvü ye ighivae, eno Ampeu juküvü ye o shou yepüvü ani.

ISAIAH 60:3

Shiyeqo nongu küvü küdau ighi nani, eno nongu tsala kithe ipeche keu küdau kükami no ighi nani.

HOSIYA 6:3

Ningu pükapütsa no Ampeu ithini nolo; Pa ipeghini keu ye tsüküvü toi mtsüqhei ke; tsülü tusho tsütsüghu no ayeghi vapütsü keshi Pa no tsütsüghu toi ni lau ighi nani.”

HOSIYA 6:5

Tighenguno I no tungkupmi vecheo panoqo michevae; I kichi lo tsa pesü I no panoqo ghiqhivae, eno Iw küghakütha ye aküvü toi ipeghi nani.

MICAH 5:7

Tishino Jacobw ghükulumi ye Ampeu tsüzü toi, atsüni shou tsüghuqhi ketoi, ashiaye kutomo dolo anani ti ye timi ghenguno munuve chemo momu timi nuliqo ngokhe chemoe.

MALAKI 4:2

Ikemu nongu I je sümsa chekemi ghengu ye, achipiu mikucho no khetsünhe küvü toi shikipivi süghi nani. Amshitiqo no kakashi ilhe ketoi nongu no alovi nani.

John 1:7

Pa ye thopi shi aküvü ghili ashepe shiniye ighi, tishianguno kümtsü no pa vecheo pülülu peniye ke.

ZAKINIU 32:2

I kükütsü no tsütsüghu kighiji toi, I tsapi no atsüzü toi tsüghükhüi pelo, tsütsüghu kümtsha no atsüni kümtsha shou iku ketoi, eno tsütsüghu no ayeghi shou ghupuku ketoi pelo.

XAKUTHAMI 5:31

“Hitoi o ghümi kümtsü thive pelo, O Ampeu! Ikemu o küsami ye khetsünhe no ipeche ketoi vülu pelo.” Eno aghakhu ye ampe lhobidi alokughuno shi akulho qhilue.