SAMUEL AKINIU 22:31 - Sumi Naga CL (Re-edited) Bible (BSI)

³¹ Alhou hipau laghi ye kupukülai; Ampeu tsa ye kuchoue pi mtsüqheilu cheni; Pa ije chekemi lau Pa ye azüto ke.

BAIBEL (BSI)

³¹ Alhou hipau pa kumlaqoye kiutoi kupukulu kya! Pa tsaqoye kiutoi pukhube kulu kya! Khunono pa sukusho phucheni keno panongu kumtsu lau paye azuto lakhi toike.

SAMUEL AKINIU 22:31 Iomraidhean Croise

SAMUEL AKINIU 22:3

I Lhou, I tuqu, I no Pa launo sükusho luchenie, I züto, eno I xakulu kibo, I sükusho-a eno I küghütshü-a, I xakuluu; kütsakungo keu lono Nono I xalue.

NEHEMIA 9:8

Pa mlo no O shou pükhükulupu shikeu Nono ithulu kehu Canaanmi, Hittimi, Amorimi, Perizimi, Jebusimi, eno Girgashimi yeghi pesü pa lagha tsüniye pa sasü puloshoqhi shike. Eno Nono Ow pikiqhitsa papeke, kughengu No ye amikucho ke.

JOB 34:10

“Ikehu nongu amlokütsümi, I tsa inilo: Alhou no kixikila kümla shinie pikeu ye alatsae, eno Akughushuu ye khilemu küqüni chemoe.

LESHELE 119:140

O shoqhi puju-peju luvae, eno O qeu no tipau kimiye cheni.

LESHELE 12:6

Ayikiyiqibo lono ghükayi ghukimtheve ketoi Ampeu tsa ye tsüghükhüi, ghükayi ghuthu tsüni ghukimtheve ketoie.

LESHELE 145:17

Ampeu ye Pa laghi kümtsü lo amikucho eno Pa kümla kümtsü lo kimiyekini ke.

LESHELE 18:30

Alhou hipau—Pa laghi ye kupukülai; Ampeu tsa ye kuchou kepi kiqiphe lue; khunono Pa launo sükusho lucheni keno Pa ye tipano züto ke.

LESHELE 2:7

I no xaküthaza pini: Ampeu no I vilo pi, “No ye I Nu; ishi tsala lono I no o pu shivae.

LESHELE 35:2

Azüto eno aghünanu ikhilu lo eno kuphu kepushi ithughi lo!

LESHELE 84:9

O züto julo, O Alhou; Nono nukishe luve keu gi lo jupuku tsülo!

LESHELE 91:4

Pa no Pa chishibo pesü o nhaluve nani; eno no ye Pa chishibo qholono sükusho ithulu nani; Paw pükhükulu ye azüto eno süshoyi ke.

AHOLE 30:5

Alhou tsa ye kümtsü achipi kepi phuphelu cheni; Pa sükusho phuighi kemi kümtsü lau Pa ye azüto lakhike.

YETSAPIU 3:14

I no ithi anike Alhou no mlakeu kümtsü alholo ache nani; tipau lo kiumu süküpha mla, momu kiumu ikhive mlae. Alhou no hi shitsü keu ye timi pelo Pa zülo ighüqhiyi apeniye ke.

DANIEL 4:34

Ado ashekha shive kethiu, ni, Nebuchadnezzar no atsütsü lo I nhethi tsüpuku, eno I kükümsü ye I lau idechile ighive, I no Shishe Akiqheu, khuu pülhapuju xü acheni keno, Pa sheqhe eno agigihu tsü, kughengu Pa yekipeqha ye pülhapuju yekipeqha ke, eno Pa kükaqha ye tiqheli no tiqheli kutolo acheni;

DANIEL 4:37

Itehi ni, Nebuchadnezzar no kungugha Kükau sheqhe eno agigihu tsü ani, kughengu Pa kümla kümtsü kuchou eno Pa laghi ye achipi; khunono no aqheküza lono checheni keno Pa no kuchunive cheni.

MATTHEW 5:48

Tighenguno kungugha lo nongu Papu no kupukülai ketoi nongu ghi kupukülai masae.

ZAKINIU 32:4

“Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.

Piyeküsü 15:3

Panongu no Alhou qeu Moses ngo Ambeti shikipili le ishi phe, “O kümla ye kije eno akümzapue, O Ampeu Alhou Akughushuu! O laghi ye achipi eno kuchoue, O shiyeqo shou Akükau!