SAMUEL AKINIU 21:7 - Sumi Naga CL (Re-edited) Bible (BSI)

⁷ Ikemu akükau no Jonathan nu, Saul tilimi Mephibosheth ye püxüve, kughengu ti ye David ngo Saul nu Jonathan pama dolo ashoqhi akeu ghenguno ke.

BAIBEL (BSI)

⁷ Ikemu Jonathan pama dolo akimthe shoqhi shipe puakeu ghenguno David no Jonathan nu Mefiboshet, khuu Saul tilinu keno tipauye puxuluvetsu.

SAMUEL AKINIU 21:7 Iomraidhean Croise

SAMUEL AKINIU 16:4

Tile akükau no Ziba vilo pi, “Julo, Mephibosheth no kiu ani keno kümtsü itehi ye ow shivae.” Ziba no pi, “I no agigihu tsü ani; I pelo o nhethe lo kikimiye ithulu pelo, I mpeu akükau.”

SAMUEL AKINIU 19:25

Kughou pa no akükau sholu niye Jerusalem lo ighi keno, akükau no pa vilo pi, “No ye kushiye I gholo wumo kea, Mephibosheth?”

SAMUEL AKINIU 4:4

Saul nu Jonathan ye anu lakhi apukhu kinitave keu ache. Jezreel lono Saul ngo Jonathan pama sütsa ighikeu chiluke ghuloki lo pa ye ampe pungu shia, eno pa tuchomjo chekeu no pa saluve no pove, eno li no mighimghai pocheke lono, pa ye veqhive eno aphiau kinitave. Pa je Mephibosheth ke.

SAMUEL AKINIU 9:1

David no pi, “I no Jonathan ghenguno kikimiye pephe tsünike Saul lagha lo khuana itaghi ani kema?”

SAMUEL AKINIU 9:10

No, o nuli eno o qemiqo ye pa ghenguno alu chilo eno ghile lupusü ighilo, tishiaye o mpeu tilimi no asho chulu kepu anani. Ikemu Mephibosheth o mpeu tilimi ye alhokuthu I ghulhu lüpa lo chu nani.” Ziba ye anuli chighipungu eno aqemi muku ache.

SAMUEL AKINIU 9:6

Saul tilimi, Jonathan nu Mephibosheth no pa lau ighi no pa gi pishiqho luve no agigihu tsü. David no pi, “Mephibosheth!” Pa no khochile, “Julo, ni ye o qeuke.”

SAMUEL AKINIU 9:7

David no pi, “Msa kevilo, kughengu o pu Jonathan ghenguno I no kikimiye o piyeni, eno I no o sü Saul yeghi kümtsü o tsüchileveni, no ye alhokuthu I ghulhu lüpa lono chuni.”

YETSAPIU 8:2

I no piani; Akükau zakütsü papelo, kughengu Alhou no pa lau ashoqhi shipüani ke.

SAMUEL ATUGHIU 18:3

Jonathan no David sasü puloshoqhi shi, kughengu pa no pa ampi kimiye aketoi David kimiyeve.

SAMUEL ATUGHIU 20:12

Jonathan no David vilo pi, “Ampeu, Israel Lhou no thopie! Thoghiu momu aghiniu hipa ghuloki lo, I no I pu vilo pi kelo, pa no David lau akivi kümsü aghi aye, ni ye o vilo pi puwu moni keshea?

SAMUEL ATUGHIU 20:15

eno kughou Ampeu no David ghümiqo ayeghi lono ikhiveni keno, I kibolomi launo pülhapuju ow iqemokeu kikimiye ikhive tsü kevilo.”

SAMUEL ATUGHIU 20:17

Jonathan no David kimiye kehu itaghi pa pelo tushoqhipe, kughengu pa no pa ampi toi David kimiye ke.

SAMUEL ATUGHIU 20:42

Tileno Jonathan no David vilo pi, “Aloino wolo, kughengu nikujo no Ampeu je lono tushoqhi püani, ‘Ampeu no nikujo eno nikujo tikughuko gholo pülhapuju apeniu.’” Tishino David ye wuve eno Jonathan ghi mishighüna lo idewove.

SAMUEL ATUGHIU 20:8

Tighenguno, o qeu kimiyeqhiyi tsülo, kughengu nono o qeu sasü Ampeuw puloshoqhi shivae. Ikemu tsala I no pimi aghi aye, nou no I heqhive lo, kughengu kushiye I küghape o pu tsüveni kea?”

SAMUEL ATUGHIU 23:18

Pama no Ampeu zülo puloshoqhi shi. Eno David ye Horesh lo ngove no Jonathan no aki lo wove.

SAMUEL ATUGHIU 24:22

David no Saul lau ashoqhi hipau shive. Tithiu Saul ye aki lo wove, ikemu David ngo paw timiqo ye sükusho-a lo iqhove.