SAMUEL AKINIU 21:1 - Sumi Naga CL (Re-edited) Bible (BSI)

¹ David ghuloki lo ampe küthü ishokibe püqümiye ighive kehu pa no Ampeu phuighi. Ampeu no pi, “Aji pelekeu kipimi Saul eno pa kibo shou ani, kughengu pa no Gibeonmi pithive ke.”

BAIBEL (BSI)

¹ David no kaluve kethiu ampe kuthu ishokibe ighono puqumiyeve. Tighenguno David no tipau vehu AMPEU vilo iniju eno AMPEU no pi. “Saul ngo pa laghaqoye hekiqhi kumla shipe pu ani; pano Gibeon lo kuami pithikhave.”

SAMUEL AKINIU 21:1 Iomraidhean Croise

BOTHUBO 12:10

Tipa ghuloki lo püqümiye ayeghi lo ighive. Ikehu Abram ye Egypt lo iqive, kughengu püqümiye ye shishe kije shive.

BOTHUBO 26:1

Azüu Abraham ghuloki lo püqümiye ighi keu nguno alau, itaghi püqümiye lakhi ayeghi lo ighi. Ikehu Isaac no Gerar lo Philistiami kükau Abimelek lau wu.

BOTHUBO 41:57

Tinguno alau, ayeghiqha kümtsü no Egypt lo Joseph lau athi qhüniye ighie, kughengu püqümiye ye ayeghiqha kümtsü lo shishe kije shiveke.

BOTHUBO 42:5

Ikehu kütami athi qhüniye wukemi gholono Israel nuliqo ye wuve, kughengu Canaan yeghi lo püqümiye ake.

BOTHUBO 43:1

Tipa ghuloki lo püqümiye aghakhu lo ihulove.

SAMUEL AKINIU 16:8

Saul, khuu-a lo nono ayepe ani keno, pa kibolomi kümtsü shou nono aji pele kehu Ampeu no o shou amkhü luvae, eno Ampeu no kükaqha pesü o nu Absalom u lo süve tsüae, julo, küsakügha ye o shou ani, kughengu no ye aji küxü timi lakhi ke.”

SAMUEL AKINIU 20:26

eno Jairmi Ira ghi Davidw achineu shive.

SAMUEL AKINIU 21:5

Panongu no akükau vilo pi, “Khuu no ningu kütsave niye kughu eno Israel yeghi kupuju lo ningu-a qhitsü moniye shikeno,

SAMUEL AKINIU 24:1

Itaghi Israel shou Ampeu loghu ye iqü ipeghi, Pa no David xukutho no pi, “Wulo, Israel ngo Judah kihiju lo.”

SAMUEL AKINIU 5:19

David no Ampeu vilo ighiju, “Ni ye Philistiami mjochile nike iqho kepu kemo kea? No ye I u lo panoqo phesü tsüni kema?” Ampeu no David vilo pi, “Iqholo, kughengu I no mtsümishei o u lo Philistiami phesüve tsüni.”

SAMUEL AKINIU 5:23

Kughou David no Ampeu vilo ighiju keno, Pa no pi, “No ye iqho kevino panongu thiu no homxa wulo, eno Balsam süboqo ghüngü lono panongu lelo.

KUKAMI ATUGHIU 17:1

Gilead lo Tishbemi Elijah no Ahab vilo pi, “Ampeu Israel Lhou xüküau, I no huthu chekeu je lono pi ani, I tsa lono kumo aye, hithiu ampe hami dolo atsüzü na tsütsüghu namu ighimoae.”

KUKAMI ATUGHIU 18:2

Elijah no Ahab zülo wu. Tipa ghuloki lo Samaria lo ighono püqümiye ae.

KUKAMI AKINIU 6:25

Panongu no khasü luve kehu Samaria lo püqümiye kije ighive, eno khurha kütsü lakhi lo ghükayi 80, amiqhi ba yetsüni tushoqü lakhi lo ghükayi 5 lono jeuve.

KUKAMI AKINIU 8:1

Elisha no aza khuu nu xüputhu tsü keno, li vilo pa no pi, “Ithulo, eno kibolomi sasü khile khilemu ado hami ghenguno ngo kepushi wuve lo, kughengu Ampeu no hipa ghakhu lo ampe tsüni püqümiye puwuni cheni.”

JOB 10:2

I no Alhou vilo pini, Akipimi I tsü kevilo; kushiye I nguku ani keno I pelo ithi pelo.

LESHELE 27:8

Nono pi, “I phuighi lo.” I mlo no O vilo piani, “I no O phuighi ani, Ampeu.”

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

ACHINE 26:26

No chuqupu laghi I no hekhave tsü kelo, totimi chighi no amiphoki lakhi lono asho shino aphiphi shi kije nani, nongu no tipau chukhave namu müzüthi nani.

AKIKIHI 27:21

Pa no achineu Eleazar zülo puthughoni, achineu no pa ghenguno Urim xakütha vecheo Ampeu vilo inijuni, eno achineu tsa vecheo pa eno aqoaho kümtsü no kuhu-kuwo shini.”

JOSHUA 7:1

Ikemu Israelmi ye thime kiumu lu kevilo pikeu yezah hebideve kughengu Judah shiaye lo, Zerah nu, Zabdi nu, Carmi nu, Achan no Ampeu no kütsave penike pephe tsükeu lono thime hami luve. Tino Ampeu no Israelmi shou Pa loghu pukuve.

JOSHUA 9:20

Ningu shoqhi ghenguno panongu pelo xüape masae, tishimo aye, ningu shou müghamo keu ikughi nosae.”

RUTH 1:1

Xaküthami no ayepe cheke ghuloki lo aghakhu lo püqümiye lakhi ighi, eno Judah lo Bethlehemmi lakhi ye Moab ghakhu lo pa nipu eno pa nu kini sasü wuve.

SAMUEL ATUGHIU 10:22

Tighenguno panongu no itaghi Ampeu vilo iniju, “Timi lakhi ighini aphi keshea?” Ampeu no pi, “Julo, pa ye anhemgha dolo itshü ani.”

SAMUEL ATUGHIU 23:11

Ikehu Keilah lo timiqo ye I küghape pa u lo süvetsü nani keshea? O qeu no chilu aketoi Saul ye ighi nani keshea? O Ampeu, Israel Lhou, kimiyeno o qeu vilo pi tsülo.” Ampeu no pi, “Pa ye ighi nani.”

SAMUEL ATUGHIU 23:2

Tighenguno David no Ampeu ighiju, “I no wuno Philistiami hipaqo leni keshea?” Ampeu no David vilo pi, “Wuno Philistiami lelo eno Keilah xalulo.”

SAMUEL ATUGHIU 23:4

David no itaghi Ampeu ighiju. Ampeu no khochile, “Ithu no Keilah lo wulo, kughengu I no Philistiami o u lo süvetsü nani.”