SAMUEL AKINIU 20:6 - Sumi Naga CL (Re-edited) Bible (BSI)

⁶ David no Abishai vilo pi, “Bikhri nu Sheba ye Absalom nguno alau ningu ghüza niye ani. O mpeu qemiqo sasü pa hawulo, tikumo aye pa ye aliwo akeu phughi lo ilove no ningu launo pokave nosae.”

BAIBEL (BSI)

⁶ Tighenguno akukauno Abishai vilo pi, “Absalom nguno alau akukupunaye Sheba no ningu tsuni chenie. Tighenguno iwu timiqo kuno pa hawulo, tishimlave aye pano putukha puakeu aphughi pukhalu veno ningu launo pokave nani.”

SAMUEL AKINIU 20:6 Iomraidhean Croise

SAMUEL AKINIU 10:14

Kughou Syriami no pocheghi keu Ammonmi no ithulu keno, panongu ghi Abishai zülono posü mishighüna lo ilove. Tithiu Joab no Ammonmi ghüshi lono idesü Jerusalem lo ighive.

SAMUEL AKINIU 11:11

Uriah no David vilo pi, “Puloshoqhi bohu eno Israel ngo Judah no aphiki lo ani, eno I mpeu Joab ngo I mpeu qemi ghi aghüshiqa lo aghazü shi ani. Ikeghi ni ye chusho eno I nipu sasü züniye I kilo wuni keshea? No eno o ngulho hi xü anike ni ye hi shimo nani.”

SAMUEL AKINIU 18:12

Ikemu timi huno Joab vilo pi, “I u lo ghükayi ahu qhethonhe lakhi iloghi namu, ni ye akükau nu shou I u bemo nani, kughengu ningu no chilu ghi akükau no Abishai ngo Ittai azah tsüe, ‘I je lono apumi Absalom süsho tsülo.’

SAMUEL AKINIU 18:2

David no ghüshimi saje küthü lo lakhi no Joab zakütsü qholo, lakhi no Zeruiah nu Abishai, eno lakhi no Gathmi Ittai zakütsü qholono puwuve. Eno akükau no timiqo vilo pi, “Ni ghi nongu gholo wuni.”

SAMUEL AKINIU 19:7

Tighenguno itehi ithulo, khalau ipe o qemi kimiyeqhiyi pütsa lo, kughengu I no Ampeu zülono tushoqhi anike nono ipe move aye itiji milakhi mu o gholo ngo move nani, eno hi ye o lhothe ghuloki lono itehi kutolo küsakügha o lau ighikeu kümtsü nguno alhoksau shive nani.”

SAMUEL AKINIU 2:18

Zeruiah nu pano küthü, Joab, Abishai eno Asahel ye tile ae. Asahel ye aghalo anetsü pukhu toi mthüe.

SAMUEL AKINIU 21:17

Ikemu Zeruiah nu Abishai no Philistiami mjothuve no pa heqhive püzü David xaluve. Tithiu Davidw timiqo no ashoqhi shive, “No ye khilemu ningu gholo aghüshi lo wumoae, tikumo aye nono Israel kulu pinheve nosae.”

SAMUEL AKINIU 23:18

Zeruiah nu Joab thiküzüu Abishai no shighi shou atou. Pa no angupa pesü timi 300 sasü küpüghü no panoqo ghiqhive, eno pano küthü gholo pa ghi aje shike.

SAMUEL AKINIU 3:30

Joab ngo pa thiküzüu Abishai pama no hitoi Abner pithive, kughengu pa no pama thiküzüu Asahel Gibeon ghüshi lono pithive tsüke.

SAMUEL AKINIU 3:39

Eno akükau lakhi shi nukishe püaghimu ishi tsala lo ni ye aghüthi süvae. Zeruiah nuli, timi hipaqo ye I nguno alau mkamihi ke. Ampeu no küsakügha kümlami lau paw küsakügha kiqi lono tsüchile peniu!”

KUKAMI ATUGHIU 1:33

Akükau no panongu vilo pi, “I nu Solomon pelo Iw khurgha shou iqa no I qemi nongu gholo sasü Gihon lo wulo.

YEKIKITHI ATUGHIU 11:20

Joab thiküzüu Abishai ye akighichemi shighi gholo atou ke, pa no pa ngu pesü timi 300 sasü küpüghü no qhoi pithi khave. Akighichemi küthü nguno alau pa ghi ajekipi shilue.

YEKIKITHI ATUGHIU 18:12

Zeruiah nu Abishai no Amti Khila lono Edommi qhethonhe chighitache ghiqhive tsü,

JEREMIYA 8:14

Kushiye ningu ye iqa aphia? Kumqo lo, ningu aliwo kumto phughiqo ilo no tileno thiveni, kughengu Ampeu ni Alhou no ni pühaveni ke kughuvae, eno tüghü zü pesü ningu piyeni ke tsüvae, kughengu ningu no Ampeu lau axine shiveke.

Mark 3:24

Kükaqha lakhi dolono laumi shi kijethave aye, kükaqha tipau ye puthugho lumoae.

SAMUEL ATUGHIU 26:6

David no Hittimi Ahimelek ngo Zeruiah nu Joab thiküzüu Abishai pama vilo pi, “Khuu no I gholo Saul ghazü lo iqini kea?” Abishai no pi, “I no o gholo iqini.”