SAMUEL AKINIU 20:19 - Sumi Naga CL (Re-edited) Bible (BSI)

¹⁹ Israel lo iqüghai eno pükhükulu gholo nighi lakhi ke. Israel lo aza lakhi shi ache keu mishighüna nono kütsaveni ye phucheni. Kushiye no ye Ampeu mheghi shipühave tsüniye ani kea?”

BAIBEL (BSI)

¹⁹ Ningu phughi hipauye ighono kije lakhi. Israil ghakhulo alokughunoshi iqu ighai eno aghokulu qholo achekeuke. Tighenguno nonguye kushiye hipau shipsave tsuniye anikya? Nonguye AMPEU wu kiukeno tighi shipsa hexavetsuniye anikya?”

SAMUEL AKINIU 20:19 Iomraidhean Croise

BOTHUBO 18:23

Abraham no kupunu ighi no pi, “No ye mtsüqheino kixikilami gholono amikuchomi joleveni keshea?

SAMUEL AKINIU 14:16

Kughengu akükau no chilu tsüno Alhou mheghi lono ni eno I nu kütsaveni ye akeqo u lono pa qeliu xaphetsü nani ke.’

SAMUEL AKINIU 17:16

Tighenguno itehi mtazü David vilo pi puwu lo, ‘Itiji yenguyike-a lo ngo kevilo, ikemu kiukiu shimu mtazü kathasü wuvelo, tikumo aye akükau eno pa gholo akemi kümtsü kütsave nosae.’”

SAMUEL AKINIU 20:18

Li no pi, “Wovekeu lo panongu no ishi piche, ‘Abel lo likhino xakütha khuwulo,’ tishino aküpüna xathache.

SAMUEL AKINIU 20:20

Joab no khochile, “Ni ye khilemu pühave tsü momu kütsave tsüniye amoe!

SAMUEL AKINIU 21:3

David no Gibeonmi vilo pi, “Ni ye nongu ghenguno kiu shitsüni kea? Nongu pelo Ampeu mheghi kümghatsü penike ni ye kishi nongu lochileni kea?”

KUKAMI ATUGHIU 8:53

Kughengu Nono ayeghi lo ashiaye kümtsü gholono Ow timi shinike panongu kishelue, ti ye Nono O qeu Moses vecheo Egypt lono ni puasüqo saipeghi kelono pi püanie, O Ampeu Alhou.”

LESHELE 106:5

tishianguno Ow kishekiphemi no nibonilei lukeu I no ithulu nani, Ow shiye no alovi keu lo ni ghi aloqilu nani, O mheghi gholo I no akijivilelu nani.

LESHELE 124:3

kughou panongu no pano loghu ni shou küiqü puku keno ningu ye aküxü no munoqhive aghini cheke,

LESHELE 33:12

Khuno shiye Lhou no Ampeu keno alokivipue, Pa no khuno pesü Pa mheghi shi kisheve akeno alokivipue!

LESHELE 78:71

ambequ ati pape cheke lono Pa no pa pelo Jacob, Paw timi, Israel, Pa mheghi khekuto peniye saghike.

JEREMIYA 51:34

“Nebuchadnezzar Babylon kükau no I tsüchuvae; pa no I chunudaqhi; I pesü azühu kümsa akeu toive tsü; eno aghawu toi ni munove; pa no I chuqupu kivi pesü pa po sünhei luve no I puquleve.

JEREMIYA 51:44

I no Babylon lhou Bel ghime nani, pa no munove keu ikhipheve tsü nani. Shiyeqo ye pa lau wumoae; Babylon liwo ye ikiqivae.

AKUMLO 2:16

O ghümi kümtsü no kujojo o mjochile ani; panongu no cheqhi, ahu tsüghü eno ighamku: “Nino li munovae! Ah, nino kheche keu tsala ye hike; itehi ye niw shivae; nino ithuluvae!”

AKUMLO 2:2

Ampeu no küpükini kühano Jacob kungoa kümtsü kütsavae; Pa no Judah sükusho-aqo Pa loghu lono kubove tsüae; kükaqha eno tile yepemi Pa no akukujopu shi ayeghi lo sünhe saiqighivae.

AKUMLO 2:5

Ampeu ye aghümi toivae; Pa no Israel munovae; tile kükaki kümtsü munovae; sükusho-aqo kütsaleve tsüae, eno Pa no Judah nga mloküsa ngo akumlo küghüsüve tsüae.

AKIKIHI 16:32

Eno ayeghi mpakho keu lono Korah ngo pa gholo kichemi ngo tinhemgha kümtsü munosüve.

AKIKIHI 26:10

eno ayeghi no mpakhope Korah gholono panongu munove no ami no pano 250 pitive kemi ke, panongu pesü kütami ghutu keu shive.

1 Kor. 15:54

Kughou tsümave kepu phimpi no tsümamoni keu pepuve, eno thiveni keu phimpi no thimoni keu pepuveni keno, tileno ishi yepüakeu kipitsa shikupu nani: “Tokulu no akithi munovae.”

2 Kor. 5:4

Kughengu nino hipa phiki lo ake thaqhü loye amakho xapu igha acheni—ti ye ayeghi lo phimpi pheve nishi kelauno kumoe, ikemu kungughalo phimpi alau pepunishi kelauno ke, tishikeu lono akithipu huye aküxüpu no munove peniye ke.

ZAKINIU 20:10

“Kughou nongu no mishighüna lenike kupunu ighini keno, külakishi bekütha tsüju paghi lo.

ZAKINIU 32:9

Ikemu Ampeu saje ye Paw timiqo ke, Jacob no Pa mheghi saje shilue.

1 Tim. 2:2

kükami ngo akuchuqu lakhü lo akemi ghenguno inikhu tsülo, tishikeu lono ningu ye alaghi thokha lo iqünhei eno alokughuno, Alhou sükümsa eno gihuküzüpu küxü xülu nani.

XAKUTHAMI 5:7

I no ighi moke kutolo aphulomi kühave; ni, Deborah no Israel lo aza shi ipeghie.

SAMUEL ATUGHIU 10:1

Tithiu Samuel no thazü bohu ikhiphepe Saul kütsü lo lepuku no pa müma eno pi, “Ampeu no Paw timi Israelmi shou yepeu shi penike o nukisheve ake kumo keshea? Nono Ampeuw timiqo shou ayepe nani eno aghümi pano homxape akemi launo panongu xalu nani. Ampeu no o pelo Pa mheghi shou sakipheu shi penike o nukishe keu michipu hino shinani.

SAMUEL ATUGHIU 26:19

Tighenguno itehi I mpeu akükau no o qeu tsa inilo. Tsala Ampeu no o xukuthope I küla aghi aye, akümllagho Pa tsüve lo, ikemu timi no shi aghi aye, pa ye Ampeu zülo angusü shipeni. Kughengu panongu no Ampeu mheghi yeghi lo I saje kühave peniye ishi tsala lono I haphe no ishi piani, ‘Wuno kütami lhou qelo.’