SAMUEL AKINIU 20:15 - Sumi Naga CL (Re-edited) Bible (BSI)

¹⁵ Joab gholo kichemi no ighi no Beth-maacah lo Abel lono pa süho luve. Panongu no aphughi leniye aqo ghepuku, aghukhe-a tile shiqhe, eno aliwo tulaqhive tsüniye hepho ae.

BAIBEL (BSI)

¹⁵ Joab wu timiqono Sheba ye tile akeu ithuluveno panonguno aphughi tipau khasuluveniye homxa pesu ngoluve. Panonguno khalacheu kuptu ihjeghi ayeghi pesu shonhaghi shithuve eno akuptu tipa qhouno chhuthaniye ayeghi chhuthuve tishikeu lono akuptu ilaqighive peniye shike.

SAMUEL AKINIU 20:15 Iomraidhean Croise

SAMUEL AKINIU 20:14

Sheba no Israel shiaye kümtsü kathasü Beth-maacah lo Abel lo ighi, eno Bikhrimi kümtsü no hekumqo no pa pape ighi.

KUKAMI ATUGHIU 15:20

Ben-hadad no ti chilu no paw ghüshimi zatsümi pesü Israel phughi hipaqo levepe, Ijon, Dan, Abel-beth-maacah, eno Chinneroth gholo Naphtali yeghi kümtsü.

KUKAMI AKINIU 15:29

Israel kükau Pekah ghuloki lono Assyria kükau Tiglath-pileser no ighi no Ijon, Abel-beth-maacah, Janoah, Kedesh, Hazor, Gilead, Galilee, Naphtali yeghi kümtsü leluve tsü, eno timiqo kughu sasü Assyria lo wuve.

KUKAMI AKINIU 19:32

“Tighenguno Ampeu no Assyria kükau ghenguno piani: Pa ye mishighüna hipau lo iloghimo nani, apiji tile vesümo nani, azüto pesü ighimo nani, momu hipau lenike aqoghe shiqhemo nani.

YETSAPIU 9:14

Mishighüna lakhi lo timi aghulo ache, kükami kumto lakhi no tipau leighi no aqoghe ghepuku püzü khasü luve.

ISAIAH 37:33

“Assyria kükau vehulo Ampeu no ishi piani: Pa ye aphughi hipau lo iloghimo nani, apiji mu kapulomo, azüto pesü kupunu ighimo, momu khasü nike aqoghe shiqhemo nani.

JEREMIYA 32:24

Julo, mishighüna leniye amoqhe pukuvae. Azütakikihi, püqümiye, eno püsa ghenguno mishighüna ye leighi akemi Chaldeami u lo süve tsüae. Nono kiu pi keno shikupu ani, eno Nono ti ithulu ani.

JEREMIYA 33:4

Kughengu mishighüna lo aki eno Judah kükami ki kütsave keqo pesü leighi kemi no amoqhe puku akeu eno pano zütakikihi lono sükusho luniye akeu ghenguno Israel Lhou, Ampeu no ishi piani:

JEREMIYA 6:6

Kughengu aqokitikhi MPEU no ishi piani: “Jerusalem khasüni ke asüboqo yeqhi no li homxa amoqhe pukulo. Mishighüna hipau ghime masae; li lolo timi qhasü keu nguno alau kütau kiumu kühae.

EZEKEL 4:2

Tipau leluveni keu kümla shilo, atupi yepuku lo, eno ayeghi pekumqope qhilo. Tipau bothape aphiki shilo, ti shopho ilo kepu sübolu pesü vehomxa qhilo.

Luke 19:43

Kughengu o ghümi no o bothape aliwo shive no o khasüpe no ako kümtsü lono le iloghini keu tsala ighi nani.