SAMUEL AKINIU 20:1 - Sumi Naga CL (Re-edited) Bible (BSI)

¹ Tipa ghuloki lo ameküküha timi lakhi ache, pa je ye Sheba, Bikhri nu, Benjaminmi. Pa no afuko küigha no pi, “Ningu ye David gholo asaje kühae, eno Jesse nu gholo amheghi kühae; kümtsü no aki lo wovelo, O Israel!”

BAIBEL (BSI)

¹ Tishi ake lono ighono aghili suqe avehu kuha mithe kemi Gilgal lono ighikeu Bikri nu Sheba, Benjamin lagha lono iko ighikeuno tipa alo aghi. Pano afukolo ighasuno pi, “David ikhi qhivelo! Ninguye pa papemoe! Israilmiqo, ningu akilo woveni kholo!”

SAMUEL AKINIU 20:1 Iomraidhean Croise

BOTHUBO 46:21

Benjamin nuli: Bela, Bekher, Ashbel, Gera, Naaman, Ehi, Rosh, Muppim, Huppim, eno Ard.

SAMUEL AKINIU 15:10

Ikemu Absalom no Israel lo ashiaye kümtsü lau tuqhou tsapemi puwu no pi, “Nongu no afuko ghügha chilu kemtsa pilo, ‘Absalom no Hebron lo akükaue!’”

SAMUEL AKINIU 16:11

David no Abishai eno pa qemi kümtsü vilo pi, “Julo, I nu thotsü I küxü phucheni aye itehi Benjaminmi hipau ye tinguno alau shinani thono! Pa lokutove lo, pa pelo ghusho apelo, kughengu Ampeu no pa vilo tishilo pike.

SAMUEL AKINIU 16:7

Shimei no David ghushoqhi pi, “Ipevelo, ipevelo, no aji küxü, ameküküha timi!

SAMUEL AKINIU 18:17

Panongu no Absalom kumo pesü aghasa lo akuthoku kije lakhi lo vesüve no tipa shou atu qhemghai ghepukuve. Eno Israelmi kümtsü pütüta kilo wove.

SAMUEL AKINIU 20:2

Ikehu Israelmi kümtsü no David qhive no Bikhri nu Sheba pape wuve. Ikemu Judahmi ye Jordan lono Jerusalem kutolo akumtoshi panongu kükau pape wuve.

SAMUEL AKINIU 20:22

Tishino topumi huno li lokütsü lono timi kümtsü lau wu. Panongu no Bikhri nu Sheba kütsü michepe Joab lau vepiqi tsü. Ikehu Joab no afuko küigha no mishighüna lono apanagha kümtsü pütüta kilo wove. Joab ghi Jerusalem lo akükau lau idewove.

SAMUEL AKINIU 23:6

Ikemu amekükühami ye kümtsü asahu peveke toi nani, khunomu au kümsa no bumlae;

KUKAMI ATUGHIU 12:16

Kughou akükau no Israelmi kümtsü tsa initsü move keu ithive keno, panongu no pa khochile, “David launo ni saje kiu ani kea? Ningu ye Jesse nu launo amheghi kiumu kühae. O Israel, pütüta pusho lo wovelo! David, o lagha julo.” Ikehu Israelmi no pütüta pusho lo wove.

KUKAMI ATUGHIU 21:10

Eno küsaküghami kini pesü pa zülo küghüqa no pama pelo pa nguku pelo, ‘No ye Alhou ngo akükau ghushovae.’ Tishino pa sasü aphughi khalau ipe no atu pesü veqhive lo.”

YEKIKITHI AKINIU 10:16

Kughou Israelmi kümtsü no akükau no panongu tsa initsü move keu ithive keno, panongu no akükau khochile, “David launo ni saje kiu ani kea? Ningu ye Jesse nu launo amheghi kiumu kühae. O Israel, pütüta pusho lo idewove lo! O David, o kibo julo.” Tishino Israelmi ye pütüta pusho lo wove.

YEKIKITHI AKINIU 10:6

Akükau Rehoboam no papu Solomon qholo mlache kemi layemi sasü küsütsa ju, “Timi hipaqo khochile nike nongu ye kiu kükümsü I tsüni kea?”

LESHELE 17:13

Ithulo, O Ampeu! pa mjochile lo, pa qhasüve lo! O zütakikihi pesü kixikilami launo I ngulho xaphe tsülo,

LESHELE 34:19

Amikuchomi ghime kitikhi ye kutomoe, ikemu Ampeu no ti kümtsü lono pa xaphelu cheni.

AHOLE 25:8

paikhavi no küghakütha-a lo süghi kevilo kughengu thopimi kütami no ighi no o shikujove aye no ye ashekha lo kishive nani kea?

AHOLE 26:21

Amiyi no amibalu chuchighei eno asü no ami küiqü ketoi mtomshu chekemi no kuqhumo keu küiqü cheni.

Mark 3:24

Kükaqha lakhi dolono laumi shi kijethave aye, kükaqha tipau ye puthugho lumoae.

Luke 19:14

Ikemu pa ghakhumi no pa mithi chekehu aghinimi khami pa thiu no puwu no atsape ishi tsü, ‘Ningu ye timi hipau pelo ni shou ayepe penishi amoe.’

Luke 19:27

Eno I ghümi ghengu ye, khunono I pelo pano yepeu shipenishi mono akeno, hile saghi no I zülono ghiqhivelo.’”

John 13:8

Peter no pa vilo pi, “No ye khilemu I pukhu qhumo nani.” Jisü no pa khochile, “I no o pukhu qhutsümo aye, no ye I gholo kuloji amoe.”

XAKUTHAMI 19:22

Panongu no chushove no alokughuno shi akelo aphughi lo timi lhoksami ighi no aki sühope ngoluve no ahukikha lo hepuku thuve. Eno panongu no velami vilo pi, “Timi khuu o kilo ighi keno, pa sasü ipeghi lo, ningu no pa ithinie.”

XAKUTHAMI 3:27

Kughou pa no Ephraim ghakhu toghi tolu keno afuko ighape Israelmi kütüghü. Tileno Israelmi no ato ghakhu lono pa gholo iqi, eno pa no panoqo sakipheu shive.

RUTH 2:3

Ikehu li no wuve eno ghile kuhumi papesü alu lo ghile huae, ikelo li ye Boaz, khuu Elimelech laghami keno pa luza qhalo ighilu.

SAMUEL ATUGHIU 13:2

Saul no Israelmi 3,000 kishephe. 2,000 no Michmash eno Bethel ato yeghi lo Saul gholo ngoa, eno 1,000 no Benjamin yeghi Gibeah lo Jonathan gholo ae. Pa no timi kütami kümtsü pütüta kilo puwove.

SAMUEL ATUGHIU 2:12

Eli nuli pama ye ameküha kemi. Pama ye Ampeu ithi moe.

SAMUEL ATUGHIU 30:22

Kixikilami eno amekükühami khunoqo no David gholo akeno tipaqo no pi, “Panongu no ni gholo wumoke ghenguno hakhokulu thimeqo kiumu tsümoe. Panongu ye anipu eno atianuli likhi sasü wolu nani.”