SAMUEL AKINIU 2:26 - Sumi Naga CL (Re-edited) Bible (BSI)

²⁶ Tithiu Abner no Joab ku, “Azütakikihi ye alhokuthu ghiqhilu acheni keshea? Ashekha loye kukhukimji shi nani pi mtha keshea? Ow timiqo pelo panoqo thiküzümi hasü chekeu lono tsüghüve penike pimono ado khitohi anani kea?”

BAIBEL (BSI)

²⁶ Abner no igha Joab ku “Nikujoye alhokuthu hishi aghushi acheni keshea? Hishi ashekhalo kiumu ithumlano kimthikeu kukhu kimiji likhi ithuluve nani. Ningu ghi noghakhumike. Noye ado khitohilo owu timiqo ahza tsuno ni ha anani kya? eno kughono ni hamove nani kya?”

SAMUEL AKINIU 2:26 Iomraidhean Croise

SAMUEL AKINIU 11:25

David no atsapeu vilo pi, “Joab vilo ishi pilo, ‘Hi no o loshipüsü pe kevilo, kughengu azütakikihi ye itehi lakhi eno kutou no lakhiu heqhive cheni. Akumtoshi aphughi mjochile no leluve lo.’ Eno pa shikumto lo.”

SAMUEL AKINIU 2:14

Abner no Joab vilo pi, “Apumiqo pelo ithu ni sasü kumjo pelo.” Eno Joab no pi, “Tishi peni.”

SAMUEL AKINIU 2:16

Milakhikhi no pütüta müzülo aghümi kütsü tsüqü luve no azütakikihi pe aghümi chuxu kile, ikehu panongu ye kümtsa ikiqi thikhave. Tighenguno tipa-a pesü Helkath-hazzurim ipi cheni, ti ye Gibeon lo ani.

SAMUEL AKINIU 2:25

Eno Benjaminmi no Abner zülo hekütsü luve no amqo lakhi shi atoghi kütsüqa lo puthugho luve.

SAMUEL AKINIU 2:27

Joab no pi, “Alhou xü anike tsala nono pimoke aye, mtsüqheino timiqo ye tave mono inaqhe kutolo mu panongu hawuni cheke.”

JOB 18:2

“No ye khitohi atsa hajuni kea? Kümsüju lo, tishino nino pini.

JOB 19:2

“Nongu ye khitohi I pishipuju eno atsa pesü I chunuqhini kea?

LESHELE 4:2

O timiqo, khitohi I gigihupu pesü akukujopu lo süve tsüni kea? Khitohi nongu ye adou tsaqo kimiye eno akimki phuni kea?

AHOLE 17:14

Mtomshu thuve aye azü khetha püakeu poleve ake toi, tighenguno mtomshu mphi lono ti lakha luvelo.

ISAIAH 1:20

ikemu nongu no milive no hebide aye, nongu ye ghüyi lono wove nani; kughengu Ampeu kichi lono piqhivae.”

JEREMIYA 12:12

Asayeqha lo asa itsümo keu toghi shou kütsaveni kemi ighivae, kughengu Ampeu zütakikihi no ayeghi halau no halau kutolo leno khumu iqüghai mla nani.

JEREMIYA 2:30

Ni ye adou lono no tianuliqo heqhivae; panongu no shikithe kütsü ikhilu tsümoe; abongshuu yiküsa toi nongu züta no now tungkupmi ghiqhivae.

JEREMIYA 4:21

Khitohi ni ye michiphi ithulu eno afuko ghügha chiluni kea?

JEREMIYA 46:10

Tipa tsalani ye aqokitikhi MPEU tsala, Pa ghümi shou amkhü luni keu, amkhükulu tsala ke. Azütakikihi no aghaqilu moke kutolo aji pele eno tsüye nani. Kughengu ahuu Euphrates ghoki lono aqokitikhi MPEU no aghakishi shiani.

JEREMIYA 46:14

“Egypt eno Migdol lo sheshulo; Memphis ngo Tahpanhes lo sheshulo; pilo, ‘Puthugho no kutope khelo, kughengu azütakikihi no nongu homxa kütsa nani.’

HOSIYA 11:6

Azütakikihi no pano mishighüna jole nani, pano khagho lo aküptasüqo kuboleve tsü nani, eno panow lapiyemi ghenguno pano kütsave nani.

Apostolmi 7:26

Tishiwo thoghiu Israelmi kini kichighi aghi keu pa no ithulu no külashi tsüniye pi, ‘O timi, nokujo ye athiküzümi ke, kushiye lakhino lakhi ghime ani kea?’