SAMUEL AKINIU 19:10 - Sumi Naga CL (Re-edited) Bible (BSI)

¹⁰ Ikemu Absalom khuu ningu no nukishe keno, pa ye aghüshi lono thivae. Ikehu itehi nongu ye kushiye akükau sachile ighini ke kiumu piamo kea?”

BAIBEL (BSI)

¹⁰ Ninguno Absalom pesu ningu kukau shiniaye kishelu, ikemu paye aghushiqa lono ghiqhi pithivae. Tighenguno khamino Akukau David sachile saghini keu pukaputsa kepue!”

SAMUEL AKINIU 19:10 Iomraidhean Croise

SAMUEL AKINIU 15:14

David no Jerusalem lo pa gholo akemi aqemi kümtsü vilo pi, “Ithulo, ningu povenie, tikumo aye ningu ye Absalom launo pomlave nani. Mtazü povelo, tikumo aye pa no ningu shou kütsakungo keu süghi no azütakikihi kütsügha no aphughi kütsave nosae.”

SAMUEL AKINIU 15:16

Ikehu akükau ngo pa kibolomi kümtsü wukhave. Pa no anipu amishiu chighi pesü aki jukütsü peniye qhive.

SAMUEL AKINIU 18:14

Joab no pi, “Ni ye hitoi o sasü ado kilhe amlae.” Eno pa no angupa küthü ikhipe Absalom no aphisübo lo heküxape xüaphi lono pa mlo lo jisüve tsü.

SAMUEL AKINIU 19:11

Akükau no achinemi Zadok ngo Abiathar pama lau asütsa hipau tsüpuwu: “Judah lo layemi vilo pilo, ‘Israelmi kümtsü tsa akükau tove akeghi kushiye akükau sasü pa kilo ideighini keu lo nongu no ashekhau shi ani kea?

SAMUEL AKINIU 19:40

Akükau ye Gilgal lo wuve, eno Khimham no pa gholono wuve. Judah timi kümtsü eno Israel timi tüxa ghi ala lono akükau salu.

SAMUEL AKINIU 19:9

Eno Israel shiaye kümtsü no aqha lo ishi küptsa ae, “Akükau no ni ghümi u lono eno Philistiami launo ni xalu, ikemu itehi pa ye Absalom launo ayeghi qhive no povae.

HOSIYA 8:4

Panongu no kükami kishe kemu I vecheo shimoe. Panongu no sakiphemi süsü kemu Ni ye ithimoe. Panongu no pano ampi kütsani ye panow ghükayi ngo ameshoyi pesü ajulhoqo mlae.

XAKUTHAMI 18:9

Panongu no khochile, “Ithulo, ningu wuno Laish leni, kughengu nino ayeghi ithuluvae, ighono alo ani. Nongu ye kiumu shimo keshea? Tilau wuno ayeghi lenike qeinai kevilo.