SAMUEL AKINIU 18:2 - Sumi Naga CL (Re-edited) Bible (BSI)

² David no ghüshimi saje küthü lo lakhi no Joab zakütsü qholo, lakhi no Zeruiah nu Abishai, eno lakhi no Gathmi Ittai zakütsü qholono puwuve. Eno akükau no timiqo vilo pi, “Ni ghi nongu gholo wuni.”

BAIBEL (BSI)

² Tishino pano tipaqo aloji kuthu shino Joab ngo pa thikuzuu Abishai eno Gat lono ighikeu Ittai pano kuthu pelono amqo lakhikhi shou ahzakutsuu shino khalacheu puwu. Akukauno pawu timiqo vilo pi, “Ni ampino nongu sasu wunie.”

SAMUEL AKINIU 18:2 Iomraidhean Croise

SAMUEL AKINIU 17:11

Ikemu I kükümsü ye Beersheba lono Dan kutolo Israelmi kümtsü azüghi lo asaye toi o lau hekütsü pelo eno no ampi no aghüshi lo wulo.

SAMUEL AKINIU 21:17

Ikemu Zeruiah nu Abishai no Philistiami mjothuve no pa heqhive püzü David xaluve. Tithiu Davidw timiqo no ashoqhi shive, “No ye khilemu ningu gholo aghüshi lo wumoae, tikumo aye nono Israel kulu pinheve nosae.”

SAMUEL AKINIU 23:18

Zeruiah nu Joab thiküzüu Abishai no shighi shou atou. Pa no angupa pesü timi 300 sasü küpüghü no panoqo ghiqhive, eno pano küthü gholo pa ghi aje shike.

SAMUEL AKINIU 8:16

Zeruiah nu Joab no ghüshimi shou zatsüu, Ahilud nu Jehoshaphat no yekikithiu shi,

KUKAMI ATUGHIU 2:28

Kughou atsa hipau Joab tokeno, pa ye Absalom kuphumo kemu Adonijah sasü küsüqe kehu, Ampeu phiki lo poilo akiptia kibo tsüqüpe ngoluve.

LESHELE 3:6

Timi qhethonhe no I sühope I lachile akeqo ni ye msamo nani.

XAKUTHAMI 7:16

Pa no timi 300 kijepe amqo küthü shive no panongu u lo afuko eno ayeghi li lakhikhi alou akuluqhe süvetsü.

XAKUTHAMI 7:19

Zübumta lo aghukhe kikili lono Gideon no pa lojimi 100 sasü aghazü phelo ighi. Panongu no afuko igha eno panongu no peche keu ayeghi li hephove.

XAKUTHAMI 9:43

Pa no paw timi amqo küthü shi kijeve no aluza kheluve; timiqo no aphughi lono ipeche keu miqe apüzü panongu pithive.

SAMUEL ATUGHIU 11:11

Thoghiu Saul no timiqo amqo küthü shi kijeve. Eno panongu no tsükutholau no aghazü mta lo ighive no puchomta kutolo Ammonmi ghiqhi thuve. Khunoqo xülu keno panongu ye apanaghave kehu panongu dolo mikini mu kümtsa ngomlave.