SAMUEL AKINIU 16:21 - Sumi Naga CL (Re-edited) Bible (BSI)

²¹ Ahithophel no pi, “O pu nipu amishimi khunoqo aki jukütsü penike qhive keno panoqo lau wulo, eno Israelmi kümtsü no no ye o pu lau aphikümqhüpu shivae pi chiluve nani, tileno o gholo akemi kümtsü amlo shikumtolu nani.”

BAIBEL (BSI)

²¹ Ahitofel no khochile, “wulo eno opu nipu amishiuqo khunoqo pano akukaki khe aghipeniye qhipuani keno tipaqo sazuvetsulo. Tishive kethiu ye Israil lo kumtsuno opuye okugha pesu pa ghumi kuchou shivae pi ithi nani eno opapemiqoye alau amlo muto kithelu nani.”

SAMUEL AKINIU 16:21 Iomraidhean Croise

BOTHUBO 34:30

Tile Jacob no Simeon ngo Levi pama vilo pi, “Nokujo ye I shou aküküpna süghivae eno Canaanmi ngo Perizimi yeghi hile küxümi zülo I pesü ajuaje küsapu shive tsüae. Ni ye aghulo ke, eno tsala panongu no hekütsüpe I mjochile eno leighi aye, ni eno I kibo ye kütsave nanie.”

BOTHUBO 35:22

Israel no tipa yeghi lo küghüna akelo, Reuben no wuno papu nipu amishiu Bilhah shipüthave. Israel no tipa sütsa chiluve. Jacob nuli chighikini ye hipaqo:

BOTHUBO 38:16

Pa no alaphe lo li küdau kugho ighi no pi, “Ighilo, I no o sasü kikivini,” kughengu li ye pa mukishiue pi pa ye ithimoe. Li no pi, “O pelo I lau ighilu penike no ye kiu I tsüni kea?”

BOTHUBO 6:4

Kughou Alhou nuliqo no timi ngaqo lau ighi no atianuli shi keno, tipa ghuloki lo eno tithiu ghi Nephilimqo ye ayeghi lo ache. Hipaqo ye khaghi lo timi akumtomi eno ajekipimi.

SAMUEL AKINIU 10:6

Kughou Ammonmi no panongu ye David zülo kumthu kümna shivae pi ithi keno, panongu no Beth-rehob eno Zobah lo Syriami ghüshimi qhethonhe muku, akükau Maacah timi 1,000 eno Tobmi kiptimi qhethonhe chighikini piqeve.

SAMUEL AKINIU 12:11

Ikehu Ampeu no piani, ‘Julo, o kibo lono o hebide penike I no alhoksa ipeghi peni. Eno I no o nhethe lono o nipuqo ikhipe o kisüghümi tsüve nani, eno pa no atsala küa lono o nipuqo sazü nani.

SAMUEL AKINIU 13:5

Jonadab no pa vilo pi, “O lüpa lo ihozüve no süanie pi amqü shilo. Eno kughou o pu no o juniye ighini keno, pa vilo pilo, ‘I chepu Tamar pelo ighi no asho I tsü pelo, eno I zülono achuqupu kutotsü pelo, tishianguno I no ti ithulu ghi li u lono chunie.’”

SAMUEL AKINIU 15:16

Ikehu akükau ngo pa kibolomi kümtsü wukhave. Pa no anipu amishiu chighi pesü aki jukütsü peniye qhive.

SAMUEL AKINIU 16:20

Tileno Absalom no Ahithophel vilo pi, “O kükümsü tsülo. Ningu ye kiu shikepu kea?”

SAMUEL AKINIU 17:7

Hushai no pi, “Hipa süchedo lo Ahithophel no akükümsü tsü akeu ye akivi kumoe.”

SAMUEL AKINIU 2:7

Tighenguno itehi nongu u shikumto lo, eno tsükhüi lo, kughengu Saul nongu mpeu ye thivae, eno Judah shiaye no I pelo panongu shou akükau shivepe ae.”

SAMUEL AKINIU 20:3

David no Jerusalem lo pa kilo ighive. Pa no anipu amishiu chighi khunoqo aki jukuto peniye qhive keno panoqo saluve no aki lakhi lo qhive, eno akhemi no ngokhepe no avehupu shi akeu tsü, ikemu panoqo lau wumoe. Ikehu panongu kithi kutolo panongu ye khathape qhive no chimemi toi xü acheuve.

KUKAMI ATUGHIU 11:25

Pa ye Solomon küxü tivilo Israel ghümi shiche, eno Hadad toi pa ghi Israelmi ghüza cheke. Pa ye Syria lo ayepe eno Israel mithi cheke.

KUKAMI ATUGHIU 2:17

Pa no pi, “Kimiyeno Akükau Solomon vilo Shunammi Abishag pesü I nipu shi penike iniju tsülo—pa ye o milimo nani.”

KUKAMI ATUGHIU 2:22

Akükau Solomon no paza khochile, “No ye kushiye Adonijah ghenguno Abishag iniju ani kea? Pa ghenguno kükaqha vehumu qhüiniju lo, kughengu pa ye I mu, eno pa gholo achineu Abiathar ngo Zeruiah nu Joab ani.”

ACHINE 18:8

No ye o za sazü moni, ti ye o pu shipütha keu paphie.

ACHINE 20:11

Milakhi no pa pu nipu gholo lakhi sazüve aye, pa pu shipütha anike pama gha pithiveni. Pama kithi ye pama makho shini.

ZEKHARIA 8:13

Nongu ye ghushove kemie pi shiyeqo gholo küghakiche shiveke, O Judah ngo Israel laghami, ikehu I no nongu xalu nani eno nongu ye kükümghau shive nani. Msa kevilo, ikemu nongu u mtotoi lulo.”

1 Kor. 5:1

Nongu gholo kipti toti dolo mithekumo anipi kuchou tsa I lau pi ighivae, timi lakhi no papu nipu sasü küghüna anie pike ti ye Alhou mtha kemi gholou ghi kutuulu chemoe.

SAMUEL ATUGHIU 13:4

Israelmi kümtsü no ti chilu no Saul no Philistiami mqo theqhivae pi, eno itaghi Israel ye Philistiami xukutho puthuvae pi ithive. Timi kümtsü no Saul gholo küqha penike Gilgal lo kukütsü.

SAMUEL ATUGHIU 27:12

Achish no David pükhübe che eno ishi kümsü, “Pa ye paw timi Israelmi lau aphikümqhüpu shivae; tighenguno pa ye pülhapuju I qeu shi cheniae.”