SAMUEL AKINIU 15:31 - Sumi Naga CL (Re-edited) Bible (BSI)

³¹ David vilo ishi pi, “Ahithophel ye Absalom sasü küsüqe akemi gholo anie.” David no pi, “O Ampeu, kimiyeno Ahithophel mijekütsü ye mbomzü shive pelo.”

BAIBEL (BSI)

³¹ Kughou Ahitofel no Absalom hekibide gholo sukuqhavae pikeu David vilo pithi keno pano inikhu. “AMPEU, kimiyeno Ahitofel no kutsumije piyekeu aghuzu-anikha shivetsulo!”

SAMUEL AKINIU 15:31 Iomraidhean Croise

SAMUEL AKINIU 15:12

Absalom no aghakishi kümlla tsü akelo pa no Giloh lo Davidw mijekütsüu Gilohmi Ahithophel kupuwu. Tile akumtoshi küsüqe keu ipeghive, eno Absalom gholo timi alau kighisheve.

SAMUEL AKINIU 16:23

Tipa ghuloki lo Ahithophel no akükümsü tsükeu ye Alhou tsa kighini kileju aketoi kihi che; ikehu David eno Absalom ghi Ahithophel kükümsü kümtsü gihu cheke.

SAMUEL AKINIU 17:14

Ikelo Absalom eno Israelmi kümtsü no pi, “Arkhimi Hushai kükümsü no Ahithophel kükümsü nguno akiviu shi ani.” Kughengu Ampeu no Ahithophel kükümsü kivi theqhive peniye kughuve ke, tishianguno Ampeu no Absalom shou aghimepu süghi niye ke.

SAMUEL AKINIU 17:23

Kughou Ahithophel no pa kükümsü lumokeu ithive keno, pa no paw khurha lo ikuve no pa ghüna lo wove. Pa no pa ki hekütsüve no pa likhi pa tshüqhi pithive, eno pa ye papu kumoki lo shiqhove.

SAMUEL AKINIU 17:5

Tile Absalom no pi, “Arkhimi Hushai kulo, eno pa no kiu pikepu ani keno ningu no inijuni.”

SAMUEL AKINIU 17:7

Hushai no pi, “Hipa süchedo lo Ahithophel no akükümsü tsü akeu ye akivi kumoe.”

JOB 5:12

Pa no mqümghami kukughu hexavetsü cheni, ikehu pano no mlaitha keu kiu nomu tolu chemoe.

LESHELE 109:3

Akimthipu tsa no I sühope ani, eno kütsazü shi I ghime ani.

LESHELE 3:1

O Ampeu, I ghümi ye khijejehi kela! Kutomo no I shou ikughi ani;

LESHELE 41:9

I küsau I punukhoi akeu khuu I no pükhübe eno I shopa chucheni keno pa no I shou pa pukhu süqhe ani.

LESHELE 55:10

Putho pucho panongu no aliwo zümili mishighüna homxa ighi, akipimi ngo aküpüna no tile ani;

LESHELE 55:12

Kughengu I ghüthi püsütsü akeu ye aghümi no kumoe tishike aye ni ye puqhe luveni che; küthakügha shi I peitha akeu ye aghümi no kumoe tishike aye ni ye pa launo itshüveni cheke.

ISAIAH 19:3

pano dolo aghüthiküxü kühave nani, eno I no pano kimji hexavetsü nani; panongu no ajulho, küdüu, tumumi eno kithixashemi küsütsa nani;

ISAIAH 44:25

I no kimkimi sakiqhi vehu shipüsave tsü cheni eno tumumi pesü mbomzümi shivetsü cheni, I no alokütsümi tuchile cheni eno pano kighithi pesü mbomzü shivetsü cheni.

John 13:18

Ni ye nongu kümtsü ghenguno piamoe; I no khuno kisheluve akeno ithi ani. Ikemu hi ye Kuchoyesü shikupu niyeke, ‘Khuu no I sho chu keno, pa no I shou chhophisüe.’

1 Kor. 1:20

Alokütsüu khile ani kea? Ayezah shikükau khile ani kea? Hipa tiqheli lo kighekithiu khile ani kea? Alhou no ayeghi lo lokütsü pesü mbomzü shivetsü ake kumo?

James 3:15

Tikithipu lokütsü ye kungugha lono iqighi keu kumoe ikemu ti ye ayeghilo, aghungu küküha eno tüghaküsapu ke.