SAMUEL AKINIU 12:24 - Sumi Naga CL (Re-edited) Bible (BSI)

²⁴ Tithiu David no pa nipu Bathsheba mlo vepiqi tsü, pa no li lau ilo no li sasü zü, eno li no anu lakhi punuke pa je Solomon kutsüe. Ampeu no pa kimiyeve

BAIBEL (BSI)

²⁴ Tipathiu David no pa nipu Bathsheba mlo vepiqitsu. Pano li sasu ashi aji kuqha eno lino anu lakhi punulu, David no pa je Solomon kutsu. AMPEU no anu kimiye

SAMUEL AKINIU 12:24 Iomraidhean Croise

SAMUEL AKINIU 12:25

eno tungkupu Nathan vecheo atsape tsüpuwu. Ikehu Ampeu ghenguno, pa je Jedidiah kuvetsü.

SAMUEL AKINIU 5:14

Jerusalem lono punu keqo je: Shummua, Shobab, Nathan, Solomon,

SAMUEL AKINIU 7:12

Kughou o tsala tove no nono o puasüqo gholo züuveni keno, I no o shelo o polo kughuko o phi lono ighikeu saputhu nani, eno I no pa kükaqha puthuphe tsü nani.

KUKAMI ATUGHIU 1:10

ikemu pa no pa thiküzüu Solomon, tungkupu Nathan, Benaiah, eno akükau ghüshitomi ye kusümoe.

KUKAMI ATUGHIU 1:11

Tileno Nathan no Solomon paza Bathsheba vilo pi, “Haggith nu Adonijah no akükau shive keu eno ni mpeu David ye hipau mthae pi no ye chimla aphi keshea?

YEKIKITHI ATUGHIU 29:1

Tithiu akükau David no kuho akemi kümtsü vilo pi, “I nu Solomon khuu Alhou no kisheluve akeno, pa ye alhothe eno puju-peju keu küha aphi püzü akümlapu no ighono kije shi ani, kughengu aki hi ye timiw kumono Ampeu Alhouw ke.

YEKIKITHI ATUGHIU 3:5

Pa no Jerusalem lo akelono ati-anuli hipaqo shi: Pa nipu Bath-shua, Ammiel nga no bidi punu: Shimea, Shobab, Nathan, eno Solomon;

NEHEMIA 13:26

Israelmi kükau Solomon pelo axine shivepe keu ye inaghami totimi no ke kumo keshea? Shiye kutomo dolo ghi, akükau pa toike kühae eno pa ye Alhou no kimiye kütü kehu Alhou no pa pesü Israelmi kümtsü shou akükau shipe ke. Ikeghi inalimi totimi no pa thotsü axine shivepe.

AHOLE 4:3

Kughou I no itimi shi I pu ngo I za gholo I likhi ache keno,

MATTHEW 1:6

eno Jesse nu akükau David. David nu Solomon, Uriah nipu vecheo punu keu,

ZAKINIU 33:12

Benjamin ghenguno, pa no pi, “Ampeu qhuu ye sükusho lo ani. Akiqheu Lhou no pa khekuto eno pa gholo acheni.”