SAMUEL AKINIU 12:17 - Sumi Naga CL (Re-edited) Bible (BSI)

¹⁷ Pa kilo layemiqo no ayeghi lono pa sünheqhe niye pa phivilo puthugho, ikemu pa no tishike kumono panoqo gholo no achuqupu mu chumoe.

BAIBEL (BSI)

¹⁷ Pa qholo kijemiqono pa lau ighino pa haputhu, ikemu paye panoqo gholo kumu chu-sho mopi milive.

SAMUEL AKINIU 12:17 Iomraidhean Croise

BOTHUBO 24:2

Abraham no pa kibo lo aqemi akichiu, khuu pa mheghi jukütsü chekeno, pa vilo pi, “O u pesü I lukobo qholo qhilo,

BOTHUBO 37:35

Pa tianuliqo no pa lokughuno tsüniye shi kemu pa no ti milive no pi, “Moe, ni ye mloqasü Kithigha lo I nu lau wuve niae.” Ikehu pa pu no pa ghenguno mloqae.

SAMUEL AKINIU 12:18

Atsala akütsüniu lo anu ye thive. David qemi no pa vilo anu thivae pini keu msave, kughengu panongu no pi, “Julo, anu no xü akelo ghi ningu no pa pütsa kelo pa ye ningu tsa initsü moe. Imaye kishino ningu ye pa vilo anu ye thivae piluni kea? Pa ye pa ampi ghimepu shive nosae.”

SAMUEL AKINIU 3:35

Tithiu timi kümtsü no ighi no David pelo atsala ilove mphi lono asho chu penike pütsa. Ikemu David no ashoqhi shino pi, “Tsala I no khetsünhe ilomphi lono asho momu kiu kiumu chuve aye, Alhou pelo I ghime pelo!”

LESHELE 102:4

I mlo ye asütsüni toi ikiqive no thizümüivae; ni ye achuqupu chu kümsümavae.

DANIEL 6:18

Tishino akükau ye pa kükaki lo wuve no kümvü ghi putho tsala puwove; pa vekhave kepu kiumu pa lau peighimo, eno pa ye zühu mlave.

SAMUEL ATUGHIU 28:23

Pa no milive no pi, “Ni ye chumoe.” Ikemu pa qemi no atopuu gholono pa qhüiniju, ikehu pa no panoqo tsa luve. Ikehu pa no ayeghi lono ithu alüpa lo iqave.