SAMUEL AKINIU 11:2 - Sumi Naga CL (Re-edited) Bible (BSI)

² Ghulo lakhi avelau David no pa zü-a lono ithughi no kükaki kütsüqa lo ala cheche kelo, pa no akütsüqa lono totimi lakhi azü kuchhu aghikeu ithulu; li ye ighono ajukivie.

BAIBEL (BSI)

² Ghulo lakhi avelau David ye puchou zuano ithughi puzu akukaki kunguu amlhu kutufuniye iku. Pano tipau lo ikuno hula-hilau chewoghi akelono pano pishipuwo totimi lakhi li ki lono azu kuchhu aghikeu ithulu. Liye ighono ajukivi.

SAMUEL AKINIU 11:2 Iomraidhean Croise

BOTHUBO 12:11

Kughou pa no Egypt lo ilo niye shi keno, pa no pa nipu Sarai vilo pi, “I no ithi anike no ye totimi aju kivi lakhie,

BOTHUBO 3:6

Ikehu kughou atotiu no asübo huye achuqupu kivi, anhethi lo jukighilepu, eno alokütsü shilu kepu anie pi ithulu keno, li no tipau xathi ikhipe chuve, eno hami ikhipe li kimi, khuu ghi li gholo ngo akeno tsü, eno pa no chuve.

BOTHUBO 34:2

Kughou Hivimi Hamor nu Shechem, tipa yeghi lo kükapuu no li ithulu keno, pa no li küghaluve no sazüve eno li lau küthakügha shive.

BOTHUBO 39:6

Ikehu pa no pighi akeu kümtsü Joseph u lo qhivetsü, eno Joseph ghenguno pa ye achuqupu pa no chuni keu likhino kumo aye kiumu mlo move. Joseph ye aju akoghe alokemi.

BOTHUBO 6:2

Alhou nuliqo no timi ngaqo ye jukivishi akeu ithulu. Eno panongu no pano nipu shiniye kishelu.

SAMUEL AKINIU 13:1

David nu Absalom ye achepu ajukivi lakhi ache, li je ye Tamar. Ado hami thiu David nu Amnon no li kimiyeve.

SAMUEL AKINIU 14:27

Absalom lau anu küthü eno anga lakhi punutsü, li je ye Tamar. Li ye totimi aju kivimi.

SAMUEL AKINIU 4:5

Beerothmi Rimmon nuli, Rekhab ngo Baanah, pama no wuno atsala külü dolo Ish-bosheth no puchou akulhoqhi ake lono pa kilo ighi.

SAMUEL AKINIU 4:7

Kughou pama no aki lo iloghi keno, pa ye pa chebo lo pa lüpa lo ihozü ae, pama no pa heqhi pithive no pa kütsü lovetsü. Pama no pa kütsü pesü putho tsala kupuju Arabah kathasü wuve,

JOB 31:1

“I no I nhethi sasü ashoqhi shivae; imaye ni ye kushiye ili lhothe shou jupukuni kea?

LESHELE 119:37

Ameküküha thimeqo juni keu lono I nhethi tsüghüve tsülo; eno O tsa kiqi lono I küxü pükhape qhitsülo.

AHOLE 19:15

Akipichi no timi pelo züchei ape cheni eno akipichimi ye akhüava shinani.

AHOLE 31:30

Puyelei keu ye pishikiqhi, eno ajukivi ye amekühae ikemu totimi khuu no Ampeu sümsa cheni keno akishe tsüküzüe.

AHOLE 6:25

Khilemu o mlo lo liw jukivi mine kevi eno liw ghaghu nhethi no o müsü luvepe kevilo;

AHOLE 7:8

pa ye ghaghuliu kilo ilo chekeu la züsü wuve,

JEREMIYA 19:13

Jerusalem ngo Judah kükami kiboqo eno aki khijeno akütsüqa lono akümllagho pe aqhi ayepu mllauve, eno atsaiji kümllagho pesü kütau lhouqo lau lephetsü keno, kümtsü Topheth toi kitiqevae.’”

MATTHEW 10:27

I no aküzü lono nongu vilo kiu piani keno, aküvü lono pilo, eno nongu no kiu aqhou tsa chilu ani keno, aki kütsüqa lono sheshulo.

MATTHEW 24:17

Aki kütsüqa lo akemi no pa ki alou anhemgha lunike aqhou iqi kevilo,

MATTHEW 5:28

Ikemu I no nongu vilo pi akeu ye khuu no mineqhiyi kütami nipu juni keno pa mlo lou no li sasü kütüqhavae.

Apostolmi 10:9

Thoghiu panongu no Joppa toniche kelo, Peter ye akighini shinike puchou ayi chighikini qhalo aki kütsüqa lo iku.

ZAKINIU 22:8

“Nongu no aki kithe shikelo, aki kütsüqa lo akuptu mlalo, tishikeu lono khuana no tileno veqhi iqi thive kelo adou lono akithi ji o ki shou ikughi pemoni.

ZAKINIU 5:21

“‘O kisüghüu nipu jumine kevilo; pa ki alu, pa qemi, pa qelimi, pa mishitsü, paw khurha, momu pa no aghikeu kiumu jumine kevilo.’

1 Peter 4:7

Thokha kümtsü shekuho ye kupunuvae; tigheno akighini shikulupu shi alikhi aghasü eno tsükhüi lulo.

1 John 2:16

Kughengu ayeghi lo thime akeqo—ashiaji eno anhethi no mine chekeu ngo aküxü lo qheküza—ye Apu launo kumono ayeghiqha launo ighie.

SAMUEL ATUGHIU 9:25

Kughou panongu no qhemghaike-a lono iqighive keno, aki kütsüqa shou Saul ghenguno alüpa lakhi kutotsü, eno pa no züuve.