SAMUEL AKINIU 11:11 - Sumi Naga CL (Re-edited) Bible (BSI)

¹¹ Uriah no David vilo pi, “Puloshoqhi bohu eno Israel ngo Judah no aphiki lo ani, eno I mpeu Joab ngo I mpeu qemi ghi aghüshiqa lo aghazü shi ani. Ikeghi ni ye chusho eno I nipu sasü züniye I kilo wuni keshea? No eno o ngulho hi xü anike ni ye hi shimo nani.”

BAIBEL (BSI)

¹¹ Tileno Uriya no khochile, “Israilmi eno Judami kumtsu aghushiqalo ani eno Puloshoqhi Bohu ghi panongu gholo ani; iwu zahtsuu Joab ngo pa gholo kijemi kumtsu aluzaqalo aghazu shino ngo ani. Tishiaye niye kishino akilo wopuzu chu-sho eno inipu sasu zu alepikya? Akimthe jeli hupaqo kumtsu jeku ghi ino tushoqhi anike, niye khilemu tipaqo tishi mla amlae!”

SAMUEL AKINIU 11:11 Iomraidhean Croise

SAMUEL AKINIU 11:10

Kughou panongu no David vilo, “Uriah ye pa kilo iqi move” ipi keno, David no Uriah vilo pi, “No ye aghüzüla lono ighike kumo? Kushiye o ki lo iqi move kea?”

SAMUEL AKINIU 14:19

Akükau no pi, “Hi kümtsü Joab no kughuphe kekumo?” Topumi huno khochile, “I mpeu akükau hi xü anike, khunomu I mpeu akükau no pivekeu lono piyiu momu ajeu tsüghü wuve mlae. O qeu Joab no azah I tsüe; atsa hi kümtsü pa no o qeliu kichi lo sütsüe.

SAMUEL AKINIU 20:6

David no Abishai vilo pi, “Bikhri nu Sheba ye Absalom nguno alau ningu ghüza niye ani. O mpeu qemiqo sasü pa hawulo, tikumo aye pa ye aliwo akeu phughi lo ilove no ningu launo pokave nosae.”

SAMUEL AKINIU 7:2

pa no Nathan tungkupu vilo pi, “Julo, itehi ni ye cedar kilo ngo ani, ikemu Alhouw puloshoqhi bohu ye aphiki lo anie.”

SAMUEL AKINIU 7:6

Egypt lono Israelmi saipeghi kelono ishi tsala kutolo Ni ye aki lo ngo mphi, ikemu Ni ye aphiki lono I kungo-a shino iqho-iqi acheni.

AKIKIHI 32:6

Moses no khochile, “No thiküzümi no aghüshi akelo nongu ye hilau ngo auveni keshea?

John 13:14

Imaye ni, nongu Mpeu eno nongu Kükütsüu no nongu pukhu qhutsü aye, nongu ghi lakhino lakhi pukhu qhutsü kepue.

2 Tim. 2:12

nino puqhekulu shi aye, ningu ghi pa gholo ka nani; nino pa milive aye, pa ghi ningu milive nani;

SAMUEL ATUGHIU 1:26

Li no pi, “O I mpeu, no hi xüanike totimi khuu o zülo hile puthugho no Ampeu lau inikhu akeno ti huye ni ke.

SAMUEL ATUGHIU 14:18

Ikehu Saul no Ahijah vilo pi, “Alhouw puloshoqhi bohu hile süghilo.” Kughengu tipa ghuloki lo puloshoqhi bohu ye Israelmi gholo ake.

SAMUEL ATUGHIU 17:55

David no Goliath mjoni ye wuche keu Saul no ithulu kemtsa pa no Abner, ghüshimi zatsüu vilo pi, “Abner, apumi hipau ye khuu nu kea?” Abner no pi, “No hi xü anike ni ye mthae, O akükau.”

SAMUEL ATUGHIU 20:3

Ikemu David no itaghi tushoqhi, “Nono I kimiye chekeu o pu no ithi ani, eno pa ye ishi kümsü ani, ‘Jonathan pelo hi ithi pemoni, tikumo aye pa ye amlo ijuve nani.’ Ikemu kuchou no Ampeu xü anike eno no hi xü anike, ni eno akithi dolo küpka lakhi likhi ani.”

SAMUEL ATUGHIU 25:26

Ikehu itehi, Ampeu xü anike eno I mpeu no xüake toi, nono aji peleni ye akeu lono Ampeu no o hakhalu ketoi, itehi o ghümi eno khunoqo o shou alhoksa shiniye phucheni keno tipaqo pelo Nabal toive pelo.

SAMUEL ATUGHIU 4:4

Ikehu Shiloh lono aqokitikhi Mpeu, Khuu Cherubim küka lakhü shou akeno Paw Puloshoqhi Bohu peighive. Eno Eli nuli, Hophni ngo Phinehas pama ye Alhouw Puloshoqhi Bohu gholo ae.