SAMUEL AKINIU 10:12 - Sumi Naga CL (Re-edited) Bible (BSI)

¹² Amlo mtolo, ningu ye niw timi, ni Lhouw mishighünaqo ghenguno amlo mtoni, Ampeu no kiu akivi keno shipeni.”

BAIBEL (BSI)

¹² Akumto shilulo eno amlo kuloghilulo! Niwu timi ghenguno aloqhi kichighini eno ningu Lhou phughiqo ghenguno akivishi aghu shini. AMPEU pulou mlalupeniu!”

SAMUEL AKINIU 10:12 Iomraidhean Croise

SAMUEL AKINIU 10:11

Eno pa no pi, “Syriami no I nguno akumtou shive aye, nongu no I kuphulo, ikemu Ammonmi no nongu nguno mtotoive aye, I no ighi no nongu kuphuni.

SAMUEL AKINIU 15:26

Ikemu tsala Pa no, ‘O lau I mlokiqi kühae,’ ipi aye, julo, ni hile ani, Pa no kiu no akivi keno I lau shipeni.”

YEKIKITHI ATUGHIU 19:13

Akumto shilo, ningu niw timi eno ni Lhou phughi ghenguno akumto pepheni, eno Ampeu pelo kiu no Pa lopu keno tishilu peni.”

YEKIKITHI AKINIU 32:7

“Mtotoi eno amlo kumto shilo. Assyria kükau ngo pa gholo hi amqo shishe kije chekeqo jupe msa kevi momu aghüthisü kevilo, kughengu pa gholo chekeu nguno akichiu ningu gholo ani.

NEHEMIA 4:14

I no jukuto apüzü ithu no sakiphemi eno hiyampemi ngo timi kümtsü vilo pi, “Panongu msa kevilo. Ampeu khuu no kije eno akümzapu keno, Pa kümsü lulo eno nongu thiküzümi, no tianuli, anipu, eno no kungo kiqo ghenguno aghü shilo.”

NEHEMIA 4:8

Panongu kümtsü ighi no Jerusalem lenike kughu eno kübangü keu süghi tsüniye kuchughu.

ESTHER 4:16

“Wulo, Susa lo Jewmi ithulu keqo kümtsü hekütsü lo, eno I ghenguno kümvü lo, putho pucho tsala küthü chusho kevilo. Ni eno Iw lhothelimi ghi nongu toi kümvüni. Tishino ayezah hexa aghimu I no akükau lau wuni, eno tsala I pühave kepu shimu, ni ye pühaveni.”

JOB 1:21

Pa no pi, “Ni ye I za po lono aphi kümsa ighi, eno aphi kümsa idewove nani. AMPEU no tsüno AMPEU no ikhipe wuvae; AMPEU je shelo.”

AKIKIHI 13:20

momu ayeghi ye kinikülü keo athokha, eno asüboqo ani kemo keno julo. Amlo kumto shino tilau xathi hami xope ighilo.” Hi ye atsaithi pithi tüghüu ghuloki shi ake.

1 Kor. 16:13

Tsükhüi jukuto lo, aküpülü lo mtotoi puthugho lo, amlo kumto shilo.

ZAKINIU 31:6

Akumto shilo eno amlo loghilo, panongu msa momu juighü kevilo, kughengu Ampeu nongu Lhou no nongu sasü chenani. Pa ye nongu phevemo momu qhivemo nani.”

ZAKINIU 31:7

Tishino Moses no Israelmi kümtsü zülono Joshua vilo pi, “Akumto shilo eno amlo mtolo, kughengu nono timi hipaqo sakipheu shino Ampeu no pano puasüqo lau tushoqhi keu yeghi lo ilo nani.

IBRIMI 11:33

aküpülü vecheo panongu no kükaqha lelu, kuchou xakütha peitha, pikiqhitsa ithulu, abongshuu baxa lakhalu,

IBRIMI 13:6

Ikehu ningu ye amlo kumtoshi pilu nani, “Ampeu ye I kukuphuu; Ni ye msavemo nani; Timi no I lau kiu shiluni kea?”

JOSHUA 1:18

Khuu no nono azah tsükeu ghechile eno o tsa pape moni keno, pa ye pithiveni. Qeti akumto shilo eno amlo kuloghi shilo.”

JOSHUA 1:9

Akumto shilo eno amlo kuloghi shilopi azah o tsüve ake kumo keshea? Msa kevi momu amlo tülalo kevilo kughengu ni Ampeu o Lhou ye nono khilekhile chemu, o gholo che nani.”

XAKUTHAMI 10:15

Ikemu Israelmi no Ampeu vilo pi, “Ningu no küsakügha shivae. Tighenguno Nono ni lau kiu shinishi ani keno shilo, ikemu kimiyeno ishi tsala lono ningu xaphelu tsülo.”

SAMUEL ATUGHIU 14:12

Panongu no Jonathan eno pa ghünanu kupuu vilo pi, “Ningu lau ikughi lo eno nino thime lakhi piyeni.” Jonathan no pa ghünanu kupuu vilo pi, “I pape ikughi lo, kughengu Ampeu no panoqo pesü Israelmi u lo süve tsüae.”

SAMUEL ATUGHIU 14:6

Jonathan no apumi pa ghünanu kupuu vilo pi, “Ighilo, nikujo aphighüyiko ghamo kemi lau ikuni. Ampeu no nikujo ghenguno akümla shitsü peni, kughengu Ampeu no xaluni keu ye kutomo vecheo shi aghina aghulo vecheo shi aghi namu lakha chile mlae.”

SAMUEL ATUGHIU 17:32

David no Saul vilo pi, “Pa ghenguno timi khumu amlo save kevilo. O qeu no wuni eno Philistiami hipau sasü kichighini.”

SAMUEL ATUGHIU 3:18

Tighenguno Samuel no kiumu küsü mono thokha kümtsü pa vilo pive. Eno pa no pi, “Ti huye Ampeu ke. Kiu no Pa ghenguno akivi ipi ithulu ani keno tishi pelo.”

SAMUEL ATUGHIU 4:9

Akumto shilo, eno kiptimi toi shilo, O Philistiamiqo, tikumo aye panongu no püzüu nongu qüaxe shiche ketoi nongu ye Hebrewmi qüaxemi shive nosae; kiptimi toi mjochile lo.”