SAMUEL AKINIU 1:16 - Sumi Naga CL (Re-edited) Bible (BSI)

¹⁶ Eno David no pa vilo pi, “O ji no o kütsü lo ikuve peniu, kughengu o likhi o kichi no o pimi ghi thopi shivae, eno pi, ‘I no Ampeu no nukishe keu ghiqhivae.’”

BAIBEL (BSI)

¹⁶ David no ishipi “Hiye olikhi oshou sughike. Nono AMPEU no kishephekeu akukau heqhi pithivepi olikhi okutoshino lhekeu huno olikhi otha ighavae.”

SAMUEL AKINIU 1:16 Iomraidhean Croise

SAMUEL AKINIU 1:10

Ikehu I no pa phivilo puthugho no pa ghiqhive, kughengu pa no ikiqive kethiu, pa ye xülumo nani pi I no mtsüqhei ithive. I no pa kütsü lono akütsükuqho ngo pa umlo lono aküsa ikhiluve no tipaqo I mpeu lau süghi anie.”

SAMUEL AKINIU 16:8

Saul, khuu-a lo nono ayepe ani keno, pa kibolomi kümtsü shou nono aji pele kehu Ampeu no o shou amkhü luvae, eno Ampeu no kükaqha pesü o nu Absalom u lo süve tsüae, julo, küsakügha ye o shou ani, kughengu no ye aji küxü timi lakhi ke.”

KUKAMI ATUGHIU 2:37

Kughengu nono Kidron hechesü ipeke tsalani no, no ye thive nanie pi ithilo. O kipimi ye o kütsü shou ikughi nani.”

JOB 15:6

I no kumono o kichi no akipimi o tsü ani eno o mütsü no o lachile thopi shi ani.

AHOLE 6:2

tsala o kichi lono pikeu tsa no o meluve eno o küghaluve aye,

EZEKEL 18:13

akighishe lono püna, ala lu cheghi aye, pa ye xülu nani keshea? Pa ye xümo nani. Pa ye aphikümqhüpu hi kümtsü shivae; pa ye mtsüqheino thinani; pa ji ye pa ampi shou anani.

EZEKEL 33:5

Pa ye afuko ghügha chilu kemu ghutu keu lumove ke; pa ji ye pa ampi shou ikughi nani. Ikemu pa no ghutu keu luke aye, pa ye pa küxü xaluni cheke.

ACHINE 20:16

Totimi lakhi no lhoxü sasü ipa aye, kinikujo pithiveni. Panongu kithi ye pano makho shini.

ACHINE 20:27

“Kiptimi na totimi namu tumumi momu kithixashemi küsütsa keu ye atu no veqhiveni; pa kithi ye pa makho shini.”

ACHINE 20:9

Khukhumu pa puaza ghusho keu ye pithiveni; pa kithi ye pa makho shini.

MATTHEW 27:25

Timi kümtsü no khochile, “Timi hipau ji peleve keu ngusü ye ni shou eno ni tianuli shou ikughi peni!”

Luke 19:22

Pa no khochile, ‘O likhi o tsa pesü I no akipimi o tsünia na, no kixikila qeu! Ni ye tsatsai kemi, imasümo no ithulu eno xusümo no xolu chenie pi nono ithi ani ya?

Apostolmi 18:6

Jewmi no pa küla eno pipütha kelo, Paul no pa phimini kuthove no pi, “Nongu ji no nongu kütsü lo ikughi nani! Ni ye akipimi kühae. Hinguno hilau ni ye Jewkumomi lau wuniae.”

Apostolmi 20:26

Tighenguno ishi tsala lono I no nongu lau thopi shi anike nongu no pühave aye I makho kumoae.

Rommi 3:19

Ningu no ithive ake Ayezah no kiu pi ani keno ti ye Ayezah qholo akemi vilo pi ani, tishianguno atsa kipipu kühano akichi lakhave tsü, eno ayeghiqha kuchopu Alhou lau kihikülai tsükulupu shiniye ke.

ZAKINIU 19:10

Hi shilo eno Ampeu nongu Lhou no amheghi shi tsükeu yeghi lo pimimo kemi ji pelemo nani, eno aji pelekeu ngusü nongu shou ikughi monani.

JOSHUA 2:19

Tsala khuana no o hukikha hechesü alaghi lo ipeve aye, pa ji ye pa kütsü shou ake thono ningu kipimi kumoae. Ikemu o ki alou akeqo shou khuana shoumu au beve aye, pa ji ye ni kütsü shou ikughi penie.

XAKUTHAMI 9:24

tishikeu lono Jerubbaal nuli 70 lau akümla lhoksa shikeu ipeghive peniye ke, eno panongu ji ye pano thiküzüu Abimelek khuu panongu pithive keno pa shou, eno Shechemmi khunono Abimelek shikumto keno, tipaqo shou ghi ikughi peniye ke.

SAMUEL ATUGHIU 25:39

Kughou David no Nabal thivae pi chilu keno, pa no pi, “Ampeu khuu Nabal no I thaigha keu mkhü lutsü, eno akumou shiniye akelono Pa qeu hakholu keno, Pa je sheqhelo. Ampeu no Nabal lhoksa pesü pa ampi kütsü lo pukuve tsüae.” Tithiu David no li pesü pa nipu shinike timi puwu no Abigail vilo pi.

SAMUEL ATUGHIU 26:9

Ikemu David no pi, “Pa kütsa kevilo, kughengu khuu no Ampeuw nukikishe shou au süqhe no akipimi shimoni kea?