RUTH 3:7 - Sumi Naga CL (Re-edited) Bible (BSI)

⁷ Eno kughou Boaz no chushove no alopiqilu keno, pa no athi amoqhe püakeu shekhalau wuno iqi ihozüve. Tileno li no agholau no ighi no pa phi lhapheve tsüno ihozüve.

BAIBEL (BSI)

⁷ Boaz no chusho vekethiu alokivishi apuzu wuno athi likutsu puakeu shelo ihozuve. Rut no mukhano ighi puzu Boaz phivilo ihozuve.

RUTH 3:7 Iomraidhean Croise

BOTHUBO 43:34

Achuqupu saje hami Joseph ghulhu-a lono pewo panongu tsü, ikemu Benjamin saje ye kütami nguno ghuthu pungu no alaushi tsüe. Panongu no chusho eno pa gholo aloino luve.

SAMUEL AKINIU 13:28

Tishino Absalom no pa qemi azah tsü, “Amnon no aji shove no amlo lo alokivi shi akeu amichi shivelo, eno kughou I no o vilo, ‘Amnon ghiqhive lo,’ ipini keno pa pithive lo. I no azah o tsü anike kumo? Msa kevilo; Amlo loghilo eno akumto shilo.”

KUKAMI ATUGHIU 21:7

Pa nipu no pi, “No ye itehi Israel shou ka ani keshea? Ithu chusho no o ghüthi püxülo; I no Jezreelmi Naboth tsailu o tsüveni.”

ESTHER 1:10

Atsala akütsüniu lo, kughou akükau no aji shove no aloqi akeno, pa no Mehuman, Biztha, Harbona, Bigtha, Abagtha, Zethar eno Carkas, shokomi pano tsüni khunoqo Akükau Ahasuerus zülo aghinimi shi akeno panoqo azah tsü no,

LESHELE 104:15

eno atsaizü no timiqo mlo lopivi tsü, thazü no timiqo gi vüqai lupe eno timi mlo shikumto tsüniye asho tsüke.

YETSAPIU 10:19

Achuqupu ye aghapiqi nike ghenguno mlae, atsaizü no aküxü lopivitsü cheni, pisa no thokha khochile tsü cheni.

YETSAPIU 2:24

Timi lakhi no pa ghime vecheo alopivi luno chusho akeu nguno akiviu kütau kiumu kühae. I no ithi keu no hi ghi Alhou launoe,

YETSAPIU 8:15

Ikehu alovi alopi I no piani, kughengu khetsünhe qholo timi ye chusho eno alovini keu nguno akiviu ye kiumu kühae. Alhou no aküxü pa tsüke tivilo alokivi huno pa ghime kupuju lo pa gholo anani.

YETSAPIU 9:7

Wulo, alokivi shi o chuqupu chulo, eno aloqiqhiyi o tsaizü yelo, kughengu nono kiu shi ani keno Alhou no kihithape qhivae.

1 Kor. 10:31

Tighenguno, nongu no chuna shona kiukiu shinamu kümtsü Alhou juküvüpu ghenguno shilo.

Ephesiami 5:18

Aji shomzü kevilo, kughengu ti ye ghasükümlapu ke; ikemu Aghungu pesü nongu shepichhi lo,

XAKUTHAMI 16:25

Kughou panongu no shomzüve keno ishi pi, “Samson kuphelo, eno pa pelo ningu lopivi tsü peni.” Ikehu panongu no akughuki lono Samson sasü ipeghi no pa pelo pano lopivi tsüpe. Panongu no pa pelo atsükucho kijeje kini dolo puthughope.

XAKUTHAMI 19:22

Panongu no chushove no alokughuno shi akelo aphughi lo timi lhoksami ighi no aki sühope ngoluve no ahukikha lo hepuku thuve. Eno panongu no velami vilo pi, “Timi khuu o kilo ighi keno, pa sasü ipeghi lo, ningu no pa ithinie.”

XAKUTHAMI 19:6

Pama kümtsa iqa no chushove. Tileno li papu no pa vilo pi, “Kimiyeno itiji ghi züve no o mlo vepiqi lulo.”

XAKUTHAMI 19:9

Kughou timi eno pa nipu amishiu ngo pa qeu pano küthü no cheveni ye shive keno itaghi apu no pi, “Julo, avela shiwo cheae; tighenguno itiji ye hilau ngove lo. Atsala ye avela shiwo cheae, hilau züve no o mlo vepiqilu lo eno thoghiu no itheno ithu aki lo wolo.”

RUTH 3:6

Ikehu li no aniqa lo iqi no ani no azah tsüke toi shie.

RUTH 3:8

Zübumta lo pa ye akichiqhive no ide ithughi kelo julo, totimi lakhi pa pukhu philo zü aghie!