RUTH 1:17 - Sumi Naga CL (Re-edited) Bible (BSI)

¹⁷ Nono khileno thini keno ni ghi tileno thini eno tileno I shiqho peni. Akithi nguno kütauno nikujo dolo kütüta shivepe aye Ampeu no alaushi I ghime peni.”

BAIBEL (BSI)

¹⁷ Nono khileno thini keno nighi tile no thini eno tileno ikumo qhopenie. Akithi nguno kutauno nikujo kututa shivepe aye AMPEU pelo aghime kitikhi ishou betsu peniu.”

RUTH 1:17 Iomraidhean Croise

SAMUEL AKINIU 15:21

Ikemu Ittai no akükau khochile, “Ampeu xü ani eno akükau I mpeu xü anike, khile khilemu I mpeu akükau no wukeu lo xümu thimu o qeu ghi wunie.”

SAMUEL AKINIU 19:13

Eno Amasa vilo pilo, ‘No ye I ghi eno I shi kekumo? I no ishi no o pesü Joab züqhulo Iw ghüshimi zatsüu shive pemo aye Alhou pelo I ghime peni.’”

SAMUEL AKINIU 3:35

Tithiu timi kümtsü no ighi no David pelo atsala ilove mphi lono asho chu penike pütsa. Ikemu David no ashoqhi shino pi, “Tsala I no khetsünhe ilomphi lono asho momu kiu kiumu chuve aye, Alhou pelo I ghime pelo!”

SAMUEL AKINIU 3:9

Tsala David ghenguno Ampeu no kiu ashoqhi shi püani keno I no shikupumo aye, Alhou no Abner ghime peni,

KUKAMI ATUGHIU 13:31

Eno akumo qhove kethiu, pa no pa nuliqo vilo pi, “Kughou I no thiveni keno I kumo ghi Alhou timi hipau gholo qhotsülo; I saghi pesü pa saghi phivilo qhitsülo.”

KUKAMI ATUGHIU 19:2

Jezebel no Elijah lau pi puwu, “Thoghiu hipa ghuloki lo I no o küxü pesü nono tungkupmi lau shike toi shimo aye, alhouqo pelo niu heqhi pithive peniu.”

KUKAMI ATUGHIU 2:23

Eno Solomon no Ampeu je lono tushoqhi, “Atsa hipau ghenguno Adonijah küxü luve tsümo aye, Alhou no niu pithive peniu!

KUKAMI ATUGHIU 20:10

Ben-hadad no pa vilo pi puwu, “I papemi no Samaria yeghimkhu müdüniyi pewu khamla aye, alhouqo pelo alau I ghime peniu.”

KUKAMI AKINIU 6:31

Pa no pi, “Shaphat nu Elisha kütsü no pa bighi shou akeloye Alhou pelo ishi tsala lono hitoi I lau shipeniu.”

LESHELE 45:10

O ayiliu, inilo eno kümsü julo, eno o kini kugho puwolo: ow timiqo eno o pu kibolomi kümsümave lo,

Apostolmi 11:23

Kughou pa no ighi no Alhouw küpükini ithulu keno, pa mloqive eno panongu vilo itha mono Ampeu ghokulu shilopi pa no kümtsü shikumto,

Apostolmi 20:24

I kimjiu ye Alhouw küpükini tsakiviu sheshu peni keu kümlapu saje khikhi Ampeu Jisü no I tsü keno ti shikupu luni malapi ani thono ni ye I küxü pesü ameküapu momu akughupu shi chemoe.

RUTH 1:16

Ikemu Ruth no khochile, “I vilo o qhive lopi kevi momu o papemo no idewove lopi kevilo. Kughengu nono khile wuni keno ni ghi wuni eno nono khile ngoni keno ni ghi ngoni. Ow timi no Iw timi shiveni eno o Lhou no I Lhou shiveni.

RUTH 4:15

Pa no o lau aküxü kithe süghi nani, o teasü lo o tuchomjo nani, kughengu o mukishiu khuu o kimiye cheni keno, khuu anu tsüni nguno akughupu keno, li no pa punulu ke.”

SAMUEL ATUGHIU 14:44

Saul no pi, “Alhou no titoi I lau eno alau ghi shipelo; Jonathan, no ye mtsüqheino thiniae.”

SAMUEL ATUGHIU 20:13

Ikemu I pu no o ghüza niye kümsüpu aghi no I no o vilo pimove eno o pelo pojolu pemo aye, Ampeu pelo Jonathan lau hinguno alau shipeniu. Ampeu no I pu gholo acheke toi o gholo apeni.

SAMUEL ATUGHIU 25:22

Tsala thanau paw kiptimi lakhimu qhive aye, Alhou no David ghümi lau shikeu nguno alau I shou shipeni.”

SAMUEL ATUGHIU 3:17

Eli no pi, “Pa ye o vilo kiu pikea? I launo ti küsüve kevilo. Tsala Pa no o vilo pikeqo tsa kiukiumu nono I launo küsüve aye Alhou no I lau shiniye akeu nguno alau o lau shipeni.”