Rommi 9:8 - Sumi Naga CL (Re-edited) Bible (BSI)

⁸ Hipau kiqi ye Alhou nuli kepi kihi luni keu ye ajilo kiyighiqo no kumoe, ikemu pikiqhitsa kiqi lono ighi kemiu noke.

BAIBEL (BSI)

⁸ Hipau kiqiye alhoayeh lono atianuli punukeu huye Alhou nuliqoke kumoe, ikemu Alhou no piqhipuakeu shikupu ghi ati-anuli punukeu huno kuchou polo kughukomi kepi kihiniae.

Sümi Tiqhelimi Bible

⁸ Tipau kiqi ye Abraham nuliqo ye pa jì lono ighike ghenguno Alhou nuli shilu ke kumoe, ikemu Alhou no piqhipüa keu nuliqo no Abraham nuli ipi kihi cheni.

Rommi 9:8 Iomraidhean Croise

BOTHUBO 31:15

Pa ye inami toi nikujo kihi chenike kumo? Kughengu pa no nikujo jevae eno mtsüqheino niw pisa peithavae.

LESHELE 22:30

Tiqhelimi no Pa qe nani; Ampeu ghili ighini keu tiqhelimi vilo pi nani;

LESHELE 87:6

Ampeu no timiqow aje yekithi akelo Pa no “Hipau ye tilau no punue” pi yesüve nani.

MATTHEW 3:9

Eno kümsükuju lono, ‘Abraham no ningu papu,’ ipi nongu ampi vilo kevilo, kughengu I no nongu vilo piani, Alhou ye atu hipaqo mu pesü Abraham tianuli shi saputhulu nani.

John 1:13

ti ye ashi lono punu keu momu timi pulou lono kumoe, ikemu Alhou launo ke.

Rommi 8:14

Khunono Alhou Ghungu pelo saphepe cheni keno kümtsü Alhou nuliqo ke.

Rommi 8:16

Alhou Ghungu ampi no ningu nguagha gholo süküqha no ningu ye Alhou nuli kepi thopi shitsü cheni,

Rommi 8:19

Kughengu pulhoküsü kümtsü no khekulhoshi Alhou nuliqo pephe niye akeu huqhe ani.

ZAKINIU 14:1

“Nongu ye Ampeu nongu Lhouw nuliqo ke. Kithimi ghenguno nongu kütsüsa miye moni.

IBRIMI 11:11

Aküpülü lono Sarah ye atianuli shikepu do vechebeive keghi mishilu kepu küka ithulue, kughengu piqhi püakeu Lhou ye pükhükulupu kepi li no pülübe ke.