Rommi 9:23 - Sumi Naga CL (Re-edited) Bible (BSI)

²³ Pa no hitoi shikeu ye Pa juküvü kinikülüshi akeu pesü khunoqo Pa no azünatha ghi ajuküvü küsajeni ke kuto püani keno, ti kimiyekini liqo, pelo ithi peniye ke,

BAIBEL (BSI)

²³ Tiye pano qhuivulayi keu hi ningu shou pa kimthe-jukuvu kinikulushi akeu pephepiye nike ghenguno ajukuvupu shi pano kutope qhie.

Sümi Tiqhelimi Bible

²³ Pa no hitoi shikeu ye pa juküvü kiní pesü pa no kimiyeqhiyi chekemiqo lau alau vüqai pephe-piye niye ke. Panongu ye pa juküvü ithulu penike ghenguno pa no azüu no kutò pe qhive kemiqo ke.

Rommi 9:23 Iomraidhean Croise

YEKIKITHI ATUGHIU 29:18

O Ampeu, ni puasü Abraham, Isaac, eno Jacob Lhou, hitoi keu kimji eno akükümsü pesü pülhapuju Ow timiqo lolo qhi püatsü eno panongu mlo pesü O phivilo qhi püatsü lo.

Luke 1:17

Pa no Elijah nguagha eno küka lono apuaza pelo atianuli lau tsüghü ighi, eno hekibidemi pelo amikuchomi laghi lo ighi penike Ampeu züuno wu nani, tishikeu lono Ampeu ghenguno timiqo kutope qhitsü nani.”

Apostolmi 9:15

Ikemu Ampeu no pi, “Wulo, kughengu pa no I je pesü Jewkumomi ngo kükami eno Israelmi zülo wu penike I no kishevae.

Rommi 2:4

Ikeo no ye Paw ivüilai keu, kutuukulu eno kheakulu kupukuno shi akeu huye xaidekulu lalo o sawu nike ghengunoe pi mthano küthathai ani kea?

Rommi 8:29

Timi khunoqo Alhou no azünatha ghi ithi akeno panongu pelo Pa Nu julho kimihi shiluve peniye Pa no panoqo kishe kütüta shive, tishianguno athiküzümi kutomo gholo Anu pelo amsüu shi peniye ke.

Rommi 8:30

Alhou no khunoqo kishe kütüta shi keno Pa no tipaqo ghi kulue; khunoqo kulu keno Pa no achipikalupe; eno khunoqo achipikalupe keno Pa no ajuküvü ghi küsaje ke.

Ephesiami 1:18

nongu mlo lo vethakulupu nhetsü qhino Pa no nongu kulu püakeu lajupu ye kiu, Pa juküvüpu mheghi kinikülüshi küpülümi lau akeu ye kiu keno, nongu no ithi peni;

Ephesiami 2:10

Kughengu Alhou ye ningu pelo Khristo Jisü gholono Pa no azünatha kughu püake toi akümla kivi mlalu eno tipa lalo cheche peniye ningu pulhosüe, ikehu ningu ye Paw kütshakügha kümla ke.

Ephesiami 2:7

Alhou no kimiyeqhiyi keu lono Paw küpükini kimghi kümlapu shi akeu pesü Khristo Jisü küdau no ningu tsükeu ye hithiu tiqheli kutolo pephe piye niye ke.

Ephesiami 3:16

Pa juküvüpu kinikülü shi akeu kiqi lono Pa Ghungu pesü nongu lolo akeu mpi shikumto tsü peni,

Ephesiami 3:8

Niu no küpülümi kümtsü dolo akimkheu keghi, Khristow kihikhakümla kini pesü Jewkumomi lau pikülha peniye küpükini hipau I tsü,

Kolosiami 1:12

Apu khuu no nongu pesü aküvü lo küpülümi mheghi küsaje lupe keno Pa shikimthi tsü peniye ke.

Kolosiami 1:27

Alhou no panongu kishelu no Jewkumomi gholo ajuküvüpu kini kije pephe tsüke, ajuküvü lajupu huye Khristo nongu lolo akeu ke.

1 Thes. 5:9

Kughengu Alhou ye aloghu ghenguno aza po lono ningu iniveke kumoe, ikemu ni Mpeu Jisü Khristo vecheo xakulupu ithulu peniye ke,

2 Tim. 2:21

Tighenguno khukhumu alhoksa lono pa shikimthe luve aye, pa ye akhoto vehu lo peitha chekeu thime toi kishekimthepe aki Mpeu vehupu lo peitha kivishi akümla kivi ghenguno kutope qhinani.