Rommi 9:1 - Sumi Naga CL (Re-edited) Bible (BSI)

¹ Ni ye Khristo laumi shino kuchou tsa pi ani—I lolo I pütsa chekeu huno Aghungu Kimthe vecheo I shepe shi anike ni ye miki amoe—

BAIBEL (BSI)

¹ Niye Khristo lono kuchou tsa pi ani. Ilolo kivikusa lokutsulo Aghungu Kimthe no ishepe shi

Sümi Tiqhelimi Bible

¹ Ni ye Khristo lono kuchou tsa piani. Ni ye mikí amoe. I no kuchou tsa piakeu ye Aghungu Kimthe vechewo I lolo kighithi no ithitoilu ani.

Rommi 9:1 Iomraidhean Croise

Rommi 1:9

Kughengu I nguagha kümtsü pesü Anu tsakiviu sheshu keu vecheo Alhou khuu I no huthu acheni keno, Pa no Iw thopike ni ye tamono nongu jeku

Rommi 2:15

Panow kivi-küsa lotsü no thopi shino Ayezah lo akeu ye pano mlo lo yepüanie pi panongu no piye cheni, eno küqüve kelo akipimi tsü, momu achipiu loye süsholu kepu shicheni,

Rommi 8:16

Alhou Ghungu ampi no ningu nguagha gholo süküqha no ningu ye Alhou nuli kepi thopi shitsü cheni,

Rommi 9:2

ike ni ye amloksa kije eno tamomithe iju keu huno I lolo ani.

2 Kor. 1:12

Kughengu ni qheküzapu ye hi ke, ni lolo kiviküsa lotsü no ashepe tsü anike ningu ye ayeghi lo akikhi eno Alhou lau amlo tsüqhiyi shi, ayeghi lo lokütsü lono kumono Alhouw küpükini lono xücheni, eno akhoto no nongu lau tishi acheni.

2 Kor. 1:23

Alhou no thopi shitsü penike ku ani—I no Corinth lo ighi move keu ye nongu loshipüsü moniye ke.

2 Kor. 11:10

Khristow kuchou I lolo anike Achaia cheaxü lomu I qheküzapu hipau ye inaqhoive monani.

2 Kor. 11:31

Ampeu Jisü Papu Alhou khuu alholo akümghapu keno, Pa no ithi anike ni ye miki amoe.

2 Kor. 12:19

Ningu ye itehimu nongu zülo ningu ampi shokha anie pi nongu ye kümsü ani keshea? Kimiye chekeqo, ningu ye Alhou nhethe lo Khristo pulou lono picheni, eno ti kümtsü nongu shiqhe puku niye ke.

Galatiami 1:20

(Nongu lau I no kiu ye ani keno, Alhou zülono ni ye miki amoe!)

FILIPIAMI 1:8

Kughengu I no kishi Khristo Jisüw ivüilai keu mlo xapu nongu kümsükütü cheni keno Alhou no Iw thopiu ke.

1 Thes. 2:5

Nongu no ithi anike ningu ye khilemu alatsa pisü ighimoe, momu alakimne no küzü pusü ighimoe—Alhou no thopike.

1 Tim. 1:5

Ni yezah hipau kimji ye amlo kimthe ngo kiviküsa lotsü eno amlo tsüqhiyi keu küpülü lono ipeghi keu kikimiye hu hakutho niye ke.

1 Tim. 2:7

Hi ghenguno I pesü akükütsüu eno apostolmi shi süsü ke (ni ye kuchou tsa piani thono miki amoe), ni ye aküpülü eno kuchou lono Jewkumomi shikükau ke.

1 Tim. 5:21

Alhou ngo Khristo Jisü eno kungumi kishekiphe zülono o pelo akükütsü tsa hipaqo pape penike I no o hakite ani. Khilemu kümsükuto mono küghathabe kevilo, agi jumono shilo.