Rommi 8:37 - Sumi Naga CL (Re-edited) Bible (BSI)

³⁷ Moe, Khuu no ningu kimiye cheni keno Pa vecheo ningu ye hi kümtsü lo aghütomi nguno alau tokulupu ani.

BAIBEL (BSI)

³⁷ Moe, hipaqo kumtsulo khuno ningu kimiye chenikeno pa vechewo ninguye tokulupu shishe ani!

Sümi Tiqhelimi Bible

³⁷ Moe! hi kümtsü lo Khristo khuu ningu kimiye cheni keno pa vechewo ningu ye tokulumiqo nguno akiqheu ke.

Rommi 8:37 Iomraidhean Croise

ISAIAH 25:8

Pa no alhokupuju ghenguno akithi munove nani; Ampeu Alhou no kümtsü nhethi lono anhezü isüvetsü nani, eno Paw timiqo kukujopu Pa no ayeghi lono ikhivetsü nani, kughengu Ampeu no pivae.

John 16:33

I no nongu vilo hipau pikeu ye I lau kimepe akeu lono nongu ye aloino apeniye ke. Ayeghi lo nongu ye aghime kitikhi sholu nani, ikemu amlo mtolo; ni ye ayeghiqha theqhi luvae.”

Rommi 8:35

Khuu no Khristo kikimiye lono ningu küghüxalu nani kea? Aghime kitikhi no keo, kijiküpsa no keo, shikimighi keu no keo, püqümiye no keo, aphikümsa no keo, akümsapu no keo, azütakikihi no kea?

1 Kor. 15:54

Kughou tsümave kepu phimpi no tsümamoni keu pepuve, eno thiveni keu phimpi no thimoni keu pepuveni keno, tileno ishi yepüakeu kipitsa shikupu nani: “Tokulu no akithi munovae.”

1 Kor. 15:57

Ikemu Alhou khuu no ni Mpeu Jisü Khristo vecheo tokulu ningu tsü keno Pa shikimthi.

2 Kor. 12:19

Ningu ye itehimu nongu zülo ningu ampi shokha anie pi nongu ye kümsü ani keshea? Kimiye chekeqo, ningu ye Alhou nhethe lo Khristo pulou lono picheni, eno ti kümtsü nongu shiqhe puku niye ke.

2 Kor. 12:9

Ikemu Pa no I vilo pi, “Iw küpükini ye o ghenguno lukümkhae, kughengu I küka ye miqemlei kelono kupukülailu cheni.” Tighenguno ni ye aloviqhiyi Iw miqemlei keu lo alau qhezani, tishianguno Khristo küka no I shou apeni.

2 Kor. 2:14

Ikemu Alhou shikimthi, Pa no Khristo gholono alhokuthu ningu sasü aghü tolu no shekujo woche keshi cheni eno ningu vecheo Khristo kighithi xokütsüngü aqha kümtsü lo veküpha cheni.

Galatiami 2:20

Ni ye Khristo gholono yedavae. I lolo xüakeu ye ni kumovae, ikemu Khristo no I lolo xüani. Eno itehi I no ashi lo xüakeu ye Alhou Nu, khuu no I kimiye no I ghenguno pa ampi tsüve keno, pa gholo aküpülü vecheo xüani.

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

2 Thes. 2:16

Itehi ye ni Mpeu Jisü Khristo ampi, eno ni Pu Alhou, khuu no ningu kimiye no küpükini vecheo lhokta lokughuno eno lajupu kivi ni tsü keno,

1 John 4:10

Kikimiye ye hipau lo ani: ningu no Alhou kimiye ke kumono Pa no ningu kimiye eno Pa Nu pesü ni ghenguno axine kümllagho shive penike puwue.

1 John 4:19

Ningu no kimiye kile chekeu ye Alhou paghino ningu kimiye kehue.

1 John 4:4

Atianuliqo, nongu ye Alhou laumi eno kichile tungkupmi theqhi luvae, kughengu nongu lolo Khuu ani keno Pa no ayeghi lo akeu nguno akijeu ke.

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe

Piyeküsü 12:11

Ni thiküzü chelimi no pa shou tolukeu ye Ambeti ji eno pano küxü shepe tsa lono ke; kughengu panongu ye akithi kutolo mu pano küxü küpümo ke.

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”

Piyeküsü 21:7

Khuu no theqhi luni keno hipau mheghi ithulu nani, eno I no pa Lhou shino pa no I nu shinani.

Piyeküsü 3:9

Julo, Satanw sinagogmi khunono kumomu Jewmi kepi pishiqhi cheni keno, I no panoqo pelo o zülo ighi no o pukhu philo itsaqi penike jualo, tileno panongu no Ni ye o kimiye cheni pi ithi nani.